魔童

衰在太老實? 張智霖:「魔童唔夠秤IG被鎖」

育兒

廣告

張智霖(Chilam)與袁詠儀愛子張慕童(魔童)近年不時於社交網站Instagram分享自己的生活點滴,而且人氣不下於父母,吸引大批粉絲追緃。不過,阿爸Chilam日前在其ig話囝囝帳戶被鎖,皆因13歲以下不能開帳號,而魔童今年只得11歲…

撰文:Sunday Kiss | 圖片:張智霖IG、張慕童IG

張智霖宣布 魔童唔夠秤ig被鎖

日前,張智霖(Chilam)喺社交網上宣佈囝囝帳戶被鎖,究竟點解咁多小朋友開ig帳號都無事,而魔童會被盯上?

13歲以下不能開帳號

原來魔童係老實仔,佢在個人簡介寫明自己得11歲仔!雖然Instagram登記社交平台開戶不需要任何身份證明,但原來13歲以下小朋友係唔可以開Facebook、Instagram(ig)呢類社交帳號㗎!當被檢舉及查證後,帳號就會被刪除。而11歲嘅魔童賬戶就因此被刪!

魔童收到被刪除ig的通知訊息,阿爸Chilam幫手喺自己ig公開此事,留言:「Hey guys Morton‘s Instagram has been blocked ause he is underaged.」唔少有Follow開魔童嘅網民都因此感到好可惜,叫Chilam「不如把你兒子的ins年齡設在18歲」不過,Chilam又點會叫阿仔虛報呀。

另有網民又叫Chilam多啲upodate,Po魔童嘅相。

魔童第一次玩ig係16年4月13日,至今已吸納65,000 follower!人氣分分鐘高過某啲KOL同藝人!

曾經開ig一個月吸引咗600個follower,魔童仲好開心咁慶祝添~

魔童仲試過偷偷用Chilam ig呼籲大家follow佢,話係兩父子之間嘅小比試。

乖仔魔童平日都係分享吓生活瑣事,不時都會晒吓父母合照同愛犬的相片!

同靚靚 兩母子真係餅印樣!

廿四孝乖仔仲好鍾意幫媽媽影吓「阿仔視覺」靚相。

仲好鍾意分享各種踩板有型相。

魔童開心慶祝ig解綁

早前,張智霖(Chilam)喺社交網上宣佈囝囝帳戶被鎖,不僅魔童唔開心,更令一眾魔童fans大叫可惜。不過,經過兩父子一番努力,最後用呢招解綁。

魔童踩板 安全措施做唔足靚靚嬲豬:要打屁股!

張慕童(魔童)近排醉心踩滑板,見佢不時分享踩板照片!但上個月Chilam同靚靚出席公開活動時,靚靚提到Chilam帶個仔踩板冇做足安全措施,嬲爆爆話:「都唔明點解可以喺冇安全措施下玩滑板!唔明啲家長點解會容許?如果跌斷腰骨咁點算?咁就一世㗎喇!」Chilam即場認錯,之後魔童次次踩板都戴晒頭盔、護踭及護膝!

 

魔童 大顯身手

日前魔童同個朋友仔拎塊滑板去可供玩滑板嘅場地玩,由於近月他頻頻練習,技術大大提升,呢日佢就放咗條片上佢Instagram,見魔童踩得有板有眼,更加成功連人帶板跳落兩級樓梯,好多網友留言讚佢踩得叻、好有型!短片所見佢係有戴頭盔,護手踭及護膝!

靚靚 留言質問

之不過,在媽媽嘅角度關心的不止是兒子踩板叻唔叻,更關心佢有冇見到重點係阿仔冇做安全措施!靚靚同一日晚上cap圖貼Ig,留言問阿:「Morton先生!請問保護身體的護具在哪?要打屁股!」相中雖然未見魔童上半身,衣著同魔童短片中一樣,只見下半身踩緊板仲凌空跳緊,但就未有戴上護膝,難怪會激嬲媽咪嘅!

魔童 整傷手

魔童熱愛運動,是個活潑的男孩,之前佢在公園玩馬騮鋼架不整傷手,佢喺IG留言話馬騮鋼架好好玩,但好危險!而之前Chilam一家三口去新加坡旅行,期間兩父子去咗聖淘沙衝浪,靚靚仲幫佢兩仔爺拍短片及拍照,有爸爸陪玩靚靚當然放心啦!

袁詠儀教仔逼得太緊

近日,袁詠儀接受訪問時表示,自己做為父母並不合格,因為凡事要求嚴謹,希望兒子照她的方式去做,偏偏老公個性不拘小節,兩人常為管教方式爭吵。

魔童哭訴:想換一個媽媽

對於教育兒子,袁詠儀經常很主觀,佢認為自己的方法肯定是對的。結果幾年前,兒子突然對爸爸說「想換一個媽媽」,佢先發現出咗問題,不過卻依然固執咁認為問題出喺兒子身上。

因為當時兒子的行為出現了問題,比如:無法集中上課,上課會騷擾同學,學校認為他可能有「過動症」或「自閉症」的傾向,要求袁詠儀帶兒子去睇心理醫生。

睇完醫生,結果發現根本是自己有問題,因為靚靚太自我為中心,導致兒子被影響。佢後來試著用醫生建議的方法,同兒子修復關係,母子倆感情變得越來越好,相處似朋友一樣。最後,靚靚才明白作為父母不一定總是對的,有時候也要聆聽子女想法。