中年好聲音2｜譚輝智獻唱《歸來吧》感動肥媽3奪MVP 劉可遭淘汰笑住離開
肥媽感嘆「三十幾年冇同屋企人過年」
實力唱將譚輝智獻唱《歸來吧》，輝智憑住真摰的歌聲將曲中的寂寞、委屈和思念等情感發揮得淋漓盡致，肥媽被他感動得毛管戙兼爆喊，最終輝智獲得全集最高分 93 分，張佳添更獻出首個 20 分。對於輝智演出，慧嫻大讚：「你係後起之秀，成為四大天王其中一位！你呢個男仔 Version 我好滿意，呢隻歌好難唱，但你完全揮灑自如。」肥媽講評語時再度落淚：
「我哋成日出去做嘢，除咗疫情，我三十幾年冇同屋企人過年，佢唱出咗嗰種感覺（離鄉別井），我嘅感受比任何人都深，你唱時我已經喊同毛管戙。」
張佳添首度獻出最高20分
獻出 20 分的張佳添說：「你將我第一次嘅20 分攞走咗，畀你 Touched 到，無論係你嘅聲線定係表情，感受到好想家嘅感覺。」周國豐笑言：「點解你靚仔咗咁多，又偶像又有實力。」勇奪 93 分的輝智最終第三度獲得 MVP，負責頒發 MVP 的慧嫻說：「佢令我好 Surprise 同估唔到，佢將一隻女仔歌變成咁費玉清！」內斂的輝智笑言：「想多謝 Rita 老師（韋綺姍），人生第一次學唱歌就係 Rita 老師教，學咗好多嘢，同埋多謝添 Sir 畀咗 20分，我驚今晚瞓唔着。」
劉可 VS 陳蒨葶 張佳添宣布淘汰原因
14 名選手演出完畢後，同樣獲得 79 分的劉可和陳蒨葶、以及獲得 75 分的王玥留在危險區，王玥因為獲得最低分關係毫無懸念被淘汰，劉可和陳蒨葶「邊個有得留低」則要評審團退庭商議，最終劉可被淘汰，宣布結果的張佳添坦言：
「呢個絕對係好困難好痛苦嘅決定，都有啲傷感，要離開嘅係劉可，由第一集你畀到我哋驚喜，到中間畀到啲好正、有啲爭議性嘅演出，其實你係一個真正嘅 Artiste，你要繼續唱歌，唱多啲好歌。」
劉可保持正能量
而被 Foul 的劉可未有太大傷感，繼續保持正能量，他說：「好慶幸企喺呢個舞台，始終我太耐冇唱喇，咁多位都好犀利，呢一刻我都好開心，唔係好傷感。今次最開心係可以見到陳慧嫻老師，雖然今次呢隻歌唱得有失水準，但好想同你講你係我畢生嘅偶像，最後仲要多謝我嘅屋企人、Fans 同埋朋友，係我最大嘅 Back Up。」
昨晚 12 強名單正式誕生，分別是（排名不分先後）
- 鄭梓浩
- 陳俞霏
- 陳蒨葶
- 林若盈
- 安雅希
- 顏米羔
- 沈宗賢
- 陳燕娜
- 古淖文
- 黃劍文
- 劉威煌
- 譚輝智
