畢業相

潮影靚靚 畢業相 3大推介

熱話

廣告

小朋友幼稚園K3畢業,同學仔穿上畢業袍,拿着畢業證書,可愛到不得了。以前影 畢業相 ,離不開在校園或在影樓來張企定定的硬照,不過,現在卻大不同,透過不同的道具,即使是搵專業攝影師,或是自己動手拍,都能拍出不一樣的畢業照。

FODIO 原創道具添特色

Jenny是星級親子攝影師,最叻同小朋友「打交道」,逗他們開心,捕捉他們開心笑容。「我會透過玩遊戲,邊玩邊影,小朋友玩得開心,就更容易捕捉到他們最真一面。」Jenny本身是媽媽,早年更開班教搜親子攝影,一年半前在新蒲崗開設FODIO,主打不同主題拍攝,當中幼稚園畢業相更搶手,因為這裏的布景夠特別,如大黑板課室、車胎運動場,加上七彩畢業袍,未影已製造出歡好氣氛。

據知影樓內的道具,大部分都係Jenny的設計,有時更會同插畫師合作,如上年同馬仔(漫畫家Maggie),嚟緊同貓宜創作室的關潔怡(Cat)做字句板及帶出香港特色別注版擦膠。來這裏影相,分有個人、家庭、良朋套餐選擇,畢業朋友仔可以約埋一齊影,如三千多元的良朋套餐,最多可以影五人,平均計一人都係$776,絕對抵影。

另外,Jenny諗頭多多,就連畢業的周邊產品,她都有好idea,好似印有相片連擦膠的畢業紀念禮品,送俾老師及同學仔就夠晒心思。

FODIO
費用:個人套餐$2,280,1位畢業主角,拍攝時間30分鐘,40至80張相,送畢業證書連個人照珍藏本家庭套餐$4,980,畢業主角連父母及最多一位兄弟姐妹,拍攝時間60分鐘,80至150張相,送8×8吋硬皮封面相簿一本
良朋好友套餐$3,880,2至5位畢業主角,拍攝時間75分鐘,80至150張相良朋好友升級套餐$7,380,2至5位畢業主角,拍攝時間120分鐘,120至250張相,送短片加相片Slide Show

地址:新蒲崗景福街104號新時代工貿商業中心1501室
查詢:3974 5292 / 9550 8187(Whatapp)

閱讀更多

※如欲率先接收資訊,請讚好我們的FB專頁:https://www.facebook.com/SundayKiss/,並於「已讚好/Liked」選單設定「搶先看/See First」,多謝支持。

延伸閱讀

大個仔畢業啦! 香港公園外影篇

特色親子影樓 玩法大不同

Phocus 自畫祝賀背景

自拍影樓一向都提供指定的布景,但不想同人一式一樣,自己畫為何不可?在Phocus自拍館有一個Painting Room,一入內,就見到一張大白色布景,家長與小朋友可以隨心畫上喜愛的公仔及字句,如Yanki K3畢業,媽媽為她畫上新學校及祝福句,夠晒貼心及與別不同。房內提供12種不同顏色料,仲有防護眼罩及圍裙俾你着,不用怕弄污衣服。

每次booking時間為兩小時,基本上有足夠時間俾你發揮畫功及影相,畫完後的大作更可拿回家珍藏,真的不錯。不過,提一提,這裏使用的油掃比較闊大,不能畫太仔細的線條,構圖前要諗清楚。

Phocus
費用:$198/ 1人,最多6人,拍攝時間120分鐘,可取回所有相片
地點:旺角西洋菜南街榮華大樓2樓D室
查詢:3486 9690

續下頁

Petits Photography戶夕外捕捉自然感

室內,室外拍畢業照都各具特色,但戶外景題材多,影出來的效果更加吸引,所以每年到了畢業月,大大小小的公園裏,都可見不少畢業生的足跡。不過一般人以為請得攝影師出外景,價錢一定比室內貴,但原來又未必喎!

向來主力做幼稚園學校畢業相生意的Petits Photography,近月推出戶外畢業相套餐俾街客,只是$499就有交易,可選擇一個戶外景點進行1小時的拍攝,最多可同時4人入鏡,一家大細一齊影也可。

而且除了早午時段,晚上影更有feel,配合攝影師的idea及燈影,畢業相原來不只溫馨,仲可以好型。套餐包5張編輯過的相片,如家長想要其他相片,每張要加$50,又或者加$2,500買晒所有相片,以1小時的攝影,平均會影到200張相,全部都會執過先交貨。

Petits Photography
費用:$499,1至4人,拍攝時間60分鐘,包畢業袍,5張編輯相片
地點:青衣公園、山頂公園、南生圍、大埔海濱公園、馬灣公園、觀塘海濱花園、迪欣湖、佐敦谷公園、西九龍海濱長廊、赤柱美利樓
查詢:3175 5405、5197 4502(Whatsapp)

續下頁

網上自製畢業相簿

 

影了大量靚相,梗係要曬出來珍藏,現時坊間有不少自製相簿的網站,透過軟件,可以自己排版及加上標語,更有紀念價值。

 

智慧日子排相好方便Fujifilm year album
要在一大堆相片中揀相十分麻煩,但Fujifilm Year Album有你只需揀選拍攝相片的日期及相簿的版數,Fujifilm Image Organizer的Smart Select及Smart Layout就會自動處理揀相及排版,最快可於5分鐘內訂製。不過尺寸方面只有A5及A4兩種,配不同的版數,由16版至48版,價錢由一百六十至七百三十元不等。可選擇在任何一間快圖美分店取件或以郵遞收取。 http://year-album.hk

素材夠多又易用Photobook
編輯軟件易用,而且有大量背景、素材庫圖案、畫框等,如果覺得自己排版有點複雜,
可選Online Ready Book,有不同題材,如節慶、家庭、旅遊等,選擇後,只要跟着空位擺上相片,就輕易製作出相簿。費用不太貴,網站常有優惠,一般一百多元就有一本,運費為廿多元至三十多元,視乎快運還是平郵,快運約一星期就可送到。 www.photobookhongkong.com