40歲唐素琪成三子之母 昔日宅男女神仲勁少女
唔知大家仲記唔記得麥當勞喺2005年拍左3段經典廣告呢？故事講述男仔用麥當勞食物追女仔，廣告女主角人靚聲甜，瞬間成為一眾宅男既討論話題。呢位靚女之後參加大台節目《美女廚房》，其後加入金牌娛樂成為藝人，佢就係唐素琪啦！點解提起佢？事緣近日司徒夾帶在Facebook上載了幾張照片，係唐素琪近照，凍齡有術獲網民大讚又pure又true，好似完全冇老過咁，一樣係咁正！
撰文：東方新地｜圖片：唐素琪社交網、廣告截圖
唐素琪結婚周年紀念與老公重拍麥當勞廣告情節
早年唐素琪同髮型師老公重演10多年前麥當勞廣告的情節，片段中唐素琪和老公以校服look演出，佢着上校服非常清純可愛，真係睇到小編暈得一陣陣！唐素琪表示呢段片係早年為在結宴上播放而拍的，適逢當年的2月6日係佢同老公的結婚週年紀念日，決定將片段分享出來：「我見個個朋友都睇得咁開心，決定開心share!」
唐素琪嫁人退出娛圈 40歲生日一家五口慶祝
唐素琪的樣子清純可愛，那些年迷倒千千萬萬少男，可惜佢早於2011年已經退出娛樂圈，28歲時嫁給髮型師老公Davy，在陽明山莊泳池舉行婚禮，及後更在養和醫院生了三個寶寶。當年擁有一把嬌嗲聲線及可愛表情的靚女唐素琪，現已經貴為人妻及人母，做緊幸福少奶奶了！
睇番唐素琪近年嘅照片，依然係咁靚女！
因廣告大受歡迎後，唐素琪參加大台節目《美女廚房》並奪得第三名(當年冠軍係JJ賈曉晨)，之後拍過唔少MV及電影，可惜都已成往事…
唐素琪曾在08年電影《愛情萬歲》中演出，同型男周柏豪有唔少對手戲，可惜依家再冇機會見到佢在幕前出現了！
關鍵詞
唐素琪
