大閘蟹

5大抵食 大閘蟹 餐

熱話

廣告

秋意漸濃,現在正是 大閘蟹 最肥美的時候!

亦是 大閘蟹 貨源最多、最抵食之時。懶得買回家蒸,不如出外擦 大閘蟹 餐,乾手淨腳。
為你搜羅五大抵食蟹餐,睇下邊款合胃口?

$398任食太湖蟹 歎足5小時

自從去年有酒店中菜廳推出任食 大閘蟹 之後,今年引來一些餐廳仿效,沙田帝玉庭都加入任食行列,早於9月下旬推出$398起任食 大閘蟹 套餐,即大受歡迎,現已延長兩星期至11月30日,尚餘不多的座位,訂位要快!

任食 大閘蟹 套餐可任點任食3款手法烹調的 大閘蟹 ,包括清蒸大閘蟹、麯酒浸 大閘蟹 和清香龍井 大閘蟹 。每隻大閘蟹均有4至5両重,全部都來自太湖,膏香肉甜。 套餐更包括蟹粉燕液羹及即泡薑茶各一,沒有其他菜式,可專心大擦特擦!此套餐並無時限,客人可食足5小時,慢慢歎,最高紀錄曾有人食了23隻!不過如以市價六七十元一隻計,食六七隻已經回本!

不過由於蒸蟹需時,點餐都要有技巧,第一輪不妨點2至3隻(每人計),食完一隻後隨即再點2隻,如此類推。咁就可以不停地歎到熱辣辣的蟹,毋須花時間等待。

任食 大閘蟹 套餐
蟹粉燕液羹
任食 大閘蟹 :包括清蒸 大閘蟹 、麯酒浸 大閘蟹 和清香龍井 大閘蟹 。
即泡薑茶
$398/位(星期一至五)、$428/位(星期六日及假期)

帝玉庭
地址:沙田白鶴汀街8號帝都酒店1樓及2樓
電話:2694 3939
供應日期及時間:即日至11月30日,6pm-11pm

下頁有:$348上海風味8道菜

 

$348歎8道菜 上海傳統風味

大閘蟹 源自江蘇,食蟹餐想貫徹上海風味,小南國有抵食的套餐!2款8道菜 大閘蟹 套餐,保留地道濃香滬式滋味,當中最抵食是套餐A,價格低至$348(須以匯豐卡付款),而一般優惠價是$464。8道菜先來小海風味冷盤,隨即有主角太湖 大閘蟹 ,每位2隻,每隻約4.6両至5両重,簡單清蒸已嘗盡鮮味,蟹膏甘香豐腴。

然後再上2道蟹粉菜式,包括生拆蟹粉蟹肉羹和特製生拆蟹粉小籠包,全部由人手拆取蟹粉,新鮮純粹。主菜還有椒鹽小黃魚和稻草肉配荷葉餅都是經典的上海風味。最後呈上薑茶糯米黑芝麻湯丸,好滿足。

大閘蟹 套餐A(2位起)
自選冷盤 (任選兩款):糖醋小排骨、翡翠百葉卷、四喜烤麩、老醋海蜇頭
清蒸太湖大閘蟹(每位2隻)
生拆蟹粉蟹肉羹
主菜:椒鹽小黃魚、稻草肉配荷葉餅、百葉時蔬、特製生拆蟹粉小籠包
薑茶紫糯米黑芝麻湯丸
優惠價$464/位(原價$580/位)、匯豐卡價$348/位
(另設茶位、餐前小食及加一)

上海小南國
地址:銅鑼灣時代廣場
電話:2874 8899
供應時間:星期一至日,11:30am-3pm、6pm-11pm
備註:全線分店全日供應

下頁有:港式4位餐每人唔使$300

港式4位蟹餐 每人$300有找

上海風味蟹餐之外,港式蟹餐配搭更有新意,美心中菜今年就以當造菇菌配 大閘蟹 ,多款散點蟹粉菜式都配以菇菌,而 大閘蟹 餐則只有四位用一款,可以在旗下十個品牌,數十間分店吃到。

