陸永

陸永5歲細女剝牙唔怕痛 竟然最怕…

育兒

廣告

陸永同太太Reina不時喺社交網分享兩個女陸一穎(Hannah)同陸一心(Simsim)嘅生活點滴,佢哋唔止生得可愛,而且精靈活潑,一直都深受網民喜愛。呢日Reina就帶咗Simsim去剝牙,估唔到佢一啲都唔怕剝牙痛,反而係怕另一樣嘢,大放笑料!

撰文:Kammy | 圖片:missussixIG

陸永 5歲細女剝牙唔怕痛

話咁快已經5歲嘅Simsim到咗換牙階段,Simsim因為有隻牙仔頂住,所以Reina就帶咗Simsim去剝牙。剝牙個時要由於麻醉藥太苦,所以醫生同Simsim搽緊藥嘅時候,搞到成個慘樣出咗嚟,仲苦到噴咗啖口水出嚟,十分搞笑。

媽媽仲剝牙過程嘅片段上載到Instagram,話:「呢個BB好得意… #啲麻醉藥好苦 #佢平時唔會亂噴口水㗎」。

Simsim剝完牙之後表示一啲都唔痛,只係覺得啲藥好苦,仲依起棚牙俾媽媽影相!Reina就留言話:「豆契媽唔知用咗零點幾秒剝咗啊Sim隻牙,好快手!冇感覺!佢話係啲藥苦啫!」

勁玩瑜珈賀甩牙

係剝牙之前,SimSim用手摸自己隻就快甩嘅牙仔,之後轉頭就見佢食嘢,但最估唔到嘅係佢突然做拱橋,認真夠難以捉摸!

【激到嘔血】智鬥5歲細女完敗 陸永嫂:「我應該點畀反應」

Reina在社交網台上載了一張照片,相中Simsim喺露台「披頭散髮」咬住蘋果,期間Reina勸囡囡「你可唔可以去夾返好啲頭髮呀?」,Simsim一句神回覆「應到媽媽行」,佢話:「我依家唔係做正經嘢,唔想扮正經囉⋯⋯」Reina無奈留言:「real到你嬲」。

網民笑言Simsim係「人生哲學家」

對著小小金句王Simsim,網民隨即紛紛留言:「好正 美貌與智慧並重」、「佢又好似有啲道理」,更有網民封佢為「人生哲學家」,追問「Sim sim幾時出書呀」

 

陸永嫂勸女食蘋果 網民:完美演繹「死妹丁」

隨後,Reina又上載了一段短片,片中細女Simsim認真做勞作,Reina期間叫她「快啲食個蘋果啦」,一心做勞作的Simsim當場拒絕:「唔想呀」。Reina繼續耐心勸囡囡,試用「唔食就畀蟻蟻食」,Simsim竟回覆:「蟻蟻你食吖食吖食吖…」,更作勢擺蘋果落地。

Reina:“陸一SIM呀!”
Simsim:“吓?”
Reina:“你快D食個蘋果啦…”
Simsim:“唔想呀…”
Reina:“蟻蟻食㗎喇咁樣…”
Simsim:“AIYA…蟻蟻你食丫食丫食丫…擺落地下…”
#我應該點畀反應
#佢唔問返我佢係咪好有愛心我做咩要投降

網民又在紛紛留言大讚Simsim:「好可愛」、「搞笑」、「真係遺傳晒陸生」。

天賦異能?靠運攞劍撃比賽第二名

「幾日前學校問ah Sim有冇興趣參加劍撃比賽…「吓?佢冇學過㗎喎…」就咁佢就喺學校學咗幾日,話佢靠運攞咗個第二名都唔過份丫。#你好嘢 #學幾日攞到第二名他日必成大器 #冠軍真係有姿勢有實際㗎」

Simsim做捧場王 網民:「老竇跟阿女學嘢啦!」

陸永日前在 IG 上載一條細女 Simsim 聞歌起舞的短片,片中 年僅5歲的Simsim 聽住爸爸的新歌,好有節奏咁興奮熱舞,不少網民大讚她非常有天份,紛紛留言:「SIM真係表演能力極強」、「點解個 groove 可以咁襯」、「老竇學嘢啦!」

話說我老婆loop緊農夫首新歌,竟發現有人以粵劇打扮排緊舞!@missussix #究竟佢喺邊度摷件咁嘢出黎 #又點解會覺得襯隻歌呢

其實Simsim平時已經非常有表演欲,鐘意跳舞之餘,仲好鍾意自己琢磨演技,甚至指導父母配合。看來SimSim真的遺傳晒爸爸的藝術細胞!

好憎打風冇學返 陸永囡囡:「喺屋企玩到冇嘢好玩」

打風停課,唔少小朋友都覺得「唔駛返學」好高興。不過,陸永細女SimSim就有好似有啲不滿。陸永嫂Reina昨日又分享囡囡趣事:「兩姊妹話個「山竹」好衰,好憎打風,搞到佢哋冇得返學,又冇得出街玩」而且囡囡最唔開心嘅係因為「喺屋企已經玩到冇嘢好玩」有網民就留意話:「居然想翻学,我都想停课!」