聰明

【聰明人係睇得出!】專家教你睇10個聰明人特質

熱話

廣告

好多人成人以為自己好醒目,但其實佢可能唔係自己想像中咁聰明。「聰明人」有好多特質,有研究指出如果你擁有某啲特質,就可以容易分辨到你係咪比同齡嘅人聰明,我哋依家就睇下聰明人會擁有嘅特質啦!

編輯:Kammy|原文:經濟一週|圖片來源:Instagram,unsplash

10個聰明人特質

1. 左撇子

如果你係左撇子,你可能需要不同嘅剪刀,或者係經常因為使用電腦嘅滑鼠位置問題而有困擾。不過,另一方面可能係代表你數學上特別好。有研究發現,你習慣用邊一隻手同你計算能力是有所關係,但係隨性別同年齡而有所不同。

2. 你係不整潔人

格羅寧根大學嘅研究者發現,一張凌亂嘅檯會令人有更清晰嘅思路,視覺、思維混亂逼使人更專注。凌亂嘅檯未必係人諗得咁負面,反而可能提高員工喺解決問題中嘅創造力,甚至係增高工作效率。

3. 經常講粗口

曾經有研究指出,經常性責罵人嘅人係比不講粗口懂得更多詞彙,有信心講粗口嘅人喺其他方面係更能表達清楚。有大學心理學家指出,罵人同你說話時嘅流利性有直接關係,一個講粗口嘅人其實並唔代表有冇受過教育或唔能控制自己。

4. 你能令其他人笑

一間大學嘅心理學家指出,幽默同智力其實係有著密切嘅關係。2010年嘅研究指出,幽默感係顯示你嘅智力、創造力同其他良好嘅基因。幽默代表著智慧,因為知道係正確地講有趣嘅事,咁都需要有技巧㗎!

5. 經常性捱夜

根據2009年嘅報告,夜瞓嘅人比早瞓嘅人聰明。研究發現,夜瞓嘅人比其他人起床快得多,更有證據顯示,夜瞓嘅人比早睡早起嘅人更加聰明同富有。

6. 青春期中冇發生過性行為

研究人員測試喺詞彙測試(即畢保德圖畫詞彙測驗)中,用作測試青少年嘅智力,結果冇發生過性行為嘅青少年得分更高。博士指,即使係非常早期嘅性行為,例如係手牽手同親吻,會直接令到詞彙測驗嘅分數減低。由此可見,相比起青春期,延遲地發生性行為係有更高嘅智力水平。

7. 經常性會擔心

有研究指,經常擔心、杞人憂天嘅人往往係更聰明。因為經常擔心將來潛在會發生負面事情,或經常會重覆地思考嘅人,會通過一次又一次重覆負面而過去嘅事件。因此,其言語智力係比較高,佢哋可以更詳細地考慮過去同未來嘅事情,先會導致更強烈嘅反思同擔心。換句話講,即係你言語智力愈高,你愈容易擔心同反思。

8. 你有養貓

2014年一個研究指出,不管寵物嘅智力,養貓嘅人比養狗嘅人聰明。研究表明,貓同狗呢兩種動物嘅主人往往有唔同嘅個性,貓嘅愛好者比精力充沛嘅愛狗者係更加敏感同開放。而一間大學嘅研究得出,貓主喺智力測驗中得分比狗主高。

9. 你是一個謙虛嘅人

好多有能力嘅人通常會比實際情況高估自己嘅智力,而更多有能力嘅人係低估自己嘅能力。研究指,呢樣亦解釋點解無知嘅人經常地過份自信。

10. 你有弟弟或妹妹

根據2007年嘅研究顯示,年齡較大嘅哥哥或家姐嘅智商分數普遍係高於其細佬或妹妹。而教授指出,呢個關係未必生物學有關,而是因為家庭環境同社會因素影響。