360秒人生課堂

360秒人生課堂|醫生媽媽分享辭工與自閉兒子共度難關 Ben Sir為演講真玩語言藝術

娛樂

廣告

《360秒人生課堂》歐陽偉豪(Ben Sir)演講分享49歲轉行心路歴程:由Bob(林盛斌)擔任主持的無綫新節目《360秒人生課堂》,將由4月14日起逢周四、五晚10點半播出,節目一共有10集,首集打頭陣的嘉賓,有自2016年開始跳出大學高級講師這Comfort Zone,轉行做藝人的歐陽偉豪(Ben Sir)。

《360秒人生課堂》Bob親自致電邀約好友任演講嘉賓

原來《360秒人生課堂》整個節目的構思均來自主持阿Bob,Bob透露上年年中他向曾志偉提出想做一個充滿正能量及有激勵性的節目,成就了《360秒人生課堂》的第一步:「我話我想做一個演講類嘅節目,因為我都睇過好多世界各地類似嘅演說節目,每次睇完都覺得自己充滿力量。就算演講嗰位係素人,佢哋嘅人生經歷對我嚟講都係一個人生課堂,佢哋就係我嘅人生導師!」之後Bob著力進行策劃及統籌工作,並逐一致電身邊好友邀請他們上節目分享人生經歷:「佢哋知道節目嘅目的同初心後,絕大部分都一口應承。令我最感動嘅,係好多我嘅朋友可能成世人都未試過演講,但佢哋都好畀心機練習同埋寫好份講稿。」

Stephenie辭工與自閉兒子共度難關

首集打頭陣的嘉賓還有「與自閉症兒子共同成長努力」的剛強媽媽黃溢妮(Stephenie)。Stephenie的人生故事既真摯亦相當感人,令現場所有觀眾及Bob 均哭紅了眼。Stephenie育有兩名子女,當中今年8歲的兒子顥之患有自閉症,認知力只有3、4歲 ,猶幸性格乖巧,Stephenie早在2歲時發現兒子患上自閉症,決定放下工作全力照顧兒子。

為孩子找學校 失望而回感傷心

Stephenie 雖然是素人,但因為她演說的自身經歷既真摯感人、亦甚有啟發性,不但主持阿 Bob 感動得一再拭淚,全場所有觀眾也是哭個不停。育有兩名子女的 Stephenie,八歲兒子顥之患有自閉症;為此 Stephenie 辭掉工作決心與顥之共渡難關,細心教導顥之 學習所有技能及新事物,可惜努力並不等於一切:

「佢好乖好聽話,每日做訓練都坐定定;可惜佢能力唔高,好多好簡單嘢都要慢慢教慢慢練。」

顥之最終因學習能力問題遭醫生評 估需入讀中度智障特殊學校,Stephenie 坦言當刻恍如被判死刑:「我好失望,點解我哋咁 努力,佢又咁乖咁聽話但都要嫌棄佢?嗰時我每日只要靜落嚟諗起個仔就會喊,感覺好似 被人判咗死刑咁。」

360秒人生課堂 Stephenie的故事相當勵志及真摯,現場觀眾聽畢無不淚如雨下。
Stephenie的故事相當勵志及真摯,現場觀眾聽畢無不淚如雨下。(圖片來源:TVB)

孩子瀨屎惹混亂 媽媽感尷尬

禍不單行,本身壓力已近爆煲的 Stephenie,有次與丈夫 Alan 帶兒子到某私人會所的兒童 遊樂場玩耍時,因場地所限未能貼身照顧兒子,結果兒子當眾大便惹起混亂。Stephenie 坦言當時感覺無地自容:「我個仔屙咗 Poo Poo,將 Poo Poo 揼到周圍都係,我嗰刻好驚周圍啲人會拍片放上網。我老公一手抱起個仔帶佢去更衣室沖涼,我就唔敢望周圍,一邊幫手 清潔,一邊係咁道歉。」

