最恐怖早餐 英國男子直播食 胎盤
廣告
相信不少朋友都會聽說過「食胎盤」呢個具爭議性的話題，雖然感覺嘔心，但中醫認為胎盤營養價值高，對滋補腎臟有特別功效，係一種上佳的中藥。而胎盤 焙乾後入藥呈紫色，所以中藥名稱又叫「紫河車」。近日英國一男子似乎深明此道，所以將太太的 胎盤 從醫院帶回家做早餐，更將食用過程拍片放上Facebook，嚇壞網民！
32歲的Ross Watson住在英國達靈頓，係一名保險經紀，佢太太不久前為佢誕下第二個孩子，並認為「兩個夠晒數」，決定封肚唔再生。此舉令Ross萌起食 胎盤 及臍帶的念頭，佢認為呢個係佢最後一個孩子，如果錯過就再無機會嘗試呢兩樣「食物」。
Ross又表示，佢知道冇人會打算食自己太太的 胎盤 及臍帶，朋友們聽到呢個想法都非常驚訝。但佢就認為 胎盤 本來就係可以食，有何不可！
Ross亦真的坐言起行，在一個早上將血淋淋的 胎盤 及臍帶，用膠袋從醫院帶回家。佢決定要趁新鮮品嚐，於是 胎盤 及臍帶就成為豐富早餐的一部分。Ross將部分煮熟，部分作生食，以嘗試 胎盤 及臍帶不同煮法的不同風味。
不過Ross似乎深知獨食難肥這個道理，於是將食 胎盤 及臍帶的過程拍成短片，上載到Facebook公諸同好。見到桌上有一份豐富的正常英式早餐，兩旁則放着兩碟分別未煮及已煮熟的 胎盤 ，Ross更加入胡椒及外國人常用的brown sauce與生 胎盤 同食。片段中見到佢似乎食得津津有味，仔細咀嚼後發表食評︰佢認為 胎盤 煮熟比生食味道好，而臍帶則要伴一啲茄汁豆同食。
唔少網民睇過片段後都覺得嘔心，認為此行為十分恐怖；不過當然亦有人認為胎盤都係一種食物，所以並無問題… 而小編則認為每個人都有自由去食任何東西，不過放上網前就煩請三思……
全文完
