中年好聲音2｜劉可14強止步淨係多謝陳慧嫻 10首參賽歌曲懷念特輯
無綫重視劉可出局 特別剪輯10首參賽歌曲
《 中年好聲音2 》劉可在14強止步！有人熱愛佢唱歌！有人不太認同佢嘅唱腔！無綫官方特別重視這位出局的選手，特別製作了10首劉可的參賽歌曲！ 歌曲名單有：
1.他不愛我｜5燈（晉級60強）
2.我｜5燈（直接晉級30強）
3.那些年｜86分（與鄭梓浩、黃劍文、沈宗賢，袁思樂全員晉級）
4.光輝歲月｜84分（晉級）
5.明日天涯｜86分（晉級）
6.忘記他｜91分（直接晉級21強）
7.一千個傷心的理由｜78分（晉級）
8.難為正邪定分界｜78分（晉級）
9.我是一隻小小鳥｜88分（晉級）
10.人生何處不相逢｜79分（淘汰）
劉可淨係多謝陳慧嫻、彭家麗
事實上劉可的出局感言也沒有特別多謝肥媽、伍仲衡或張佳添等評判，只強調最開心係遇到陳慧嫻，更盛讚對方係自己「畢生的偶像」，現場所見其他參賽者也不特別傷感，另外劉可還對彭家麗表示感謝。
陳慧嫻評劉可：令到隻歌唔知變咗乜鬼嘢
36歲「大魔王」劉可未能承接上一集氣勢，表現失色再度跌入危險區！獻唱《人生何處不相逢》的他透露歌曲是送給亡父，惟因他將歌曲改編到「三不像」，獲向來評語得甚為溫和的評判陳慧嫻都下狠話：「你揀呢隻歌我有啲失望，唔明點解你要揀呢隻歌，呢隻歌係小調，唔Expect（預計）你用現代嘅方法去唱，你又重新編曲，令到隻歌唔知變咗乜鬼嘢。」肥媽說：「你好想表達好多嘢，但你依家諗多咗，唔知自己想點，有啲『三不像』，拉低自己分唔抵嘛！」最終劉可僅獲 79 分，跌入危險區，可能會12強出局。
劉可哽咽憶亡父
其實劉可挑選《人生何處》背後有感人故事，他接受製作組訪問時透露亡父是一位軍人，性格硬朗及嚴肅，並從爸爸身上學到不少東西：「佢教識咗我好多嘢，有啲嘢一定要做到，就算唔得都要盡力做好，要堅持到最後。」可惜鐵人也有倒下時，劉爸爸最終不幸因癌症離世，劉可說：「去到中後期佢成個人瘦晒，唔可以正常地排便，佢自己都好煩躁，覺得拖累到屋企人，嗰段時間困擾咗成 2年。」劉可最後哽咽說：「我同佢今生緣分雖然結束咗，但喺來世某一日某一個時間，我期待同佢再相遇。」
Fans留言怒轟批評 力撐劉可表現出色
對於劉可表現失準被狠批一事，不少fans隨即便留言力撐他演繹得十分好，更怒轟批評們的評價不中肯：「評判對劉可特別苛刻，劉可有個人風格，每次都enjoy舞台，但評判永遠不讚，還不斷打壓劉可。」、「TVB又造馬，劉可今次上半段表演好感動，下半段編曲輕快，聽得好舒服。根本評判又係玩針對！」、「有啲評審硬係對劉可好多挑剔意見」、「他是最突出但集集都給評判打壓！」不斷力撐劉可。
