中年好聲音2｜劉可疑無心戀戰跌入危險區 陳慧嫻罕有用9字狠批曲風
本回合的賽制是 14 強選手輪流獻唱天后陳慧嫻的經典金曲，14 強選手演唱完畢後，留在危險區的最低分 2 位「中二生」將在年初二播出的一集被淘汰！今集出場名單及分數如下，5人穩入12強，足足有三位選手79分同分直入危險區：
《戀戀風塵》古淖文｜88分
《飄雪》陳蒨葶｜79分
《人生何處不相逢》劉可｜79分
《去吧！》鄭梓浩｜84分
《逝去的諾言》王玥』｜79分
《我心不死》顏米羔｜93分
《情意結》陳俞霏｜85分
《紅茶館》林若盈｜82分
陳慧嫻狠評劉可：令到隻歌唔知變咗乜鬼嘢
「大魔王」劉可未能承接上一集氣勢，表現失色再度跌入危險區！獻唱《人生何處不相逢》的劉可透露歌曲是送給亡父，惟因他將歌曲改編到三不像，獲慧嫻直言感失望：「你揀呢隻歌我有啲失望，唔明點解你要揀呢隻歌，呢隻歌係小調，唔 Expect 你用現代嘅方法去唱，你又重新編曲，令到隻歌唔知變咗乜鬼嘢。」肥媽說：
「你好想表達好多嘢，但你依家諗多咗，唔知自己想點，有啲三不像，拉低自己分唔抵嘛！」
最終劉可僅獲 79 分，與同獲 79 分的陳蒨葶和獲 75 分的王玥齊齊跌入危險區。
網民同表失望 直指「搏淘汰」有內幕
對於劉可的表現，一直有持正反意見的網民，不少對劉可甚有意見的觀眾認為他早應淘汰，但亦有觀眾為其不值，覺得他懷才不遇，甚至被節目組玩弄！不過去到今次表演失準，有忠實觀眾都在留言區表示劉可應該係早知要出局，所以表現得毫無感情，「知道點唱都要輸」：
劉可 哽咽憶亡父 選唱《人生何處不相逢》
其實劉可挑選《人生何處不相逢》背後有感人故事，他接受製作組訪問時透露亡父是一位軍人，性格硬朗及嚴肅，並從爸爸身上學到不少東西：「佢教識咗我好多嘢，有啲嘢一定要做到，就算唔得都要盡力做好，要堅持到最後。」可惜鐵人也有倒下時，劉爸爸最終不幸因癌症離世，劉可說：「去到中後期佢成個人瘦晒，唔可以正常地排便，佢自己都好煩躁，覺得拖累到屋企人，嗰段時間困擾咗成 2年。」劉可最後哽咽說：
「我同佢今生緣分雖然結束咗，但喺來世某一日某一個時間，我期待同佢再相遇。」
劉可朱博文合唱《難為正邪定分界》玩味濃 評審團意見兩極化
其實在前一回合，獻唱《難為正邪定分界》的劉可+朱博文已受爭議，大玩人魔對唱的兩人玩味十足，有大魔王之稱的劉可以半Opera式獻唱，又Chok晒聲大玩Rock聲嗌咪，惟評審團的反應大相逕庭，陳慧嫻看得很開心拍爛手掌，伍仲衡則露出不明所以的表情！
陳慧嫻點評時態度正面，更給予18分：「我係好接受你哋今晚嘅表演，我睇嘢比較係Out Of The Box，鍾意啲嘢係突然跳咗出去！」
不過周國豐就唔欣賞，矛頭直指劉可：「劉可你要小心，唔好走咗諧星嘅路線。」
張佳添則說：
「我好Appreciate劉可嘗試帶個舞台感出嚟，但主要問題係你哋把聲好唔Blend，Feel唔到人魔對唱嘅感覺！」
朱博文撰長文為劉可護航
朱博文得悉演出引起極大迴響，罕有地公開作出回應： 「首先，我好想多謝大家對中年好聲音的關注和支持 。」
「其實我和劉可在選唱這首歌曲時，我們都經過多番研究和討論，亦都在網上看過之前一些前輩的演繹方法。所以我們在演繹這首歌時，是在一個大家有”共識”的情況下去完成演唱。因此，並不存在任何什麼”佢只顧自己表演”，”不顧拍檔生死”，”佢玩嘢害死拍檔”等等的情況….事實上，我自己是十分欣賞劉可的聲線，亦覺得他用這把另類的聲線去演繹魔鬼一角非常配合，所以我基本上是十分滿意我和他這次的演出。其實我們在演唱前，我們都清楚知道我們這樣的演繹，評審們的反應一定會各走兩極。但基於我們對是次演出的要求，是想呈現一種”態度”給觀眾和評審，一種”人魔對立”的態度，所以就算知道這樣演繹所帶來的風險會很高，但我們都想”忠於自己”。當然，我們最後亦要為自己的”冒險”而承擔所帶來的”後果”。」
