鄭麗莎三胞胎

鄭麗莎三胞胎 仍在醫院中

熱話

廣告

上兩個星期, 鄭麗莎三胞胎 出世,佢當時話三個BBB都未足磅要瞓箱,要等 三胞胎 甩喉先公開相片,不過佢一直有在facebook專頁分享情況,之前仲寫下誕下 三胞胎 的過程,近日佢又再有分享。

 

撰文:Heidi Lau (部分文字轉載自鄭麗莎facebook)

佢寫下自己在開刀前一晚的心情,佢話:「手術唔經唔覺已經過左一星期多,記得手術前一日,心情其實都好㥬惶又複雜,一方面臨近尾聲,好想快d見到三個BB,另一方面,醫生話 三胞胎 手術會有潛在風險,假若流血過多的話,也有切除子宮的可能性。。。術前一晚,成晚都瞓唔著,因為有了家庭後已經不在是自己一個人的事,好掛住小晉,又好想快d返屋企,於是同老公傾左成個鐘頭電話…..而現在眨下眼全部都成為過去了,點點滴滴在心頭。」

三胞胎 未出院,媽媽只好去醫院探BBB,最近仲有好消息。 鄭麗莎 :「醫生姑娘話他們收水過後正回升體重中,哥哥和二女由NICU已轉了出加護病房,當他們體重達標後便可接出院,相信下星期哥哥可以最快返屋企,BBB們加油!屋企等緊你哋呀!」

早兩日再去探BBB時,媽媽仲影咗二女對腳仔相同大家分享。

鄭麗莎 打算讓 三胞胎 飲母乳,由於BBB尚未出院,所以產後只能努力泵奶,媽媽人一個人,BBB就三個,佢話:「其實我都無咩信心可以餵得飽佢地3隻野,所以都係同自己講: 有好過無,盡力啦!」

佢仲留言問大家有冇增乳湯水推介,大家都好熱心畀咗唔少建議。最多人提議用木瓜、鱆魚、花生、雞腳等煲湯,不過有人提醒盡量避免用花生,因BB可能會有敏感,亦有人提及剛開刀不久不宜飲用魚湯,因傷口會易生肉芽。

另外,都有唔少提到用黑豆、通草,兩者都有助上乳,而後者更有疏通乳腺的作用,應先疏通再谷奶,否則易有乳腺炎。

 

希望 鄭麗莎三胞胎 快啲出院,媽媽泵奶都唔好太大壓力,最緊要大細都健康平安!