鄺文珣

鄺文珣賀囡囡滿月 餅印母女溫馨對望

熱話

廣告

鄺文珣嘅寶貝女小麵粉一個月大啦!早前媽媽May上載一張母女對望嘅相,同大家宣布愛女滿月嘅喜訊。May仲話會跟屋企傳統,每個月都同小朋友慶祝,直至佢一歲大為止。Chesney望住媽媽一副幸福樣,兩母女甜到心入心肺啦!

撰文:Sunday Kiss
圖片:新傳媒圖片庫、鄺文珣Facebook

鄺文珣餅印母女賀滿月

鄺文珣早前喺Facebook表示愛女啱啱滿月,仲貼咗張兩母女深情對望嘅相,好sweet啊!May叫囡囡做little muffin小麵粉,依家做緊全職媽媽嘅佢每一日都好享受同小麵粉相處,天氣好仲會帶B女落街行吓。

小麵粉嬰兒照曝光

小muffin出世無耐,媽媽已經安排左專業攝影師同佢影番輯相,留個倩影。相入面嘅Chesney瞓覺時都識得甜笑,仲要同媽媽好似樣!鄺文珣留言祝福愛女:「經過20幾日嘅搏鬥,我個小muffin個『面珠燈』終於都多番D肉。現在正打橫發展嘅佢,希望繼續食得好訓得好,健健康康,快快樂樂。」

小muffin於十月出世,好快就同家人渡過左第一個中秋,當日May分享咗一張跟囡囡「臭腳」嘅合照,見到她望著一對「臭腳」都充滿愛意,就知道咩係「有囡萬事足」。

鄺文珣相隔七年生第三胎

唔講唔知,小麵粉已經係鄺文珣嘅第三胎!42歲嘅佢相隔七年再做媽媽,直言呢一胎陀得最辛苦。除咗年紀問題之外,胎位亦較低,經常覺得腰骨痠軟,行路、坐低同著褲子都唔適服。不過小麵粉嘅出現令阿May開始培養兩個囝囝嘅手足之情,仲令本來近乎缺裂嘅婚姻破鏡重圓,絕對係天賜嘅禮物。

鄺文珣直言婚姻曾出現問題,五年間不停與先生發生磨擦,慶幸二人為咗兩個囝囝願意撐下去,雨過天晴後更喜獲愛女,得到更美滿嘅家庭生活。希望佢地一家五口繼續幸福落去,小麵粉都要健康快樂地成長!