「所以，對於網絡上留言批判劉可是一個”自私”的人，我很想在這裏還他一個清白和公道。 事實上，劉可是我在今屆賽事所認識的參賽者中，其中一個最為真摯，率直和善良的人，而我和他在鏡頭後的關係亦十分友好，因此，我不想外界把今次出局的責任歸咎於他身上，同時亦誣捏他的人格。反之，我必須承認自己在整個比賽中表現不穩定，為自己帶來被淘汰的後果，確實在歌唱技巧方面有待加強和改善。
最後，我好想感謝一直以來支持自己的朋友，雖然我在中年好聲音2十六强止步，辜負了大家對小弟的期望，但我應承大家，日後我一定會努力改善自己，希望有朝一日能夠再次踏上舞台，再唱歌俾大家聽 。」
劉可演出暴走？網民意見：
- 其實兩位唱得好好，有表演天分，有實力，又有新鮮感，真的值得留低繼續比賽。
- 劉可是另類的，層次上不同，中年好聲音2應該慶幸有他的參與，觀眾對他每次都有期待，這就是歌星
- 全晚最精彩、最有創意、最有藝術性的表演，竟然拿最低分！香港樂壇真的被一些音樂知識狹窄的音樂人害死。
- 其實我認為朱仔今次唱得好唔錯，神情淡定、正氣feel ，雖然牛河搞左d喜劇感，但我仍認為佢地聲線、動態都夾嘅，好做到正與邪的對立，我仲以為會高分添！真係勢估唔到tvb 為左力撐雞仔聲林若盈、陳燕娜而不惜犧牲朱仔！
- 伍仲衡說不是這樣的，顯示佢不可接納新嘅表演方式，陳慧嫻說得對，喜歡看out of box 的演出，有創造性，伍仲衡跳不出框框，劉可及朱博文是整晚最有娛樂性最令人享受及欣賞的演出，他們都是唱將，伍仲衡及周國豐不能接受新嘅演出方式，連累有創意肯表達的參賽者，他們的評核水平真令人懷疑
顏米羔唱《我心不死》暫奪全場之冠 93 分
至於最亮眼選手則非顏米羔莫屬，獻唱《我心不死》的他保持出色發揮，將歌詞的頑強追愛的精神完美呈現，最終獲得昨晚最高分 93 分，車婉婉大讚：「我要畀個新名你，遇強越強顏米羔！」慧嫻大讚米羔揀啱歌：「呢隻歌最緊要係講故仔，你嗰種頑強鬥志同埋感情，我覺得你做得好到位，你比原唱做得更好！」肥媽則說：「你一開口唱，我就話呢件嘢偷咗隻歌，唱到好似夏韶聲嗰種 Style。」
《我心不死》「天崩跟地裂」歌詞由來原來係咁？
本回合本尊陳慧嫻更會細述每首金曲背後鮮為人知的故事，當中以由廣播劇誕生的《我心不死》故事最為特別，慧嫻說：「當時電台搵人去作呢首歌，再搵Wyman（黃偉文）填詞，Wyman 喺日本填歌詞時咁啱遇到地震，呢個地震引發
到佢寫出天崩又地裂、點樣去求生嘅歌詞！」14 強選手的出場次序將根據本尊陳慧嫻心水決定，本集首位出場的是古淖文，並獻唱慧嫻第一次回歸樂壇的歌曲《戀戀風塵》，演出完畢後，古淖文被婉婉踢爆緊張到眼皮跳。對於淖文演出，慧嫻說：「呢首歌係好難唱，情感要由低去到高，好似過山車咁，今日你做得好好，我覺得你個 Phrasing 做得好過我。」細心聆聽的慧嫻更踢爆淖文唱錯一隻字歌詞。
「中年蘭西」陳俞霏改掉惡習 唱抒情歌獲讚
至於獻唱《情意結》的陳俞霏坦言希望挑戰抒情歌：「一路比賽以嚟好似伍仲衡老師話齋，好 Technique、好嗌，呢首歌可以好好去抒發感情，所以想嘗試吓。」最終俞霏獲得 85 分不俗成績，慧嫻說：「你唱得好好，好從容去 Deliver 到隻歌，由低音去到最高音，完全聽唔到你唱得突兀，做得好好。」
