馬草壟生態園露營

馬草壟營地|露營欣賞湖景日落+免費體驗釣魚+超厚西多士+遙控船

親子好去處

廣告

馬草壟營地|近日馬草壟開了一個全新的露營營地:馬草壟生態園。而場內的南屋仔士多,招牌西多士超厚超好味,可以對住魚塘歎下午茶,過一個悠閒嘅下午。另外場內有遙控車、親子工作坊玩,仲可以釣魚,首一斤半免費!

馬草壟露營|南屋仔士多 超厚西多士+勁歎湖景

馬草壟生態園今年才開業,旁邊有最近討論度極高的馬草壟南屋仔士多,非常方便。去露營的時候可以入去歎吓招牌西多士,平日都可以踩單車入去。雖然係隱世美食店,不過星期日依然非常多人,食下午茶要等一陣位。係南屋仔用餐環境好好,好舒服,小朋友食嘢期間全程望住個魚塘。

馬草壟露營
(圖片來源:有個過度活躍媽)

南屋仔啲食物相當不錯,西多士超厚,價錢又合理。另一款招牌菜係巨型雞髀,超級好味,不過Blogger媽媽當日去到已沽清,想食要早啲去啦!南屋仔出面仲有啲壁畫打吓卡,好適合帶人仔、狗仔來chill吓。

馬草壟露營
(圖片來源:有個過度活躍媽)

南屋仔

地址: 上水馬草壟馬草壟生態園

電話: 2811 8116

馬草壟露營|景色開揚 絕美日落

馬草壟生態園和深圳只係一河之隔。生態園景色開揚,仲有小山丘可以睇日落,營位尚算寬敞。因為營地係長方型,所以就未必有中間一片草地可供狂奔。營地內訊號較弱,除非你想收漫遊,如果唔係可以選擇營地嘅wi-fi,相當流暢。基本嘅洗手間都可以洗白白,有家用式大雪櫃放食物,有蚊香供應,都算幾整齊。

馬草壟露營
(圖片來源:RunningBaby#BB在野)
馬草壟露營
(圖片來源:馬草壟生態園)

馬草壟露營|遙控船+BBQ+魚塘釣魚

露營歎厚多士之外,馬草壟生態園仲有好多嘢玩。有小朋友最鍾意嘅有遙控船玩,$60/15分鐘,周末亦會有親子工作坊。想特別啲唔想煮嘢食,亦可以選擇BBQ。

馬草壟露營
(圖片來源:馬草壟生態園)

生態園仲可以體驗釣魚,首一斤半是免費的。生態園亦將會推出教學班,有專業導篇教你點釣,可以認識到唔少釣魚小知識,會有小遊戲同Diy 釣魚杆俾小朋友帶返屋企。

馬草壟露營
(圖片來源:有個過度活躍媽)

馬草壟生態園收費詳情

1. 自助營露(需要3天前預約)
星期一至四入營 $150/每人每晚
星期五至日及公眾假期入營$190/每人每晚
停車場每晚收費$100/車
2. 釣魚樂
營業時間:10:00-17:00
入場費:$100(首一斤半免費)
魚竿租用(可自備魚竿):$30(按金$200;包飲品一支)
3. 遙控船
$60/15分鐘
4. 燒烤
$450起(2人價錢)
5. 不定時有周末親子工作坊

馬草壟生態園地圖

即睇馬草壟生態園詳細地址及聯絡方法

交通:在「馬草壟信義新村」鄉公所直入;

可於上水火車站乘搭51B小巴,到總站「信義新村」落車,步行大概5分鐘;

亦可以係上水站call車入來,只須$80。

性價比:★★★☆☆

營地被分配嘅面積:★★★☆☆

參考:官方專頁

馬草壟生態園點去?

可於上水火車站乘搭51B小巴,到總站「信義新村」落車,步行大概5分鐘。更多詳情,請看

馬草壟生態園內有wifi 嗎?

有的,營地內訊號較弱,可以選擇營地嘅wifi,相當流暢。

撰文:RunningBaby#BB在野、馬草壟生態園露營、有個過度活躍媽圖片來源:RunningBaby#BB在野、馬草壟生態園露營、有個過度活躍媽