東張西望何太自爆「對婚姻有陰影」 網友直斥言行不一、大話連篇

何伯與何太茶餐廳恩用膳 爭議對白被刪走

節目後播出何伯及何太在茶餐廳用膳的畫面，二人互相夾餸，旁白稱他們「並非做騷」。何太說︰

「如果我係佢哋口中講嘅人，呃我老公啲錢，仲邊會晒啲首飾出嚟？我乾脆話冇都得，點解要晒就係知道我先生愛錫我，我幸福嘛！」

何太又在記者面前表示，「前何太」比自己更幸福，當時何伯送給「前何太」的珠寶也很多，不過全都在細女的保險箱，在旁的何伯亦確認 「喺晒保險箱」，態度似心有不甘。

何太自爆曾被前夫虐待： 我好驚婚姻

何太在節目，大爆與前夫的關係，她表示曾受虐待，令她「對婚姻有陰影」：

「我被前夫虐待過，所以有陰影，好驚婚姻，打算一直湊大個仔算……因為我曾經受虐待，所以我希望搵到一個愛錫我男人就夠，無論佢咩年紀，佢愛錫我就滿足！」

發毒誓稱不會講大話

討論區有人爆何太曾有三段婚姻，她卻強調自己只有兩段婚姻，18年前與她與前夫誕下兒子。何伯在旁向記者表示，自己曾陪何太回廣州，見過何太的家姐，狀甚精明地分析：

「佢家姐俾咗少少料我！(梁敏巧︰俾咩料你？)就係嫁我係第二任丈夫！」

何太又說與前夫離婚前一直住劏房，因為性格不合離婚，之後拿了香港身份證便與兒子申請公屋。她說︰

「如果我講任何大話，我以後搵唔到錢，窮光蛋一個，夠毒未？因為我理想係要搵好多好多錢！」

何太流出一滴眼淚：可以追討咩？

何太在何伯身邊表示，自己稱收到的禮物，何伯子女是沒資格追討： 「可以追討咩？」又強調何伯係有「選擇生活嘅自由！」何伯在旁說︰「錢係我嘅，我點使係我嘅事！」最後二人又向記者表示，為了生活費，已將龍鳳鈪變賣，以七萬多元出售，「蝕咗2萬幾蚊」。

《東張西望》在播出今日訪問前表示，今集會保持「中立」，懷疑因此將何太版本的說法原版播出，但觀眾對照前一天的街市檔主訪問，表示有好大出入！

網友回應 ： 開口埋口都係錢

「比前夫虐待有陰影,咁快就可以走出陰影周圍問人有無好男人介紹,真係不知所謂 」

「呢個女人成日錢不離口，就知呢個女人咩料啦。另外如果新何太的前婚姻曾經被虐待，心理上不是還有陰影嗎?點會咁容易識過第二個男人，理應都要多加了解再講談再結婚的可能性啦，又咁快同人上床結婚，唔怕呢個何伯又再虐待你咩?全部都好矛盾，疑點重重講唔通。全港市民都想喚醒何伯，唔好再信呢個好有機心的大6女人」

「開口埋口都係錢，連人生目標都係錢，好難令人相信嫁阿伯唔係為咗錢」

「訪問中，新何太話因第一段不愉快的婚姻，有陰影，打算以後都單身，不再有找另一半的打算。 但記得昨天的訪問中，新何太剛在街市新相識何伯時，週圍和其他人訴說想找個男人，做契女也好，做老婆也可以。。。。。我的媽呀！我好迷茫呀！！！」