旺舖

1蚊租飲食旺舖

熱話

廣告

香港租金高企,一條街十間舖八間係金舖或者藥房,唯一一間食肆最大可能係翠華,喺香港做食肆係一大挑戰,尤其對想創業嘅年輕人更係相當困難,即使有生意頭腦、有晒全盤計劃,去到租舖一步往往都承受唔到高昂嘅租金壓力,被迫打消念頭。有見及此,香港青年協會推出「香港青年創業計劃」,有意經營飲食業務的青年,可以月租1元,於佐敦開設食肆,為期兩年。

大家冇睇錯,係月租1蚊就可以租到旺舖,地舖位於佐敦上海街28號恆邦商業中心地下1號舖,實用面積約為700呎。

計劃已經接受開始申請,只要你係18至35歲,有一年內開業的實際創業構思,或者有開業不到3年的完整商業計劃及營運報告,而你又缺乏開展業務的資金,就可以申請,截止日期為3月16日。(申請人有飲食專業技能會獲優先考慮)

申請辦法:請瀏覽網站ybhk.hkfyg.org.hk 或致電3113 7999查詢

香港青年協會亦有提供免息創業貸款,最近更得到黃廷方慈善基金捐助,為「香港青年創業計劃」注資500萬,讓成功申請青年的免息創業貸款上限,由現時10萬元提升至最高15萬港元。

##「香港青年創業計劃」由2005年7月正式推行,每年3月、7月及11月接受全港18至35歲永久居民申請,最新一期截止日期為3月16日。成功申請青年獲免息創業貸款、創業導師,業務支援及人際網絡等配套支援服務。計劃至今批核155項業務計劃,超過250名青年受惠,貸款數目逾900萬。