洪永城

準爸爸洪永城實習湊B 對住孖生契仔皺晒眉束手無策 網民指責洪太再犯大肚婆禁忌

娛樂

廣告

洪永城與老婆梁諾妍上月舉行婚禮兼宣布雙喜臨門,今年底將成為新手爸媽。近日洪永城在社交平台上載抱B相,原來是其孖生契仔,相中的洪永城抱住BB時皺晒眉頭,束手無策,仲留言「明白嘅,都要實習吓,不過一嚟就打孖上,未免太難啩」此外洪太繼早前大住肚跑8K被網民鬧爆太危險後,今次又被網友指再度犯禁!

文:東方新地|圖:洪永城IG、梁諾妍IG

洪永城 直認個心好淆

洪永城(Tony)與梁諾妍(Inez)上月結婚同時宣佈有喜,現在Inez已懷孕約5個月,預產期在今年底,日前Tony在社交網上載他和老婆的抱B照,原來兩人正在為朋友照顧一對初生孖B,Tony直言:「明白嘅,都要實習吓,不過一嚟就打孖上,未免太難啩。三米跳板都未識(指跳水),一嚟就十米高台。」又Hashtag「生孖唔係double係triple嘅工作」、「契仔冇辦法」、「但係邊個先係」。

準媽媽Inez抱B的手勢獲網友大讚技巧純熟。(圖片來源:洪永城IG)
準媽媽Inez抱B的手勢獲網友大讚技巧純熟。(圖片來源:洪永城IG)
相反Tony抱B時就皺晒眉,仲搞到BB喊晒口咁!(圖片來源:洪永城IG)
相反Tony抱B時就皺晒眉,仲搞到BB喊晒口咁!(圖片來源:洪永城IG)

其中一張相見Tony抱住BB時狂皺眉,被網友取笑他個樣好「淆底」,Tony回答:「我個心一樣好淆。」之後好友亦有留言叫Tony下星期再過去幫手湊B,Tony即斷言拒絕說:「短時間內你唔會再見到我。」有網友笑言Tony可能都會「打孖上」,Tony亦回應:「千祈唔好!」此外有好友提議Tony要「舉多d鐵」練臂力,不過Tony就回以「有味」笑料,笑言:「我知道嚟緊冇得舉㗎喇」!

Tony指自己個心同個樣一樣好淆。(圖片來源:網友留言截圖)
Tony指自己個心同個樣一樣好淆。(圖片來源:網友留言截圖)
Tony指短時間內都唔想再去實習湊B。(圖片來源:網友留言截圖)
Tony指短時間內都唔想再去實習湊B。(圖片來源:網友留言截圖)
對於「打孖上」Tony非常抗拒!(圖片來源:網友留言截圖)
對於「打孖上」Tony非常抗拒!(圖片來源:網友留言截圖)
人哋講緊舉鐵,Tony就話嚟緊冇得舉⋯(圖片來源:網友留言截圖)
人哋講緊舉鐵,Tony就話嚟緊冇得舉⋯(圖片來源:網友留言截圖)

在Tony貼出湊B相後,陳自瑤留言笑指Tony「係時候」練定湊B,不過Tony擔心自己到BB出世時已唔記得晒現在所學,無奈說:「記得幾耐得幾耐」!「Darren」陳子豐就搞笑問Tony:「實習完初生B,要唔要試吓兩歲百厭星嘅身手?」但被Tony謝絕其「厚禮」,笑言:「我嚟緊大把機會試」。此外鄭俊弘亦有留言叫Tony「加油」,有粉絲就乘機催促鄭俊弘同老婆何雁詩要向Tony學習努力「造人」。

Tony覺得係家學定湊B係太過早,擔心到時BB出世已經唔記得晒。(圖片來源:洪永城IG)
Tony覺得依家學定湊B太過早,擔心到時BB出世已經唔記得晒。(圖片來源:洪永城IG)
在ViuTV人氣劇《大叔的愛》中飾演阿牧前男友Darren的陳子豐,現實中已結婚五年,有個兩歲囝囝,Tony以「Darren」稱呼對方,唔通佢都有追睇對家《大叔的愛》?(圖片來源:洪永城IG)
在ViuTV人氣劇《大叔的愛》中飾演阿牧前男友Darren的陳子豐,現實中已結婚五年,有個兩歲囝囝,Tony以「Darren」稱呼對方,唔通佢都有追睇對家《大叔的愛》?(圖片來源:洪永城IG)
鄭俊弘留言為Tony打氣,結果被粉絲催生B,不過Tony就話好羨慕佢有得去美國旅行!(圖片來源:洪永城IG)
鄭俊弘留言為Tony打氣,結果被粉絲催生B,不過Tony就話好羨慕佢有得去美國旅行!(圖片來源:洪永城IG)

被指再犯大肚婆禁忌

此外有不少網友溫馨提示Tony,指孕婦有一個傳統禁忌,就是不能抱其他BB,因為怕腹中BB會小器,對此Tony只回了三個「O嘴」的emoji。其實早前Inez亦因大住肚跑8K,而被自稱做醫護的網民鬧爆這樣太危險,更有不少網民直指她「攞個肚嚟博」、「咁樣好易小產」、「跑少九個月會死咩?」等等。

(圖片來源:網友留言截圖)
(圖片來源:網友留言截圖)
(圖片來源:網友留言截圖)
(圖片來源:網友留言截圖)
Inez早前因大住肚長跑8K,而被自稱做醫護的網民鬧爆太危險。(圖片來源:梁諾妍IG)
Inez早前因大住肚長跑8K,而被自稱做醫護的網民鬧爆太危險。(圖片來源:梁諾妍IG)

為此Inez特別發千字文解釋自己當了準媽媽後,為了寶寶能夠在肚子裏健康發育成長,已戒生冷食物、戒凍飲、戒咖啡因、戒酒,以及吃藻油DHA葉酸等等,她又認為有做開運動的準媽媽,本身已經有足夠肌肉去support自己身體,她又強力建議準備懷孕的媽媽一定要做多啲運動。她這番言論也獲得不少網民支持,認同只有準媽媽才最清楚自己的身體狀態。

Inez解釋指醫生話有跑開步的人懷孕後繼續跑步唔會影響胎兒,仲可以幫助到胎兒健康發展。(圖片來源:梁諾妍IG)
Inez解釋指醫生話有跑開步的人懷孕後繼續跑步唔會影響胎兒,仲可以幫助到胎兒健康發展。(圖片來源:梁諾妍IG)