陳柏宇

【媽媽不在家日常】開Live餵奶 陳柏宇同囡囡過二人世界

育兒

廣告

歌手陳柏宇(Jason)自9月榮升做爸爸後,秒變為「女兒奴」自此每日喺社交網上載囡囡得意相,樂此不彼。正因「痴漢」老公日日霸實阿女,Jasom太太符曉薇(Leanne)就輕鬆不少。日前,Jason畀太太放一日假外出同好姊妹約會,而佢就留守家中同寶貝女Abi過二人世界,呢個「唔正經」爸爸究竟會點樣湊女?

撰文:Chloe | 圖片:陳柏宇IG 、 Leanne Fu IG

開Live餵奶 陳柏宇同囡囡過二人世界

自從升呢做爸爸嘅陳柏宇,每日不間斷咁喺社交網上載囡囡得意相,似乎好享受做「奶爸」。日前,Jason難得放假於是提議等老婆「Day Off」一日,而佢就主動獨留在家同阿女過二人世界。

Leanne難得請假外出睇Show,食完飯再食埋糖水,緊要玩盡一日再返屋企做媽媽啦。

而留守在家嘅Jason,早上就帶著囡囡去健身房。而夜晚返到屋企,呢位奶爸又再玩心起,決定開Live直播餵奶。

View this post on Instagram

mommy placed me here.

A post shared by abigail chan (@abigail92518) on

 

Jason一邊睇著Hunter,熟收咁抱起阿女,揦起奶樽就開始餵,似乎都幾熟手。

不過,餵餵吓Abi開始躁動,原來喺時候要幫佢「掃風」。Jason就抱直阿女,等佢坐起身,然後好有耐性咁慢慢拍Abi背部,直到囡囡打嗝。

陳柏宇笑囡囡便便似「一樽奶咁多」

Jason就繼續揦起奶樽,開始第二輪餵奶。Abi食食吓開始瞓,Jason就好抵死咁笑阿女。仲大爆囡囡今日屙咗兩次「一樽奶咁多」嘅便便。

阿女一喊即投降

期間囡囡Abi突然大喊,Jason即刻好緊張咁話:「那!大家睇住真係唔關我事,唔係我搞喊佢」,不少網民已經可以想像到Jason湊女日常,紛紛留言大笑。

之後,又到「掃風」時間,今次Jason拍咗十幾分鐘,遲遲未見Abi打嗝,開始緊張「揦手唔成勢」。期間唔少網民提醒佢,應該將囡囡抱起靠在身上,慢慢細力掃。

 

不過,Jason似乎對湊女好有自己一套,眼見網民提點,佢就好疑惑咁話:「咁樣有咩唔同阿?我已經抱直咗啦。」同時,出緊街嘅Leanne都見到老公同阿女開Live直播,不時緊張留言:「要抱起佢阿」、「Abi媽媽返嚟救你啦!」場面非常搞笑。

歷時個幾鐘餵奶成功

好在經過Jason堅持不懈,比足耐性咁幫Abi掃風、餵奶,掃風、餵奶,經過三輪之後,Abi終於成功食晒成隻奶,歷時個幾鐘Jason終於餵奶成功。