「喊？！係冇用㗎！」情緒不應再被忽視！新一代需要更好的精神健康教育｜富衛香港聯手社區夥伴助學生建立朋輩支援能力
唔知大家細個嗰陣，考試前夕總會聽到父母喺耳邊問：「溫咗書未？」；功課未做完，換嚟嘅係責備；受咗委屈、壓力大到想喊嘅時候，卻只會得到一句冷冰冰嘅「喊？係冇用㗎！」。嗰個年代，成績表上的分數好似代表一切，精神健康卻鮮有被重視，結果好多人長大後，面對壓力都只係識「自己死頂」。
時移世易，壓力來源更複雜多元，精神健康教育早已唔再係「附加品」，而係新世代必不可少嘅生活技能。
當代挑戰：壓力可能比上一代大
而家嘅學生所面對嘅壓力，可能比上一代繁重。啟勵扶青會 (KELY Support Group) 調查¹顯示，超過兩成中學生覺得情緒壓力已經超出負荷，更有三成以上學生唔知道點樣搵到合適嘅支援渠道。
壓力來源無處不在：學業競爭提早殺到，小學已經要應付升學壓力；課外活動、比賽同面試，又好似一場無休止嘅「全方位考試」。甚至社交媒體上嘅「讚好」同追蹤人數，都可能變成另一張無形成績表，互相比較。即使家長想幫忙，亦經常感到束手無策。
富衛香港攜社區夥伴助學生認識情緒，提升抗逆力及朋輩支援技巧
富衛深明精神健康係快樂成長嘅基石，因此聯同青年成就香港部（JA Hong Kong）推出「JA SparktheDream同『理』· 理財工作坊」，以互動形式將社交及情緒學習元素融入理財教育。計劃接觸近850名小學生，並聚焦以下兩大能力，喺理財及心理層面建立韌性，培養正向思維及同理心：
1. 認識情緒：從遊戲中看見自己、理解他人
要管理情緒，必先懂得辨識。工作坊利用互動遊戲，讓學生在模擬生活情境中培養同理心，學習辨識同抒發自己嘅感受，例如「失望」、「緊張」、「不安」，明白原來所有情緒都係正常嘅表現，學懂理解自己與他人。
2. 提升抗逆力的技巧
學生喺工作坊透過生動動畫，學習保持正面、設定可達嘅目標、關心自己及他人、尋求協助等技巧，提升抗逆力，築起穩固嘅心理屏障。
富衛亦與啟勵扶青會 (KELY Support Group) 舉辦「Talk2Me朋輩支援大使培訓證書計劃」，以創新方式，教中學生4招應對精神健康挑戰﹕
第1招：自我反思 了解自己及他人
- 認識年青人面對嘅常見挑戰。同時，學生們透過與自己對話，先可以辨識自己情緒或壓力來源。
第2招：培養同理心與互助文化
- 透過情境模擬，學生學習成為真正嘅聆聽者，放下主觀判斷，培養同理心，成為彼此最強大嘅後盾
第3招：學會自我照顧
- 維持身心平衡係非常重要一環。支援他人的同時，也要學識照顧自己。計劃教導學生建立「情緒界線」，喺聆聽朋友傾訴時，避免因過量負面情緒而影響自己。
第4招：認清求助渠道
- 喺有需要嘅情況下，引導及鼓勵朋輩尋求專業支援，避免獨自孤身面對。
校園故事：從參加者變成溫暖嘅推動者
計劃嘅成效，不止於課堂。有參與計劃嘅中學生深受啟發，喺校內精神健康推廣活動設立「情緒告白板」，比同學自由寫下心聲，互相留言打氣。一位同學分享道：「原來我唔係一個人面對，大家都有壓力。」呢種由學生主導嘅改變，正正體現計劃嘅初衷——喺校園建立「朋輩互撐」嘅關愛文化。
一位參與計劃嘅富衛義工亦深受感動：「好開心可以見證同學們成長，由學習者變成推動者，共同設計社區項目，支援朋輩。」
小朋友嘅精神健康 先係家長值得投資嘅「無形資產」
以前好多家長會安排好多興趣班俾小朋友上，但今時今日，小朋友嘅精神健康可能先係佢哋一生中最值得投資嘅無形資產。學識點樣處理情緒先可以令佢哋喺面對學業、人際關係以至未來職場嘅挑戰時，都能保持心理韌性。
家長可以以更開放嘅態度，鼓勵子女擁抱和表達所有感受。富衛深信精神健康係豐盛人生嘅基石，近年除咗積極推動社區精神健康教育，亦係將精神健康保障融入醫療保險嘅先驅，早於2022年已推出全港首創²嘅精神健康保障方案「智．守衛精神健康保障計劃」³，並在多項醫保及危疾計劃中提供相關支援服務³，鼓勵大眾正視身心靈全面健康。
富衛喺七月舉行社區關愛月，富衛義工團隊踴躍參與，走入校園帶領學生喺遊戲中學習。富衛香港及澳門首席市務及數碼總監謝振國表示：「富衛會繼續與社區合作，推廣精神健康意識，尤其係青少年。希望透過生動有趣嘅工作坊，協助學生掌握情緒管理及朋輩支援技巧，學習如何應對壓力、建立正向思維，活出精彩人生，Celebrate living。」
培養小朋友嘅抗逆力，不單止係為咗應付眼前嘅學業需要，更係為佢哋未來踏入職場、面對人際關係奠定穩固基礎。我哋一齊努力，幫助下一代喺充滿支援與關愛嘅環境中，活出更健康快樂嘅人生。
（資料及相片由客戶提供）
1啟勵扶青會 (KELY Support Group) 於2024年9月至2025年1月期間，訪問了1,273名年齡介乎13至18歲的香港中學生。
2 於2022年9月30日由富衛與本港主要保險公司之醫療保險所作出的比較，富衛為香港首家保險公司推出精神科醫生門診診症/臨床心理學家診症權益、每日住院現金權益、住院後精神科醫生門診診症/臨床心理學家診症權益、休養權益及每月現金權益（自選權益）。
3 上述產品資料不包括保單的完整條款，並受相關計劃之條款及細則約束。有關上述產品特點、保障權益及完整之條款及主要產品風險詳情，請參閱富衛網站、相關產品小冊子及保單條款。
*以上資料由富衛人壽保險（百慕達）有限公司（「富衛」）提供，僅供參考及作教育用途。讀者不應將本文章內容視作提供、銷售招攬產品或保險建議。就包含在本文章之任何產品或服務讀者應根據自己的需要，自行評估此及尋求獨立之專業意見。上述資料僅供參考，不應被視為提供或銷售招攬產品或服務，並不屬於及不應被視作為專業保險建議。富衛並不就資料的準確性、完整性或是適合任何特定用途，作出任何明示或默示的說明、陳述或保證，或承擔任何責任。對於任何因使用或依賴此文章引致的後果，富衛概不負責並無須負上法律責任（包括第三者責任）。不同保險公司的產品可能存在差異，投保前須了解清楚、分析和比較從而找出合適的保險產品。
