神探大戰|劉青雲一年冇開工黐實老婆郭藹明:睇清楚自己娶咗個咩人
58歲影帝劉青雲放閃 大讚郭藹明:我聚了個好女人
58歲影帝劉青雲喜歡四出旅行,但因疫情關係,一年間時冇戲拍所以長留在家中。他透露自己與郭藹明結婚24年,以往一直忙住工作,從未試過如此長時間與老婆朝夕相對。亦因騰出了時間與老婆相處,他直言睇清楚自己聚自己娶咗個咩人,放閃大讚:「當然係娶咗個好女人啦!」
![劉青雲 郭藹明 劉青雲 58歲劉青雲大讚老婆郭藹明,直言睇清楚自己聚自己娶咗個咩人,放閃說:「當然係娶咗個好女人啦!」](https://imgs.orientalsunday.hk/wp-content/uploads/2019/03/nhv4dxh3MJN7gxp/1111a_catc_p24_25_g_11541991335c9769ba15048-745x1024.jpg)
劉青雲一年冇戲拍更珍惜家人:悲涼才會珍惜
劉青雲表示自己以前連屋企電器都唔識用,又唔知啲嘢擺邊。現在有更多時間與老婆郭藹明相處,終於一次過學懂了,而且有更多時間致電父母。他又希望藉此機會追回與家人共聚的時光,他認為雖然在不情願又悲涼的環境才有這機會,但就如電影一樣,因為悲涼才會珍惜。
![劉青雲 郭藹明 劉青雲 劉青雲表示自己以前連屋企電器都唔識用,又唔知啲嘢擺邊。現在有更多時間與老婆郭藹明相處,終於一次過學懂了,而且有更多時間致電父母。](https://imgs.orientalsunday.hk/wp-content/uploads/2018/05/nhv4dxh3MJN7gxp/a2_20377916395b0d3a03c958c-684x1024.jpg)
劉青雲減產陪太太與郭藹明閉關一樣好有情趣
一場新冠肺炎疫情打亂香港娛樂事業,唔少電影被煞停,影帝劉青雲亦受影響,他足足一年冇工開閉關留家抗疫。對好好先生劉青雲而言,反而可以有更多時間陪愛妻郭藹明,夫妻閉關一樣好有情趣。
![劉青雲 郭藹明 劉青雲 因新冠肺炎疫情停工,青雲對上拍攝的電影 《拆彈專家 2》,已經是上年五月殺青,這部電影更是青雲與劉德華相隔十八年後再合作,電影暫定聖誕檔期上映。](https://imgs.orientalsunday.hk/wp-content/uploads/2020/11/dd2_1197a_cove_p14_17_11641542395faba3d1ce0e3.jpg)
劉青雲與郭藹明閉關過得寫意
劉青雲近年已開始減產,留更多時間陪太太。曾有知情者透露:「係人都知青雲好錫老婆,佢好享受家庭生活,兩公婆就算唔出街都好有生活樂趣,所以疫情閉關,對佢哋嚟講一啲都唔會悶,青雲本身就好鍾意煮嘢食,以前就算開工一有時間都會親自下廚煮兩味,疫情閉關唔使做嘢,佢就日日下廚為樂,煮愛心餐𠱁老婆,兩公婆又會一齊整愛心牛扒飲下紅酒,非常之浪漫。佢兩個都追求簡單,喺屋企一齊睇電影、做運動或者外出散吓步已經好享受!」
![劉青雲 郭藹明 結婚廿二年愛情依然保鮮的確唔容易,劉青雲和郭藹明同樣真摯唔造作,簡單一個動作已經好有默契,甜蜜羨煞旁人!](https://imgs.orientalsunday.hk/wp-content/uploads/2020/11/ff_1197a_cove_p14_17_12527233005faba3d3504a5-683x1024.jpg)
劉青雲與郭藹明拍拖過平民生活
劉青雲與郭藹明去年被影過拍拖出巡,陪老婆出關到超市買糧。,疫情下高度戒備,發現遠處有陌生人拍照,表現緊張護妻,見老婆郭藹明大方淡定揮手,才如釋重負,更跟住老婆一齊揮手同記者打招呼,愛妻號青雲被賢妻牽動一顰一笑,恩愛得無懈可擊!結婚廿三年愛情依然保鮮的確唔容易,劉青雲和郭藹明同樣真摯唔造作,簡單一個動作已經好有默契,甜蜜羨煞旁人!
