中年好聲音2｜14強出爐！譚輝智與羅啟豪合唱冧莊 大讚對方天才

《中年好聲音 2》14強名單正式誕生

昨晚 14 強名單正式誕生，分別是（排名不分先後）鄭梓浩、陳俞霏、陳蒨葶、王玥、林若盈、安雅希、顏米羔、沈宗賢、陳燕娜、古淖文、劉可、黃劍文、劉威煌和譚輝智。

譚輝智與羅啟豪合唱奪91 分

「羅啟豪 2.0」譚輝智與本尊合體 張佳添：聲音上根本係失散咗嘅兄弟被封為「羅啟豪 2.0」的譚輝智與本尊羅啟豪終極合體，同樣是 Super Shy 兼靚聲的二人合唱《今天等我來》，完美融合令人聽出耳油。二人未唱完肥媽已忍不住讚好，婉婉更笑言二人是《中年好聲音》中的 Boy’z，肥媽大讚：「由個心去欣賞你哋，好似聽緊演唱會咁。」

譚輝智向啟豪大笠高帽

張佳添則說：「我話過輝智係《中 2》嘅羅啟豪，你哋喺聲音上根本係失散咗嘅兄弟，輝智愈嚟愈散發到自信，由素人變到喺台上好揮瀟（自如），但仲有好純嘅感覺，繼續維持啦！」兩人獲得 91 分成昨晚最高分一組，輝智更冧莊 MVP，愈戰愈強的譚輝智向啟豪大笠高帽說：

「佢真係一個天才，咩歌都唱得好聽，令我大開眼界。」

林鉫徫＋劉威煌默契十足

合唱《今日》的林鉫徫＋劉威煌同樣表現亮眼，兩位靚聲王一唱一和默契十足，林鉫徫事後笑言：「細細個就聽佢嘅歌，覺得我同佢把聲好夾，同埋大家識咗好耐，終於有機會合作！」最終二人獲得 90 分高分。陳慧嫻說：「威煌愈唱愈強呀，你哋兩個好有火花、好夾，聽得好感動同埋好開心。」張佳添則說：「你哋嗰種夾，我會形容為麵包搽牛油，實在太不可分割！」

李佳評劉可勁搞笑：真係唔知點同佢 Connect

近幾集狀態低迷的劉可是集終於回勇！今集劉可孖住「和音之鬼」李佳合唱《我是一隻小小鳥》，在李佳神助攻下，劉可重拾大魔王本色，整個演出充滿激情。兩人演唱完畢後，婉婉笑問李佳：「呢個仔難唔難湊？」李佳坦言：「其實真係唔知點同佢 Connect，佢有自己嘅嘢，但亦都係有聽人講嘢，同埋真係有做到，你（劉可）要信自己，努力做最好嘅自己。」對於兩人演出，周國豐說：「《中年》選咗李佳出嚟，真係我哋嘅驕傲，多謝李佳將久違嘅劉可帶返番嚟！」肥媽語重心長提點劉可：「你返嚟喇，你之前走咗好遠喎，上個禮拜由中環走到去筲箕灣，做藝人係要有態度，但有時太過份嘅態度會令人唔舒服，唔好畀好勝嘥咗自己機會。」

古淖文周吉佩《友共情》默契十足 感染全場

合唱《友共情》的古淖文、周吉佩同樣值得關注，兩位大男孩在台上一唱一和默契十足，感染全場觀眾齊齊拍手，婉婉笑言：「感覺好年青，好似喺球場交緊波咁！」身為「古粉」的陳慧嫻再度化身小迷妹：「今日我又一次愛上你喇古淖文，你已經搣甩咗好多江湖味！」肥媽則說：「你同吉吉好似兄弟，感覺好正，感染到全場觀眾。」

黃劍文＋魏嘉信「斯文 Style」《Shall We Talk》

黃劍文＋魏嘉信同樣合拍，由於二人都是斯文 Style，唱畢後獲婉婉笑言唱出了《Shall We Talk》禮貌版本。陳慧嫻說：「要讚劍文，你係屬於好有內涵，把聲好耐聽，每一次你都有新嘢畀到我，希望你之後有更多嘅你畀我睇到！」肥媽亦說：「劍文一路進步緊，呢首《Shall We Talk》唱晒啲心聲出嚟，聽得好舒服。」