阿嬌

賴弘國變「晒妻狂魔」 阿嬌生日冧爆示愛:你是我的小公主

娛樂

廣告

鍾欣潼(阿嬌)同老公賴弘國結婚後一直非常甜蜜,日前適逢阿嬌38歲生日,賴弘國就喺Instagram分享出多張同阿嬌嘅合照,並Sweet爆留言,多謝阿嬌出現喺佢生命入面。

撰文:Kayla|圖片來源:Instagram

踏入38歲,阿嬌變身成幸福人妻,生日(1月21日)當日除咗同一班兄弟姊妹慶祝之外,老公賴弘國當然唔會缺席!第一年以老公身份同阿嬌慶生,一向愛錫阿嬌嘅賴生當然唔會放過放閃嘅機會,喺Instagram上分享多張同老婆嘅合照,並留言:「妳是我最好的朋友、家人、老婆,小公主生日快樂🎂」,隔住個mon都覺得Sweet!

賴弘國婚後變「晒妻狂魔」

打開賴弘國嘅Instagram,不難發現最近幾乎每一個Post都同阿嬌有關,就連佢搭搭吓地鐵見到阿嬌個廣告燈箱,都要走埋去同老婆「合照」。

 

在 Instagram 查看這則貼文

 
巧遇港鐵女神 @q_gill
Michael Lai(@m01yb46)分享的貼文 於 張貼

網民見到賴弘國咁錫老婆,都紛紛留言話好安慰,又祝福佢哋兩個可以幸福快樂咁生活落去,快啲生返個小弘弘或者小嬌嬌。

 

在 Instagram 查看這則貼文

 
我愛妳老婆 @q_gill #gmwedding #loveuall
Michael Lai(@m01yb46)分享的貼文 於 張貼

 

 

在 Instagram 查看這則貼文

 
Michael Lai(@m01yb46)分享的貼文 張貼

阿嬌超唯美水底婚紗照

鍾欣潼婚後都不時係IG放閃,例如Post出同老公遠赴墨西哥拍攝嘅超唯美水底婚紗照,阿嬌著住白色婚紗,老公則白色著住襯衫,水中凝望對方,非常甜蜜。

拍攝過程超危險

阿嬌留言分享拍攝感受,「婚紗照的夢幻長拖尾是十分危險!但這才難忘。」阿嬌曾係婚禮提到,當日拍攝時,鐘乳洞水下溫度很低,所以只拍了幾張就停止,而婚紗太長,被纏腳,點啲窒息。

阿嬌同老公甜蜜咀嘴

鍾欣潼(阿嬌)與台灣醫生老公賴弘國(Michael)於上月18日在尖沙咀海旁簽紙註冊結婚,而一對新人在尖沙嘴的The Ritz-Carlton Hong Kong擺喜酒宴請親朋,穿上Deep V復古婚紗的阿嬌勁騷事業線,高貴又美艷,真係索到噴汁!而兩位主角也應記者要求咀嘴,場面幸福又溫馨,再次恭喜阿嬌!

原文:東方新地|圖片:新傳媒圖片

據知,阿嬌的婚紗是出自專門設計名貴晚裝及婚紗的黎巴嫩人氣設計師Zuhair Murad手筆,屬於2019春夏婚紗系列的重點款式,靈感來自20、30年的Art Deco風格,款式高貴華麗。

二人接受訪問時,問到賴弘國準備什麼驚喜畀阿嬌,他大賣關子:「準備了一個小節目,一個秘密,也準備了一段時間,有時候抽空就練習,幾個星期。」阿嬌又透露一早已稱對方為老公,她更幸福地說已習慣身邊人稱她做賴太:「我姓賴㗎!可以隨時用姓賴。」

阿嬌話今天十分開心,透露很多朋友也推掉了很多工作來見證二人的婚禮。

擔任姊妹團的祖兒、Yumiko、阿Sa同阿嬌的中學同學會見傳媒,她們穿上蝦肉色閃令令的姊妹裙,超靚!

英皇集團主席楊受成博士和英皇娛樂行政總裁集團營運總裁霍汶希小姐出席阿嬌的婚宴,並和一對新人合照!

阿Sa男友驚喜現身

阿Sa以往甚少跟男朋友石恆聰一起出席公開活動,不過今次好姊妹結婚,阿Sa就罕有地帶男朋友「見家長」,參加飲宴之餘,順便見見老闆楊受成。姊妹之一的鄭希怡在Instagram上載了一張大合照,見石恆聰低調地站在阿Sa身邊,非常登對。

阿Sa男朋友石恆聰是「麻將大王」石鑒輝的後人,而石鑒輝創辦的「瑞興麻雀館」,直到今日仍是業內龍頭,因此石恆聰就被稱為「百億麻將館太子爺」,至今已經有超過100間店舖、幾10棟大廈,家族身家大約300億。

在 Instagram 查看這則貼文

Charlene Choi(@choisaaaa)分享的貼文張貼