丈夫一句暖心安慰 重拾力量

當晚 Stephenie 情緒跌至谷底,衝入房間哭個不停,除了感到「好醜」,並對只有五歲的顥之前景大感茫然,當刻全靠老公的一番話點醒了她:「我覺得一啲 都唔醜,周圍嘅人應該讚我呢個爸爸可以處理咁尷尬嘅事情處理得咁好。就算你個仔依家 係正常,第日大個都可以學壞,但顥之又乖又聽話,佢會留喺你身邊,陪住你一世。」被 一言驚醒的 Stephenie,自此有了不一樣的看法和人生:「有時就算我哋好努力,都未必改 變到一啲事。但原來換個角度去睇,睇多啲好嘅地方,你會發現幸福原來一直都喺度。」

睇片重溫:好媽媽Stephenie 360秒人生演講

第一集嘉賓Stephaine黄溢妮,分享佢嘅故事。自從囝囝出世後,佢嘅人生180度大變。原本係專科醫生嘅佢,當察覺到囝囝患有中度至嚴重自閉症之後,就馬上放下手頭工作,每日陪住囝囝做訓練。而佢遇上比一般人困難嘅呢個課堂,又會點樣面對呢?去片:

鍾麗淇一句話化解旁人疑惑

Stephenie 的旁聽嘉賓鍾麗淇及區永權,亦同樣要面對來自子女的問題,鍾麗淇的 11 歲大 女兒 Isabella 患上罕見基因病「四號染色體缺損綜合症」,到現在依然未學會說話及步行, 每次抱著大女外出面對外人投來的詫異目光時,鍾麗淇都會正向面對,鍾麗淇說:「有時我見啲人望緊佢,覺得點解會行到咁?點解要抱?我就會同佢講呢個係我個女,佢依家練 緊行路,就得架喇!我希望好似 Stephenie 咁分享心聲,然後會令身邊啲人更了解件事。」

相關文章:鍾麗淇為母則強-照顧先天疾病女兒走過9年難關【KissMom專訪】

區永權細仔曾患中度及嚴重自閉 哽咽憶述當年難過一刻

區永權細仔 Ambrose 於一歲半時被診斷患上中度及嚴重自閉,幸好區永權及太太及早發 現及積極面對及處理,現時囝囝情況已大有改善;不過區永權憶述當年得悉囝囝有事一刻, 仍是難忍哽咽謂:「我記得我太太當時買咗好多相關嘅書,我一路揸車,佢一路喺度讀本 書畀我聽、一路喺度喊,嗰一刻我到依家都好記得。」

相關文章:一年抱兩區永權親授2招添丁秘笈+與仔仔相處的5道法則

360秒人生課堂 合照左起為《360秒人生課堂》嘉賓有李炫華老師、湯兆昇博士、歐陽偉豪Ben Sir)、陳榮峻以及主持人林盛斌。
合照左起為《360秒人生課堂》嘉賓李炫華老師、湯兆昇博士、歐陽偉豪(Ben Sir)、陳榮峻以及主持人林盛斌。(圖片來源:TVB)

《360秒人生課堂》Ben Sir 轉行因電視台賤自己更犯賤

Ben Sir講到答應上節目《360秒人生課堂》做嘉賓的原因,並非因為要發放正能量,而是因為這是香港第一個推廣演講的節目。向來予人感覺幽默的Ben Sir,其360秒演辭既生鬼又吸引,對於當初由大學高級講師這個「舒適圈」跳入「娛樂圈」,Ben Sir笑指自己是「超級犯賤」:「有人賤,有人犯賤,幾年前有電視台叫我上去講解粗口喎,賤咯!但我又上去喎,犯賤咯!」

360秒人生課堂 Ben Sir話演講要睇內容同語言表達,開正佢嗰瓣。
Ben Sir話演講要睇內容同語言表達,開正佢嗰瓣。(圖片來源:TVB)
360秒人生課堂 Ben Sir話答應做嘉賓同正能量無關。
Ben Sir話答應做嘉賓同正能量無關。(圖片來源:TVB)
360秒人生課堂 Ben Sir自嘲當初由大學高級講師這個「舒適圈」跳入「娛樂圈」,是「超級犯賤」。
Ben Sir自嘲當初由大學高級講師這個「舒適圈」跳入「娛樂圈」,是「超級犯賤」。(圖片來源:TVB)
360秒人生課堂 Ben Sir稱有人賤,才有人犯賤。
Ben Sir稱有人賤,才有人犯賤。(圖片來源:Facebook@歐陽偉豪)
360秒人生課堂 阿Bob就回應話期待Ben Sir有幾犯賤!
阿Bob就回應話期待Ben Sir有幾犯賤!(圖片來源:Facebook@歐陽偉豪)

