周杰倫 新歌贈女兒　原來暗藏玄機？

周董在影片開頭寫到：「有個女孩叫Hathaway，在她四個月大時，彈了一段旋律，我引以為傲。她…是我女兒。」單單是這一段，已經完全將對女兒的愛表達出嚟。輕快嘅旋律加上洋溢父愛歌詞，感動唔少網民！

Hethaway而家10個月大，但原來佢喺4個月大時，已經將佢嘅音樂天份展現出嚟啦！Hethaway嗰陣拎住ipad版鋼琴，隨意地彈奏，又有邊個估到嗰幾個音最後可以變成一首歌呢？

下頁有：到底MV有咩玄機呢？

MV以剪影為主題，大家有無留意剪影中出現過2014年周董與昆凌結婚時的古堡風景？似乎係寓意將女兒湊到咁大，轉眼就要拖住佢隻手嫁人啦！作為爸爸，梗係唔捨得啦！周董仲將嗰段嘅歌詞填了：

我後來　會在　純白的禮堂
牽好久　的手　交給另個他
眼淚　一點一點一滴流下　感動　也會跟著留下
遠遠看著你們幸福　像前世我們有過的模樣

唔知大家有無睇到最後呢？原來片尾有Hethaway當時彈琴的影片，手仔細細卻彈出「周爸爸」的靈感，大家又覺得周董呢首歌同囡囡首歌似唔似呢？

撰文：Fiona Fong