防疫貼士｜3A醫護專業港媽分享防疫10大貼士：瞓夠先有抵抗力照顧BB｜第五波疫情
廣告
防疫貼士｜近日第五波疫情大爆發，不少港媽分享家中小朋友的染疫情況。面對小朋友中招發燒好多新手爸媽都唔知點算。有見及此，一位曾就讀醫護3A課程的港媽，日前在肺炎媽媽自救寶寶區分享在課程中學到的知識，教媽媽們如何防疫、保障BB，以及如何有效地照顧確診小朋友。
防疫貼士｜專業3A醫護10大防疫貼士
一名曾就讀醫護3A課程的港媽，日前在肺炎媽媽自救寶寶區中分享曾在課程中學到的知識，教大家外出後回家的防疫清潔小貼士，讓一眾擔心的媽媽可以好好保護子女。
休息及習慣：
- 醫護導師話過攰就要瞓，要休息瞓多啲先有多啲嘅抵抗力，因為個身體唔夠休息，喺屋企做幾多清潔都冇用。
- 手腳關節因發燒骨痛，可用薑片加藥油（驅風油）捽搽關節痛嘅位置。如果有蠶豆症病人，要用其他不含樟腦丸，樟腦油成份的東西，或純用薑片捽搽關節。
衞生習慣：
- 去完洗手間，一定要放低個廁所蓋先好沖廁。
- 洗手要洗足7個步驟，不要貪一時之便，抱同錫小朋友。
- 由於病菌會從眼部進入，千祈唔好用手指捽眼。
外出注意：
- 為小朋友戴好口罩，口鼻都要遮到。
- 如果小朋友有出過街，係屋企門口要用消毒噴霧由頭噴到落腳，記住要噴埋鞋底。
- 揹過出街的隨身物件，要噴消毒或者抹。手機就一定要用消毒紙巾抹。
- 入屋即刻沖涼洗頭。
用餐注意：
- 不論外出堂食，還是在家中用餐，都一定要用公筷，並且一定要抹乾淨餐枱。
防疫貼士｜媽媽都要保護自己！
明白很多媽媽因為小朋友染疫而十分擔心，樓主亦提醒媽媽們在照顧小朋友的同時唔好攝親，自己都要著多一件外套，用保暖水樽裝温熱暖水畀自己飲。一來有提神作用，二來急尿等自己有廁所去，會冇咁易瞓著。
原文：按此
撰文：Billie、資料來源：Gretl Tse-Wan圖片來源：photoac、shutterstock