Ben Sir曾瘋狂推Job

Ben Sir透露出走舒適圈初期曾因欠缺自信,一度想「縮沙」,並試過「瘋狂推Job」,後來因發現「推極都唔完」,才領悟自己有潛力。為了實踐「Bensirlization」,Ben Sir走出舒適圈前,更大膽地先與老婆「約法三章」。

360秒人生課堂 所謂「Bensirlization」,Ben Sir解釋是以自我為中心,令網友諗起《IT狗》入面阿Lou的「Loutivation」。
所謂「Bensirlization」,Ben Sir解釋是以自我為中心,令網友諗起《IT狗》入面阿Lou的「Loutivation」。(圖片來源:IG@ben_sir_dr_ben)
360秒人生課堂
(圖片來源:IG@ben_sir_dr_ben)
360秒人生課堂 Ben Sir嘅演講,齋睇動作都覺得吸引。
Ben Sir嘅演講,齋睇動作都覺得吸引。(圖片來源:TVB)

Ben Sir以輕鬆搞笑手法講解粵語用字及語法而成名

現年54歲的Ben Sir為香港粵語語言學家、主持兼演員,以在電視節目中以輕鬆搞笑手法講解粵語用字及語法而成名,曾任職香港中文大學中國語言及文學系高級講師,及為香港科技大學語言學哲學博士,師承著名語言學家張洪年教授,中文科補習天王林溢欣亦曾是其學生。

360秒人生課堂 大台高層震怒!Ben Sir:我要負責!網友:一個節目搞掂啦、就「Ben Sir 睇肉堂」
Ben Sir首次出現在電視節目上,已經係逾十年前的事,由初時表現得比較正經八百,到後來愈見風趣,近年更加將其冷面笑匠的本色發揮得淋漓盡致!(圖片來源:Facebook@歐陽偉豪)

Ben Sir 在2016年入電視圈

繼客串演出《最緊要正字》及《學是學非》等節目後,Ben Sir在2016年受到製作人吳俊達邀請,在《男人食堂》的「粗口學堂」環節中正式擔任主持,以自己的方式為觀眾解構廣東話粗口,深受網友喜愛。之後又憑《Ben Sir學堂》首次獲提名《萬千星輝頒獎典禮2016》「最佳節目主持」,而該節目亦獲提名「最佳資訊節目」。2021年4月,Ben Sir正式簽約成為TVB基本合約藝人。

360秒人生課堂
Ben Sir在2016年受到製作人吳俊達邀請,在《男人食堂 – 粗口學堂》環節中擔任主持。(圖片來源:《男人食堂 – 粗口學堂》截圖)

《360秒人生課堂》6分鐘聽盡人生故事:

更多:360秒人生課堂|猛料導師李炫華獲中國選為「50強培訓師」Bob親自力邀上電視

360秒人生課堂 李炫華
猛料導師李炫華獲中國選為「50強培訓師」Bob親自力邀上電視(圖片來源:360秒人生課堂李炫華)

《360秒人生課堂》Ben Sir為何放棄大學講師高薪厚職?

《360秒人生課堂》節目主持Bob請來老友Ben Sir打頭陣,Ben Sir的講辭生鬼又搞笑,提及到當初電視台賤所以自己更賤……詳情請看

《360秒人生課堂》還有其他重量級嘉賓?

《360秒人生課堂》主持Bob親自請來一位猛料人生導師為大家分享正能量……詳情請看

撰文:東方新地圖片來源:TVB、IG@ben_sir_dr_ben、Facebook@歐陽偉豪資料或影片來源:big big channel