叱咤2023｜一文看清10大歌手前衛服裝造型 JW超出眾又冧莊
服裝焦點1號｜JW「炒車」停不了 在續廟街風黑絲情懷
早前於《新城勁爆頒獎禮2023》服裝已經「炒晒車」的王灝兒（JW），今晚繼續平穩發揮，再度以出事服裝示人！雖然今晚的妝容調整了不少，但是JW的造型似乎放棄不了獨有的「廟街風」，依舊以黑絲作為點綴！
服裝焦點2號｜WinWin服裝借鑑「關二哥」
楊安妮（WinWin）的服裝keep住「炒車」，繼上次的功夫裝後，今晚就以關公造型登場，超級出眾！
服裝焦點3號｜Tyson Yoshi「巨胸」撼贏全場女歌手
Tyson Yoshi今晚一出場已經驚豔在場的各位觀眾，孖住COLLAR齊齊出場的Tyson Yoshi騷「巨胸」示人，除了心口的扣幾乎「撐唔住」之外，身材仲好過旁邊的COLLA……
服裝焦點4號｜炎明熹包到上頸勁密實
TVB小天后炎明熹今晚都有出席頒獎禮，不過今次的服裝比起日前《新城勁爆頒獎禮2023》就差得遠，除了以超綠的巨型禮服出場外，仲竟然包到上頸，完全冇睇頭……
服裝焦點5號｜Moon Tang堅持巨型「飛毛腿」勁搶fo
Moon Tang（鄧凱文）上一次出席叱咤的記者會時，就已經因「飛毛腿」而引起極高的討論！不過今晚Moon Tang就以巨型毛毛鞋取代「飛毛腿」，仲以一身白色毛毛狗仔裝登場，繼續行另類路線……
服裝焦點6號｜獨立歌手Dorothy 劉君冬「蠱惑的窿」騷極深事業線
獨立歌手劉君冬（Dorothy）今晚的造型可謂十分進取，性感程度力壓在場的一眾女歌手！劉君冬的服裝除了有漂浮的魚做點綴外，心口位蠱惑的窿先係最吸睛的部分，大騷極深事業線簡直搏到盡！
服裝焦點7號｜ 魏浚笙 Jeffrey迷彩吉利服
男神魏浚笙 Jeffrey喺新城髮型已經係炒咗車變十兄弟的「飛天五」今次喺《叱咤樂壇流行榜頒獎典禮2023》個髮型就無咁飛，但個造型就出事，一身迷彩款式的西裝，似足「吉利服」，野外地區應該可以有隱身功能。
服裝焦點8號｜Novel Friday 果然走得勁前！
香港饒舌歌手Novel Friday一向都走得好前，今次造型戴晒頭套，唔講唔知乜水，好彩用排除法搵到係佢！
服裝焦點9號｜堅．綿花糖女孩Serrini？
相信近年都有唔少人聽過「綿花糖女孩」呢個形容詞，係形容身形肉感，圓圓的臉蛋、白白嫩嫩、非常可愛的女生們。今次Serrini真係堅．綿花糖女孩！
服裝焦點10號｜XIX兒童合唱團拖住手登場
出身《聲夢JUNIOR》的女團XIX，今晚再延續《新城》的造型，繼續行便服日風！5位成員拖住手上台的畫面驟眼睇仲好似兒童合唱團登場咁……
同場加映
Kayan9896造型小露性感
Kayan9896今晚亦盛裝出席，以一身黑色小禮服示人！去年得女新力軍獎項的 Kayan9896 今晚造型性感指數爆燈，尤其係由心口開到落幾乎肚臍位的大deep V，真係超級吸睛啊！
服裝焦點5號｜Kayan9896造型小露性感
Kayan9896今晚亦盛裝出席，以一身黑色小禮服示人！不過Kayan9896今晚的造型性感指數爆燈，尤其係由心口開到落幾乎肚臍位的大deep V，真係超級吸睛啊！