大閘蟹 4位用套餐與別不同的地方,就是以西式香草烤羊鞍做頭盤,惹味濃香有新意。每人有一隻約5両重的清蒸大閘蟹,再上鮮拆蟹粉燴燕窩,鮮味連續。接著的黑白木耳乳鴿和薑汁芥菜蒸牛腱,都是較有創意的小菜,最後有薑茶甜湯丸滋潤一番。若以恆生卡付款,除開每人大約$250(未計加一),是原價的85折。

「養生珍菌‧ 大閘蟹 」4位用套餐
滋味香草烤羊鞍(4件)
隔水清蒸大閘蟹(4隻)
鮮拆蟹粉燴燕窩(4位)
黑白木耳?乳鴿
薑汁芥菜蒸牛腱
雞樅菌煸四季豆
滋潤薑茶甜湯丸(4位)
恆生卡價$986(原價$1,160)
(另設茶位、餐前小食及加一)

美心皇宮
地址:太古城太古城道18號太古城中心2樓255號舖
電話:2513 1996
供應時間:即日至12月11日,午市及晚市
供應分店:全線美心皇宮、全線翠園(美心‧翠園除外)、映月樓、翠玉軒、怡翠軒、八月芳、八月花、八月居、八月軒、八月

下頁有:$318擦3蟹7道菜

$318擦3蟹7道菜 歎2皇一后

講到款式多,非鴻星莫屬,今年就有8款 大閘蟹 主題宴。矜貴如蟹皇宴(8折價每位$688)有2隻6両蟹,中價亦有 大閘蟹 魚翅宴(8折價每位$468),配有雞燉翅和鮑魚等菜式。

當中最抵食是超值 大閘蟹 宴,有3隻大閘蟹,另加蟹粉湯包等6道菜,再送陳年雕皇一杯,8折價每位$318。一般 大閘蟹 餐都只供應蟹公,而這3隻 大閘蟹 分別是2公一乸,分別重5両及3両半,均來自江蘇。另外,以往 大閘蟹 餐要到晚上8:30pm才有8折,今年就賣大包,全日可享8折優惠。

超值 大閘蟹 宴
江蘇大閘蟹(每位3隻,兩皇一后)
金肚帶子羹
黑椒泡響螺柳
燒腩伴肴肉
淮安蟹粉湯包(每位 1隻)
家嫂臘味飯
精美甜品
陳年雕皇或果汁((每位1杯)
8折價$318/位(2位起,原價$398)

鴻星海鮮酒家
地址:灣仔港灣道8號瑞安中心1樓
電話:2628 0989
供應時間:11am-11pm
備註:全線分店全日供應

下頁有:$398花膠遼參蟹宴

花膠遼參蟹宴 優惠券價$398

城景國際樂雅軒的粵式 大閘蟹 餐夠晒滋補,食 大閘蟹 前,先來個花膠及沙參玉竹等材料燴燉而成的功夫湯潤一潤;再來有蟲草花福建鼠耳涼拌鮮蝦球、宮廷釀遼參、籠仔蒸海斑球和蟹粉扒鮮菇等,共9道菜。豐富之餘,仲有得揀,主菜可選擇不吃宮廷釀遼參,並以一隻5両蒸大閘蟹取代,即是一個餐食足兩隻5両蟹,好划算!

這蟹宴原價每位$538,只要於城景國際Facebook下載優惠券(www.facebook.com/thecityviewhk),只收$398一位;每2位客人再加送花雕一壺,如再追加散點蟹粉菜式,亦有75折優惠,抵到極。

花膠功夫湯 大閘蟹 宴
鮮蟲草花、福建鼠耳涼拌鮮蝦球
秋葵彩椒豉蒜黑豚片
沙竹淮山花膠功夫湯
紫蘇蒸大閘蟹(5両)
宮廷釀遼參 (或選擇五両紫蘇蒸大閘蟹一隻)
古法籠仔蒸海斑球
蟹粉扒鮮菇
榆耳雞瑽菜飯
黑枸杞藜麥桂圓薑茶
$398/位(優惠券價,原價$538,已包茶芥,另收原價加一 )

樂雅軒
地址:油麻地窩打老道23號城景國際1樓
電話:2783 3286
供應時間:即日至11月30日,11:30am-3pm、6pm-11pm

圖片:新傳媒資料室及有關機構提供

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。