![劉青雲 郭藹明 堪稱圈中模範夫妻的劉青雲、郭藹明,日前孖實到時代廣場的超市上糧,雖然近日疫情稍緩,不過兩人防疫措施未有鬆懈,專登揀人流少的時間才出動。](https://imgs.orientalsunday.hk/wp-content/uploads/2020/11/1_1197a_cove_p14_17_10124251175faba359b9875.jpg)
疫情下到超市上糧 人流少時段出動
去年疫情下二人拍拖出關到超市上糧,雖然疫情稍緩,不過兩人防疫未有鬆懈,專登揀超市人流較少的時段才出動買餸。貼地的青雲夫婦,當日穿著簡約衛衣頭戴Cap帽打扮樸素,青雲更孭住一個平民連鎖時裝店的贈品環保袋,影帝有幾隨意可想而知。同老公青雲keep住養生的Amy(郭藹明),當日二人就主攻有機食物,買齊嘢後,青雲好自然負責推住手推車,體貼老婆不用她操勞。養生有道的郭藹明,54歲素顏下雖然戴住口罩,仍可見凍齡保養得宜,身材更完全冇走樣。可能疫情閉關多時,青雲戒心變得分外重,見有陌生人遠處拍照,隨即通知身旁的老婆,又以凌厲眼神望住遠處,表現緊張護妻,之後認出是記者,又見老婆一臉淡定大方揮手,青雲才如釋重負放下戒備,好好先生回復友善,跟住老婆一齊向記者打招呼,婦唱夫隨默契盡在不言中。
![劉青雲 郭藹明 出名貼地的劉青雲夫婦,當日兩公婆穿上拉鏈衛衣頭戴 Cap帽打扮樸素,青雲孭住的環保袋,更是平民連鎖時裝店的贈品。郭藹明孭住她近年大愛Issey Miyake品牌手袋,約五千元用足幾年,認真慳家。](https://imgs.orientalsunday.hk/wp-content/uploads/2020/11/6_1197a_cove_p14_17_13795150405faba365db409.jpg)
西貢西沙小築獨立屋 老婆鍾意即扑槌
婚後男主外女主內,青雲更將財政大權交給老婆郭藹明掌管。善於理財投資的劉太,多年來炒賣物業從未失手,幫老公滾大身家。2014年底劉青雲以3,280萬買入現居的西貢西沙小築獨立屋,裝修了兩年多才入伙,據悉當時青雲即使知道該物業比同區樓價市值高出一成,依然扑槌購入全因老婆喜歡。據知情者透露:「佢兩個鍾意住郊區,特別鍾情西貢,不過西沙小築好少有放盤,嗰次兩公婆一齊睇樓, Amy一睇已經好鍾意,嗰度環境清幽又有無敵海景,完全係Amy心中嘅Dream House,因為係老婆心頭愛,青雲二話不說即刻扑槌買。由於樓齡有成三十幾年,間屋要大翻身,搞咗兩年幾先完工。」
添置新家品注重品質和實用
劉青雲夫婦近年被影過結伴出動為愛巢添置新家品,二人去到沙田大型商場連逛多間家品店,貼地影帝買嘢亦唔會只攻名牌貨,反而更注重品質和實用,二人去到平民家品店一樣睇得非常暢快,青雲更睇中兩棵仿真樹盆栽,還不拘小節踎低仔細找合適花盆配搭,最後兩公婆合力推住戰利品到收銀處付款。
其實萬能賢內助郭藹明早就是格價專家,17年本刊便拍到她單拖出動,為愛巢落區去揀優質及實惠的裝修材料,幫老公慳住荷包,夫妻價值觀如此一致,果然是天造地設!
![劉青雲 郭藹明 劉青雲 之後兩公婆去行平民家品店,影帝買嘢好平民,最緊要合眼緣,青雲睇中兩棵仿真樹盆栽,他更攞起仔細研究一番,再細心配搭花盆,老婆郭藹明則在身旁畀意見。](https://imgs.orientalsunday.hk/wp-content/uploads/2020/11/x4_1197a_cove_p14_17_21231795965faba51bea5b7.jpg)
劉青雲得周慧敏牽線「太空船論」感動郭藹明
外表cool爆的劉青雲不但對老婆體貼呵護備至,更是個會講情話的深情暖男,2015年金像獎台上一番「太空船論」,不只感動賢妻淚如雨下,更打動萬千女性心,大家都羨慕郭藹明身邊有個愛妻號老公劉青雲,同樣地大家亦羨慕青雲娶到個有美貌高智慧的賢內助,夫妻一凹一凸完美無瑕。
![劉青雲 郭藹明 劉青雲 15年二人激罕合體拍廣告演夫妻,真情流露深深打動觀眾。](https://imgs.orientalsunday.hk/wp-content/uploads/2020/11/c1_1197a_cove_p14_17_9979148265faba3cca1ee3.jpg)
劉青雲、郭藹明轉眼結婚已24年,恩愛有增無減,愛情長久保鮮全因一直相敬如賓。二人92年合拍《大時代》結緣,頂著「最高學歷港姐銜頭」的郭藹明,更放棄做美國航天公司工程師的工作機會,甘做劉青雲背後女人默默支持老公。郭藹明受訪曾透露夫妻相處之道,她會視老公是愛人又是朋友,至今仍會跟對方說唔該及多謝,保持那份感情熾熱。
![劉青雲 郭藹明 劉青雲、郭藹明92年合作《大時代》情牽一線,同劇女主角周慧敏更是二人的紅娘。](https://imgs.orientalsunday.hk/wp-content/uploads/2020/11/dd1_1197a_cove_p14_17_18768555faba3d02eb65.jpg)
金獎像感言整喊老婆
外表cool爆的劉青雲,更不止一次公開向太太發表愛的宣言,從不吝嗇表達對老婆的愛意。最經典莫如15年在香港電影金像獎頒獎禮上,憑《竊聽風雲3》奪得「最佳男主角」的他,在台上多謝太太郭藹明發表「太空船」愛的宣言:「每次當我揸住太空船,飛到宇宙唔知邊度,你總有辦法令我安全返回地球!」真情表白打動萬千影迷,台下老婆更被他感動至眼濕濕。
![劉青雲 郭藹明 外表cool爆的劉青雲原來好識冧妻,15年他憑電影 《竊聽風雲3》二度奪金像影帝,在台上發表太空船宣言說:「每次當我揸住太空船,飛到宇宙唔知邊度,你總有辦法令我安全返回地球!」](https://imgs.orientalsunday.hk/wp-content/uploads/2020/11/x1_1197a_cove_p14_17_17382563265faba3d50263a.jpg)
劉青雲愛錫老婆有何招數?
劉青雲郭藹明結婚多年恩愛依舊,全靠4大愛錫老婆招數⋯⋯按此看詳情
郭藹明加入娛樂圈前擁有高學歴?
90年代,高學歷的港姐只屬少數,91年的冠軍得主郭藹明就是其中一位⋯⋯按此看詳情