單對單|江美儀自爆離婚原因  瞞婚11年感情破裂、靠一個方法走出陰霾

單對單|江美儀自爆離婚原因 瞞婚11年感情破裂、靠一個方法走出陰霾

江美儀繼《東張西望》和《Mean Talk 》後,再次深情剖白與吳君如胞弟吳君祥離婚的真因,以及分享如何好好享受一個人的快樂。今次接受黎芷珊的節目《單對單》最後一集訪問,江美儀為配合「單身也可積極自強,活出精彩豐盛人生」的主題,分享了一個走出陰霾的方法。

撰文:東方新地 圖片:《單對單》圖片、無綫電視截圖」、江美儀IG

江美儀《單對單》再提秘婚 11年感情

江美儀與吳君如胞弟吳君祥拍拖11年,可惜在2018年二人被爆已分手兩年,其後男方父親夏春秋爆出二人早於2006在西雅圖註冊結婚,江美儀由分手變成離婚。節目中,江美儀再次剖白離婚真相。

單對單
江美儀與前夫吳君祥,早年經常有影皆雙。(圖片來源:東方新地)
單對單
江美儀再次深入剖白與吳君祥的婚姻關係。(圖片來源:單對單)

夫妻身份有距離

今集《單對單》的主持黎芷珊請來經歷離婚後依然活得精彩的江美儀,健談率直的江美儀,指離婚真相是因為大家步伐不同:「佢都好大壓力。佢係某某個仔、某某嘅細佬、同邊個邊個嘅男友,佢永遠冇一個好清晰嘅身份。」美儀又謂因工作關係,經常不能陪前夫外出應酬,以致前夫要聽閒言:「可能好小(好似冇乜嘢)嘅一句說話,我覺得佢聽咗會覺得好似我哋身份有距離。」

單對單
江美儀表示與前夫的步伐與想法都不一致。(圖片來源:單對單)
單對單
江美儀帶黎芷珊去打坐。(圖片來源:單對單)

前夫冇特別想箍煲

一個愛熱鬧、愛朋友,一個想愛得浪漫一點,加上生活習慣不協調,令江美儀覺得不開心與日俱增,就算雙方曾嘗試挽回,也因步伐差異未能成事:「我見佢冇乜特別行動想箍煲,或者我要求高,我希望佢呢樣嗰樣,可能佢做咗我唔覺,或者唔係我想要嘅,佢有講過話我想佢做嘅嘢佢做唔到。」

單對單
江美儀原來是靠打坐去令自己心境變平靜。(圖片來源:單對單)
單對單
出名是愛狗之人的江美儀,特意帶同愛犬Teddy與Tina在節目中亮相,又帶芷珊暢遊自己平時跑步的地方。(圖片來源:單對單)

一個人原來都可以盡興

江美儀又指提出回復朋友身份的契機,是前夫到了內地工作後,她發現一個人都可以很開心和自由。「(關係長咗係咪老奉咗?)佢有驚喜嘅,有搵我朋友搞驚喜派對,但我唔係想要呢啲。我想兩個人燭光晚餐,真係頂唔順!」坦言有感到受傷的江美儀,對於該段關係卻沒有遺憾:「愛過咪得咯!」

單對單
美儀坦言視兩頭愛犬如人仔,除了餵牠們吃保養品,更會親自煲湯給牠們。(圖片來源:單對單)
單對單
談到愛動物之人養寵物最害怕的地方是生離死別時,江美儀感性地表示:「係要面對嘅,因為永遠唔知道隻狗係咪會突然離開,所以要珍惜每日嘅時間,愛要及時。」(圖片來源:單對單)

不抗拒新感情 堅拒再同居

江美儀還帶領芷珊去打坐靜修,她透露之前也是靠打坐走出陰霾:「初初坐坐吓會腳痺、腰骨痛,但只要堅持嘅話,知道目的係乜,好快啲嘢會走開。最好喺戶外打坐,因為可以聞到花香味、草味,搵到嗰刻嘅寧靜。」縱然受過情傷,美儀不排除會再尋覓另一半,只是不會再同居:「有鼻鼾點算?又要重新適應過,好似好煩咁。」

單對單
作為家中長女,江美儀指父親自小便視她如兒子般教育,甚至還幫手搬過冷氣,不過其實江美儀戀愛時還是會渴望成為小鳥依人,只可惜遇不上對的人。(圖片來源:單對單)
江美儀早前在《Mean Talk》中被單立文重提她當年離婚一事,向來表現堅強硬淨的她首次在鏡頭前崩潰痛哭。(圖片來源:無綫影片截圖)
江美儀早前在《Mean Talk》中被單立文重提她當年離婚一事,向來表現堅強硬淨的她首次在鏡頭前崩潰痛哭。(圖片來源:無綫影片截圖)
單對單
眾人見江美儀憶起往事這樣傷心,握手加以安慰。(圖片來源:無綫影片截圖)

單身江美儀螢幕下有狗相伴不寂寞

單身一個過得更瀟灑更健康,差不多個個星期約圈中同道中人行山跑山嘅江美儀唔止自己愛行山,仲影響不少身邊友人行埋一份。日前就身體力行陪女性友人落佐敦一間運動用品專門店選購行山鞋,正所謂工欲善其事,必先利其器呀嘛!唔使開工、私人時間,例牌會見到江美儀一拖二帶埋一對狗仔女Teddy同Tina去行街街,當日Teddy同Tina全程由媽媽孭上身,好幸福囉!

愛狗如命嘅江美儀向來當兩隻貴婦犬親生仔女一樣湊,失婚回復單身之後,更加係去到邊梗見佢帶埋一對狗仔女。
愛狗如命嘅江美儀向來當兩隻貴婦犬親生仔女一樣湊,失婚回復單身之後,更加係去到邊梗見佢帶埋一對狗仔女。
原來好識碇,行山愛好者江美儀帶埋朋友專程去佐敦專門店選購行山鞋。
原來好識碇,行山愛好者江美儀帶埋朋友專程去佐敦專門店選購行山鞋。
Teddy同Tina全程由媽媽孭上身,無論上車落車、行出鬧市定喺商場舖頭之內,都好乖巧完全冇吠過又冇扭過計,抵媽媽錫喎!
Teddy同Tina全程由媽媽孭上身,無論上車落車、行出鬧市定喺商場舖頭之內,都好乖巧完全冇吠過又冇扭過計,抵媽媽錫喎!
買完鞋,見肚餓,江美儀同朋友就地喺街邊小食店拮吓魚蛋燒賣醫肚。
買完鞋,見肚餓,江美儀同朋友就地喺街邊小食店拮吓魚蛋燒賣醫肚。

48歲江美儀進化「喱士儀」 螢幕下有狗相伴不寂寞

回復單身後生活更健康更懂愛錫自己,江美儀個個星期都會約埋友人行山,其中一個好腳就係發哥。
回復單身後生活更健康更懂愛錫自己,江美儀個個星期都會約埋友人行山,其中一個好腳就係發哥。

你又點睇?

更多精選內容