吳若希28歲陀仔嗌封肚 臨盆在即狂言叫老公搵二奶
吳若希一向語出驚人，與老公Alex（何兆鴻）結婚三年，經常糟質老公晒恩愛，近日陀住慈姑椗更成家中女皇，不時在社交網狂呻陀仔辛苦，又嫌老公服侍不周，只掛住打機與及玩電話，臨盆在即依然把口唔收！呢日又留言發功，講明生完呢胎就封肚，更狂言老公：「仲想要就搵個二奶幫你生！」他日老公如果真的搵二奶，就一語成讖了！
撰文：東方新地
吳若希陀慈姑椗全面閉關
遇啱新冠肺炎疫情，陀住慈姑椗的吳若希，近月便全面閉關，早就在家如同女皇一樣，老公就到出晒面仍然唔知足，吳若希大女人心態更隨住個肚愈來愈大一發不可收拾，在社交網經常出PO晒大肚生活之餘，仲不忘踩老公一腳，又經常呻陀仔辛苦，腰骨痛到瞓唔到云云！
吳若希眼突突呻陀仔辛苦
呢日佢Po出一張眼突突照片，繼續勁呻陀仔辛苦，她表示現時肚裡BB已經有八磅重，再落去生時隨時有九磅，覺得壓力好大！
今胎陀仔太辛苦，吳若希還揚言封肚拒絕再生：「仲想要就搵個二奶幫你生！」口出狂言，話真係唔好亂講。
關鍵詞
吳若希
