中年好聲音2｜安雅希「瘦聲」驚人 劉威煌8強止步被淘汰「死因曝光」
今集出場名單如下 劉威煌因為一個原因8強止步：
《一樣的月光》安雅希 X 林二汶 ｜86分
《Bad Boy》古淖文 x 谷婭溦｜95分
《煩》劉威煌 x 彭家麗｜82分
《浮誇》顏米羔 x 吳業坤｜86分
《多得他》陳俞霏 x 王馨平｜90分
《我要我們在一起》黃劍文 x 林志美｜89分（MVP得主）
《That’s why you go away》譚輝智 x 韋綺姍｜88分
《征服》沈宗賢 x 龔柯允｜86分
安雅希、林二汶 被斥減肥影響聲線
「大魔王」安雅希與林二汶合唱《一樣的月光》，一紅一白造型上陣的兩人一唱一和非常合拍，雅希唱到尾段大晒功架飆高音，惟最近清減不少的她被批唱歌不夠氣，伍仲衡激動說：「減乜鬼肥啫，好明顯聽得出，人瘦咗把聲都瘦埋，感覺唔到我以前鍾意嘅安雅希，你睇吓二汶，佢把聲啲氣幾肥大！」肥媽說：「氣真係要練，唱歌唔係用喉嚨，係要用丹田。」張佳添則說：「如果識用丹田唱歌，肥同瘦其實係冇關係，但係減肥之後，能量可能會唔夠。」
安雅希伙拍星級歌手林二汶合唱蘇芮原唱嘅《一樣的月光》，同之前嘅集數比安雅希瘦咗唔少，但評審批評佢人瘦咗連聲都瘦埋：
譚輝智接棒吳大強夥拍韋綺姍
「最強黑馬」譚輝智與韋綺姍（Rita）合唱《That’s why you go away》，輝智賽前坦言與 Rita 老師合作壓力大，但到正式比賽時，首度挑戰英文歌的輝智與 Rita 默契十足，唱出歌曲的傷痛感覺，周國豐笑言：「你雖然做到個痛苦表情，但你個樣畀我聯想到去廁所去唔到個表情！」張佳添說：「呢首歌除咗係英文之外，其實冇乜嘢可以畀到你發揮，你有嘗試用感情去 push 自己突破框框，但無奈做到有少少急屎嘅感覺！」伍仲衡則笑言：
「輝智你做漏咗樣嘢，你要錫 Rita 老師一啖，你有冇睇吳大強舊年咀咗佢一嘢？」
伍仲衡教你 Define 假音顏米羔、吳業坤挑戰高難度《浮誇》
顏米羔孖住吳業坤挑戰高難度的《浮誇》，兩人一爆一靜擦出不一樣的火花，雖然米羔的演出充滿激情，惟他的假音被批出事，張佳添說：「呢首歌係啱米羔唱嘅，但你要練多少少假聲、換氣，呢首歌係超高難度。」伍仲衡則直言：「聽得出你啲假音太假，真正嘅假音係假得嚟真，輕得嚟重，無力得嚟有力，你可能要研究點唱假音！」
盛傳劉威煌被淘汰
雖然參加者同錄影廠保密工夫做足，不過有網民日前行過九龍灣某商場，見到7位參賽者正在參與拍攝。照片所見，當日在場嘅有古淖文、黃劍文、陳俞霏、安雅希、譚輝智、沈宗賢及顏米羔，而喺8強名單嘅「巨聲幫」劉威煌就唔喺相中出現，因此有傳劉威煌八強止步？
導師彭家麗直指「練習不足」
另外在《東張西望》的採訪花絮中，與劉威煌合作的彭家麗就在錄影廠笑笑口表示「練得唔夠多」，又指因為係合唱歌所以驚自己未能好好配合拍檔，訪問中已經似乎有所不滿！對於是否被Foul，有傳媒向劉威煌求證，佢就話比賽仲進行緊，唔方便回應，而未來發展就磋商緊，一切落實後再講，答得相當不置可否！
網民評價劉威煌今次演出：
「之前好多消息傳劉威煌今集走，好多人話戥佢唔值，但如果計今次表現，的確應該係佢輸」
「只能夠講 這類型音樂不屬於大眾！ 大眾喜歡高音 、舒情， 對於中年， 睇中年好聲音既年齡層，會覺得嘈！」
「黎到呢個階段，揀呢隻歌⋯⋯真係煩呀」
「隊長由冇自信唱到依家有！但係可惜真係唔夠好！」
「真係覺得嘈」
MVP由黃劍文奪得 ！
黃劍文伙拍星級歌手林志美合唱范曉萱原唱嘅《我要我們在一起》，黃劍文參賽背後就有林志美老師在背後推動，如今兩人同站一個台，被指有舞台劇一般的效果，連陳慧嫻都高度評價！
