爆囝囝鍾意熊抱大姐姐 周汶錡:唔怕醜又好猴擒

爆囝囝鍾意熊抱大姐姐 周汶錡:唔怕醜又好猴擒

育兒

廣告

日前,梁詠琪(GiGi)、周汶錡(Kathy)、周麗淇、謝婷婷喺酒店出席展覽揭幕禮。周汶錡和梁詠琪(Gigi)同樣生了可愛的混血BB,二人笑言正洽談機會帶仔女見面。講到兩個囝囝,周汶錡就忍唔住爆囝囝好猴擒,鍾意長髮女生,十分惹笑。

撰文:Sunday Kiss | 圖片:Sunday Kiss、IG、新傳媒資料庫

爆囝囝鍾意熊抱大姐姐 周汶錡:唔怕醜又好猴擒

日前,周汶琦(Kathy)、梁詠琪(GiGi)出席展覽揭幕禮,Kathy以一身性感西裝Look示人。兩位靚媽同樣嫁給了外籍老公,生了可愛的混血BB,受訪時提及仔女,二人就笑言正洽談機會帶仔女見面。

講到兩個寶貝仔,周汶錡指兩兒子不怕醜,自小好多朋友。兒子特別喜歡同女生玩,尤其較年長的女生,反而唔多理同年嘅小妹妹。她笑言有時覺得囝囝好猴擒,會從後熊抱大姐姐,而且眼神會不同。又爆兒子特別喜歡長髮女生,若對方不理他,他會主動去攬對方。

 

爆老公逢年過節好識做

周汶琦指老公會在母親節送花,表示老公每逢節日都識做地送珠寶。她曾表示想親自挑選,不過就遭老公一口拒絕,又笑言可能老公 驚她揀好大粒鑽石!

Kathy不時在社交網上晒兩個寶貝仔同老公的生活相,似乎婚後有了兩個小朋友,同老公依然恩愛不減,幸福滿瀉。

周汶錡 有子萬事足

周汶錡跟法籍老公Julien結婚5年,兩人婚後育有兩名「混血小王子」Jacques和Avner,幸福美滿。近日周汶錡出席公開活動時表示好想出埠過聖誕節,她和丈夫已計劃農歷新年到法國滑雪:「本來想唔帶細仔,但大仔當年六個月大就出埠,所以我都要公平啲,會帶埋細仔去法國,挑戰吓自己喺雪地上照顧兩個小朋友,依家乜都要公平。」

嗲暈媽咪

日前周汶錡兩母子去咗銅鑼灣shopping,兩歲的Jacques出街全程由媽咪抱,兩隻肥嘟嘟手仔一隻搭住媽咪肩膊,另一隻就揸實媽咪隻手,十足樹熊一樣嗲到爆!

錫仔錫唔停

囝囝依賴媽咪,媽媽又何嘗唔係錫仔錫到一個點呢?Kathy忍唔住捉實Jacques隻手仔又聞又錫唔捨得放手。

細仔 有模特兒的天分

43歲Kathy生完兩個仔都無乜走樣,身材依舊咁纖瘦,令人羨慕。談到兒子有沒有做模特兒的天份,Kathy說:「細仔好有模特兒天分,用相機對住佢,佢會追住個鏡頭,唔眨眼,大仔就要我捉住佢影相,影一兩張就走,要同佢講數。」

可愛造型吸粉絲

周汶錡向來經常同大家分享兩位囝囝嘅得意靚相,鍾意扮靚的Kathy當然唔會錯過幫囝囝扮鬼扮馬嘅機會,之前她就分享了兩兒子的中秋和萬聖節造型,網友大讚可愛!

講到兩個囝囝性格有沒有不同,Kathy透露二人的確大不同,大仔好識氹人,而細仔好有自己個性,唔鍾意就會尖叫。問到細仔是否比較難湊?她就說:「知道佢個性格就得,都ok易湊!」相信Kathy這位靚媽咪也好很耐性,教導兩位小王子吧!