賈曉晨

樊少皇想教女兒打功夫 賈曉晨耍手兼擰頭:唔想佢將來太粗魯

育兒

廣告

日前賈曉晨(JJ)同老公「力王」樊少皇在圓方為女兒「小飯兜」舉行一歲生日會,一眾圈中好友都有出席。JJ在生日會上透露,拍武打片出身的老公想等女兒長大後,親自教她打功夫,不過JJ怕女兒學功夫後會變得粗魯,更向在場記者及好友求助:「不如你哋勸吓佢!」。

撰文:Sundaykiss|圖片來源:Instagram

「小飯兜」眼仔大大,似足媽咪JJ,一直深得長輩們的喜愛。適逢小飯兜1歲生日,JJ和樊少皇為她大搞生日會,更邀請多位圈中好友,如姚瑩瑩母子、呂慧儀母子、劉松仁、洪天明、周家蔚、吳家樂、麥玲玲等等,場面非常熱鬧。

JJ憶述自己沒有替女兒搞滿月酒或百日宴,覺得自己「好對佢唔住」,因此在女兒一歲生日時為她大排延席,彌補心中的小小遺憾。問到會否想追多個兒子,JJ坦言不想:「依家好多時間都要照顧個女,冇時間理其他嘢。」她指如果要再生,希望可以生多個女兒,「一個仔一個女,傾唔到心事,兩個女似閨密好啲」。

在席上,爸爸樊少皇笑指小飯兜非常好動,似足自己,希望長大後可以親自教她打功夫,JJ聞言馬上耍手擰頭,認為女兒學功夫只會愈來愈粗魯:「女仔嚟架嘛,唔想佢將來太粗魯,我驚第時設學打同學日日要見家長。」更向在場人士求助:「不如你哋勸吓佢(樊少皇)。」

 

賈曉晨囡囡小飯兜 深得媽媽優良基因

近日,賈曉晨在微博上載囡囡小飯兜的近照,囡囡得到父母的優良遺傳,皮膚白白滑滑,眼睛大大。雖然人仔細細,都睇得出美人胚子,網民都大讚稱讚小飯兜為「小美人」,好似公仔,長大後一定成為和媽媽一樣美麗!

賈曉晨為囡囡悉心打扮,看來小飯兜年紀輕輕就有當模特兒的潛質,長大後一定會成為新一代女神!

賈曉晨公開全家福

樊少皇與賈曉晨係小飯兜半歲大時拍了全家福,同時令一直神神秘秘的小飯兜,終於爆光啦!

一家三口嘅全家福中,終於可以見到小飯兜嘅正臉喇!

賈曉晨大方放囡囡正臉相

從賈曉晨擺上網啲相睇得到,小飯兜個樣甚得父母真傳,對眼又圓又大,眼仔碌碌咁,十分精靈!加上下巴尖尖咁,相信第日長大之後都會係一個靚女!

賈曉晨更留言:「親愛的寶貝,我們的小飯兜,從你出生、一周、滿月、百天、到現在半歲,媽咪時時刻刻陪着你,就怕錯過你成長的每一秒鐘,今天你半歲生日了,媽媽要跟大家一起分享這份快樂!希望寶貝身體棒棒的,每天快快樂樂,長大也是個樂觀快樂又聰明的好孩子。」 ​​​​

賈曉晨羨慕囡囡

事實上,賈曉晨之前都有擺囡囡啲相上網,但就唔係正臉。例如有一次,佢就只影愛女嘅半邊面,仲留言話好羨慕小飯兜長長嘅眼睫毛~

樊少皇與賈曉晨為愛女保持神秘

2016年,樊少皇與賈曉晨結婚。上年11月,賈曉晨就喺香港養和醫院誕下囡囡「小飯兜」,期後兩公婆一直都冇公開女兒嘅正臉,甚為秘密。