陳凱琳

同鄭嘉穎有共識 陳凱琳:阿仔一歲先再生

育兒

廣告

現年27歲嘅陳凱琳(Grace),於2月14日腹誕下囝囝鄭承悅Rafael,同老公鄭嘉穎都錫到囝囝燶!呢日,Grace出席活動時,見到佢穿著貼身背心裙,雖然佢已經收晒身,但佢豐滿嘅上圍依然引起全場焦點。Grace表示,因為餵人奶而令身材有變,名副其實嘅「收身唔收奶」!

撰文:Kammy|圖片來源:Instagram

上圍豐滿 陳凱琳:唔好咁專注呢方面

Grace自從生完囝囝Rafael之後,就將成副心機專注喺個仔身上。近日,Grace出席活動時,雖然佢已經收晒身,但都見到佢嘅胸部十分豐滿。Grace表示,因為依家餵緊人奶,所以令身材有變,仲叫大家唔好只係專注佢身材邊面。

Grace指,自己冇度過究竟上圍升咗幾個cup,但就認為最緊要係阿仔食得好,仲話囝囝「每次都好滿足」,所以好感恩。

其實之前Grace未坐完月嘅時候出席活動,都見到Grace上圍因「谷奶」而升Cup。

睇番Grace選港姐嘅泳裝照,嗰陣平平無奇,同依家生完BB嘅上圍嘅cup數相比,明顯升幾cup!

同老公有共識 一年後先再生

被問到會唔會同多生多個小朋友,Grace就透露,已經同老公有共識,會等囝囝一歲後先再諗呢個問題,依家主要照顧好囝囝。Grace仲分享同老公一齊湊仔嘅趣事,試過有次幫阿仔換片,點知囝囝向嘉穎「斟茶」:「我企前面幫佢換尿片,老公企旁邊,點知射歪咗射中咗佢。」Grace又表示,唔怕老公詐型,因為嘉穎更錫囝囝。另外,Grace更透露,暫時未有拍劇打算,因為唔想錯過BB每個轉變嘅時刻。

兩公婆錫到個仔燶!陳凱琳鄭嘉穎罕晒囝囝正面

早前,Grace就上載咗張BB滿月Paty嘅相,相中見到個蛋糕以嘉穎最愛嘅網球為主題,Grace仲同嘉穎齊齊錫囝囝,真係超sweet呀!Grace更以英文留言:

「You are the light and happiness in our lives, and there’s nothing we wouldn’t do to keep you safe, protected and loved! Happy 1-Month Old Baby Rafa! ❤️🎂💚」

而爸爸嘉穎亦大晒囝囝正面,Rafael仲超精靈咁望實爸爸,超可愛!更留言:「I’ll always keep my eyes on you too Rafa! Happy One-Month Birthday Baby 🎂」

嘉穎仲不忘大晒囝囝個生日蛋糕!

鄭嘉穎兒子首曝光:自己個BB最得意

鄭嘉穎在Instagram上留言:「個個父母都話自己個BB係最得意⋯我終於明啦!😍」