陳茵媺

兩個囝囝發高燒 陳茵媺 靠飲咖啡撐住?

熱話

廣告

陳茵媺 生完細女Camilla之後,繼續專心湊仔女。雖然有工人姐姐幫手,但 陳茵媺 一向鍾意親力親為,尤其照顧三個仔女更加唔想假手於人,不過日前Aimee自爆一對囝囝發燒,大仔病咗兩日,細仔更病足7日!好彩有老公陳豪特製咖啡提神,努力照顧仔女!

 

撰文:東方新地
編輯:Heidi Lau

日前Aimee上微博報告近況,話兩個仔都病晒,好在細女冇被傳染。囝囝一齊打敗仗,最辛苦一定係媽媽!Aimee透露每晚「左手同大王子探熱,右手安撫氹二王子」,真係忙到冇得休息!

陳豪忙住搵奶粉錢,Aimee除咗要獨力湊住三個B,連電器都要自己整!幾十樣家務要做,好在陳豪一早為老婆特製咗杯愛心咖啡,杯啡要用8個鐘沖泡而成,少啲心機都整唔到!

其實Aimee曾經因為湊仔太辛苦搞到病咗,睇嚟陳豪除咗要努力搵錢,仲要好好睇實老婆呀!