再見枕邊人|杜導+蔥頭合體演父子 丘梓謙「減齡」演出原來有秘訣
今晚(1日)一集,晴天再次身陷險境,「杜導」演的黎秋瘋狂報復行動將再度升級……詳見《再見枕邊人》第1-5集劇情
「杜導」、「蔥頭」合演父子見面卻似情人 衰老竇性格參考丁蟹
現實中關係匪淺,丘梓謙大爆與「杜導」二人是秘密情人:「同啟傑師兄喺《愛.回家》成日見,當咗佢係男朋友,見到面會叫佢BB!知道佢演我老竇,好開心亦好放心。」飾演黎秋的 45 歲綠葉演員李啟傑,演活劇中貧窮愛賭「衰老竇」,為求取得兒子當年比賽贏得的房子,不惜跪地認錯之餘,更爆金句盡顯「衰格廢老」 本色:「話晒養咗你十幾年,你就咁撇低我,走都唔緊要,你留番撻地方畀我住吖!」李啟傑受訪時透露演出前有參考經典劇集《大時代》中的「丁蟹」角色,並笑言最困難是說服自己「黎秋是對的」,啟傑說:
丁蟹嘅人設,就係責任不在我方,我嘅損失係人哋造成,拎住呢點嚟做就OK。
(圖片來源:TVB)
刻意露鬚根+亂髮搣甩「蔥頭味」
丘梓謙是次飾演家明,除了要挑戰大量內心戲,造型上亦花了不少心思及功夫:「我以往好多角色都有遮鬚根嘅習慣,好似蔥頭咁,因為要模仿韓星感覺。家明雖然細個係尖子,但因為家庭問題令佢變得反叛,所以造型較頹,我亦刻意冇遮鬚根同唔整頭。」
演20零歲少年零違和 丘梓謙親揭減齡秘訣
談到年屆 30 歲的丘梓謙、演繹二十出頭的角色完全零違和,問到丘梓謙減齡妙方,他笑言秘訣我於「髮型的重要性」:「我 2014 年訓練班畢業嗰幾年都係 allback、側 剷到超青,嗰陣已有幕後同我講覺得個髮型唔襯我,夾硬扮黎熟咁。直到拍《換命真相》黃偉聲監製叫我試吓《繼承者們》李敏鎬個髮型,大家即刻覺得我年輕咗,之後《愛.回家》監製就搵我演蔥頭,可以話係我人轉捩點。」
感激黃智雯耐心給予時間及空間 丘梓謙零壓力下對綠幕演爆喊內心
丘梓謙續指最近亦真的多了不少飾演「後生仔」機會,令人期待。看張家輝作品學演戲:好想知道點樣從一個眼神,令觀眾睇得投入。談到昨晚家明看到亡母訪問後爆喊場口,丘梓謙透露拍攝時其實只是對著綠幕演戲,獲對對 Mandy 耐心給予時間培養情緒:「因為越緊張越喊唔出,嗰集一日要拍晒咁多場,我自己都驚!好彩 Mandy 陪住,亦冇畀壓力我,先可以好輕鬆咁完黎拍攝。」丘梓謙透露自己熱愛看電影,尤其鍾情張家輝的作品,看看之餘更會細琢家輝眉頭眼額等細節位學演戲:「好想學習佢哋呢啲影帝級,點樣從一個眼神、一個呼吸,令觀眾睇得投入。」去年,丘梓謙在電影《爆裂點》中正正飾演張家輝兒子,可謂一圓跟偶像合作夢想。