吳若希囝囝滿12朝派薑醋 老公買餸擺烏龍公開認錯
吳若希17年為老公Alex誕下女兒淼淼(Giselle)，早前再誕下第2胎囝囝Kylian，成功湊成一個「好」字。近日吳若希在IG透露Kylian已滿12朝，會按照傳統派薑醋給親朋好友。Alex亦好識做有幫手買餸分擔家務，可惜買漏嘢要在IG公開認錯，所以話做人老公甚艱難！
文：東方新地 ｜ 圖：吳若希IG、Alex Ho IG、新傳媒圖庫
ALex認錯：老婆，對唔住！
吳若希早前為老公Alex誕下第2胎囝囝Kylian，成功湊成一個「好」字。吳若希正在家中坐月休養，Alex亦好識做幫手買餸分擔家務，為免老公冇記性，事前特意寫好一張購物清單，點知Alex因為誤解清單上嘅符號，搞到買漏嘢，Alex要在IG公開認錯：「老婆，對唔住，可能我唔知條線係『等於符號』我買少咗。」所以話做人老公甚艱難！
囝囝Kylian滿12朝派薑醋
吳若希近日在IG分享最新抱B照，透露Kylian已滿12朝，會按照傳統派薑醋給親朋好友。眼見相中吳若希精神唔錯、雙頰飽滿、手腳修長、上圍亦明顯升Cup，有網友指佢生完囝囝後重靚咗，更有網友大讚：「生完都咁fit、咁索。」但吳若希卻笑指：「執瘦咗個大髀㗎。」
