除甲醛服務及噴霧式消毒服務後感不適 專家警告背後危機+3大貼士

除甲醛服務及噴霧式消毒服務後感不適 專家警告背後危機+3大貼士

女性健康

除甲醛 服務及噴霧式消毒服務,越來越流行。不少推廣自己無毒性,而且長期有效,在疫情來勢洶洶下,殺出一條血路,大受歡迎。不過有人就在光顧這些除甲醛服務及噴霧式消毒服務後,感到不適,向化學博士K Kwong詢問原因。博士就講解了除甲醛服務及噴霧式消毒服務,可能隱藏的危機,又給予3個小貼士,幫助大家安全除甲醛。

噴霧式除甲醛及消毒服務 可永久破壞肺部

除甲醛服務及噴霧式消毒服務後感不適 專家警告背後危機+3大貼士
網友光顧除甲醛服務及噴霧式消毒服務後感不適(圖片來源:shutterstock)

香港大學化學系博士K Kwong(鄺士山)於Facebook發文,分享有網友早前光顧噴霧式家居消毒除甲醛服務的經歷。

該網友消毒除甲醛 進行期間雖有打開窗通風,但戶主在除甲醛進行期間就一直身處室內,而且僅佩戴2個不織布口罩,其後疑吸入消毒劑而導致喉嚨不適,故向K Kwong請教會否對身體有害。

現在不少光觸媒,水觸媒上門消毒服務,幫助除甲醛、及消毒(圖片來源:FB@K Kwong)
現在不少光觸媒,水觸媒上門消毒服務,幫助除甲醛、及消毒(圖片來源:[email protected] Kwong)

K Kwong在網誌上回應網民,提醒大家要小心噴霧式消毒、除甲醛服務、或裝修用嘅噴漆噴漆。K Kwong博士向本報表示,這些消毒除甲醛 劑,包括光觸媒、水觸媒也好,凡是固體,或者高沸點的液體,有冇毒都好,只要他們是以微粒(PM100 以下),我們的鼻毛也無法阻隔,這些納米微粒產品進入肺部後,如果唔能夠咳喇出番街, 就永久留入肺深處。身體會用自己組織包住呢啲外物,久而久知就纖維化,喪失肺部呼吸功能。

就算消毒時不再室內 後續也可有微粒甩出

K Kwong 指出噴除甲醛 消毒劑的時候,戶主應該離開,或者戴合適嘅防禦工具(PPE) ,減少吸入化學物品。

他鼓勵市民儘量選擇用布抹,無謂用噴霧式消毒。「明白有好多人希望方便啲,或者想喺一啲唔能夠用漂白水抹嘅產品上面消毒,例如衣服、床褥。就會採用一啲噴霧式嘅消毒產品據稱可以一噴就用三個月。」不過這些長效的消毒產品,通常使用納米微粒產品,K Kwong表明自己不會使用。「因為如果噴喺張凳上,就算你消咗毒,因為會有人坐佢,一日就甩曬。甩出嚟啲納米粒子微粒都有可能入你個肺。」

3貼士保護肺部 安全消毒除甲醛

1. 除甲醛時 戴合格口罩保命

如果真係有需要用呢啲噴霧式消毒/除甲醛,在場所有人士包括戶主同埋施工人員,都必須戴適合的口罩如N95或P95。N95係畀水質噴霧用, P95係畀油質或有機溶劑噴霧用。商業消毒噴霧服務用嘅機器可以噴到啲微粒好細,比一般樽裝氣壓式噴霧劑細粒好多。最好戴N95嘅級數口罩。如果係噴有機溶劑嘅噴漆就要用P95。

除甲醛應該帶合規格口罩
除甲醛應該帶合規格口罩(圖片來源:shutterstock)

2.紫外光或水蒸氣消毒

如果真係有大規模面積嘅消毒,又唔想掂到自己可以考慮紫外光或水蒸氣消毒。

UV 燈消毒,比較安全(圖片來源:)
UV 燈消毒,比較安全(圖片來源:shutterstock)

3.天然方法除甲醛

如果想要除甲醛,K Kwong 博士建議開窗,冇得開先用空氣清新機,種棵虎尾蘭效果更佳。

虎尾蘭可以幫助天然除甲醛
虎尾蘭可以幫助天然除甲醛(圖片來源:shutterstock)

資料來源:K Kwong圖片來源:shutterstock

讀者留言

更多精選內容