叱咤5強｜我最喜愛男女歌手名單揭曉！MIRROR、張敬軒回應尹光強勢爭獎
叱咤2023｜我最喜愛男歌手5強名單
投票走勢速報，尹光始乎未受「抽水林明禎」負面新聞影響，仍在7強之列，勁！相反，有兩位鏡仔柳應廷同江𤒹生成為「炮灰」。「叱咤樂壇我最喜愛的男歌手」 7強公布 (截至周三中午12時，排名依筆劃序)︰
-
尹光
-
姜濤
-
陳卓賢
-
張敬軒
-
盧瀚霆
暫時出局
-
林家謙、柳應廷、江𤒹生、MC 張天賦、呂爵安
叱咤2023｜我最喜愛女歌手5強名單
投票走勢速報，「叱咤樂壇我最喜愛的女歌手」 7強 (截至周三中午12時，排名依筆劃序)︰
-
Gin Lee
-
Serrini
-
陳蕾
-
鄭欣宜
-
謝安琪
暫時出局
-
JACE 陳凱詠、方皓玟、炎明熹、Marf 邱彥筒、sica
張敬軒大方回應尹光打入叱咤10強
張敬軒與林家謙在昨晚（18日）於亞洲國際博覽館舉辦《The Perfect Match》拉闊音樂會，貴為樂壇頒獎典禮得獎常客的張敬軒在接受傳媒訪問時，被問到大前輩尹光打入叱咤10強的感想。張敬軒指不會視尹光為「強敵」，畢竟大家都是粉絲們票選出來，有獎固然開心，無獎就下年再努力。張敬軒並大方回應道：
我自己覺得好有啟發性。一個喺樂壇咁多年，同埋尹光哥哥佢本身除咗流行曲、時代曲之外，都有唱粵曲。佢本身嘅戲曲功底好強，所以我覺得其實係好好嘅。如果今年真係佢上到台、攞到呢個獎，我覺得對於好多真正將佢哋一生奉獻咗俾樂壇嘅人，其實我覺得好感動，我相信會全場企起身拍手。
林家謙搞笑「邀功」：我係佢首本名曲作曲人
尹光曾經在紅館演唱會公開感激創作「AI尹光」的網民，並向《Dear My Friend，》和《一人之境》的原唱人姜濤和林家謙道謝。對於尹光曾公開多謝自己一事，林家謙就笑指：「我期望佢會上台Que我。因為我係佢嘅首本名曲嘅作曲人，佢要多謝我寫《一人之境》。」
MIRROR回應得體 望能與尹光合作
今年「我最喜愛男歌手」最後10強中有六位都是MIRROR成員，包括江𤒹生、呂爵安、姜濤、柳應廷、陳卓賢及盧瀚霆。昨日（18日）MIRROR 12子出席MIRROR全團首部電影作品《12怪盜》電影互動場活動時，亦有就前輩尹光入圍叱咤10強作出回應。當被問到對網民「力撐」光B攞「我最喜愛男歌手」一事有何看法，MIRROR隊長Lokman就作代表大方回應指：「力撐啊，大家力撐就大家力撐啦，各人有各人嘅喜好。我覺得幾好啊，樂壇或者社會有多啲嘅元素，可以接納多啲嘢，咁先會繼續成長得好。你問我如果佢（尹光）攞，我都會好開心！」Lokman更指自己精通尹光的歌曲，並且假如有機會希望能夠與對方合作：「不過就要揀啲大人細路都啱聽嘅歌，盡揀啦，或者「beep」咗佢，哈哈！」
一齊睇張敬軒&林家謙、MIRROR足本訪問：
「叱咤樂壇流行榜頒獎典禮2023｜我最喜愛男歌手10強誕生
投票走勢速報，「叱咤樂壇我最喜愛的男歌手」 10強公布 (排名依筆劃序)︰
-
MC 張天賦、尹光、江𤒹生、呂爵安、林家謙、洪嘉豪 (出局)、姜濤、柳應廷、陳卓賢、張敬軒、馮允謙 (出局)、盧瀚霆
叱咤2023｜連登仔呼籲全世界投尹光力撼MIRROR
近幾年MIRROR橫掃叱咤多個獎項，「我最喜愛的男歌手」更淪為姜濤及Anson Lo之爭。近日有網民以「我呼籲全世界票投尹光！」為題開post，叫大家一齊出招大戰鏡粉。此post一出已經引起各方表示支持，更以3大理由表示一定要支持尹光：1：《Dear myself》真係好好聽好有意思；2：古天樂都得，尹光更加有資格；3：連AI都玩埋最潮係佢。網民紛紛留言：「《Dear myself》成首歌個概念同背後個意義有意思過好多歌」、「當年古天樂都係咁拎獎啦，尹光更加有資格」、「人地連AI都玩埋，完全唔老土」。
叱咤2023｜網民：只有MC先可以打低MIRROR！
不過都有網民覺得應該投MC張天賦，指MC才是最有機會打低MIRROR的人，不認同吹奏尹光的講法：「條友啲唱腔咁老土都吹奏，我投返MC算，起碼fxxkboy樣幾潮唱歌又好聽」、「走去投尹光呢啲口水歌歌手，咪又係玩爛香港樂壇，講得出投尹光你本身都唔在乎樂壇會點發展啦係咪」、「投MC先有機會打抵姜B，忍痛棄光B，全家投MC」。亦有網民叫大家繼續投姜濤，指姜濤感言好重花生好好睇：「其實識玩一定投姜，想睇多次佢發台瘟！」
