大叔的愛|黃德斌簡慕華再做夫妻 反差萌充滿喜感 太太表示驚喜

大叔的愛|黃德斌簡慕華再做夫妻 反差萌充滿喜感 太太表示驚喜

《大叔的愛》為全新ViuTV原創劇,除了MIRROR成員擔正備受關注,正氣形象深入民心的黃德斌演出充滿喜感亦令觀眾超驚喜!今次黃德斌與簡慕華再度合作,平日勁man的黃德斌對著下屬田一雄(呂爵安飾)時變成初戀少女般,可愛笑容及萌爆表情驚喜度滿分,連黃德斌太太都公開評論!

文:東方新地|圖:《大叔的愛》截圖、黃德斌太太Joyce社交網、簡慕華微博、ViuTV截圖

大叔的愛|黃德斌 萌爆大叔令人耳目一新

58歲黃德斌入行三十多年,在無綫做綠葉多年,06年憑《火舞黃沙》演的宋東陽,大騷健碩身型及粗獷味,令他人氣彈起及入屋,之後演繹都是man爆角色﹗在無綫發展未如理想,黃德斌2017年決心離巢,拍過電影、網劇、劇集等,都是正氣型佬角色居多﹗在《大叔的愛》將他過去形象徹底盡洗,變成萌爆大叔﹗令人耳目一新﹗

黃德斌相約Edan在摩天輪下等,拿住一大被玫瑰花,正在預演送花給田田時的情境,好搞笑﹗(圖片來源:《大叔的愛》截圖)
《大叔的愛》黃德斌相約Edan在摩天輪下等,拿住一大被玫瑰花,正在預演送花給田田時的情境,好搞笑﹗(圖片來源:《大叔的愛》截圖)

大叔的愛|黃德斌首集驚喜示愛

《大叔的愛》播出首集,黃德斌的萌爆大叔好搶fo,外型高大健碩每次出場都西裝骨骨,演活在公司內嚴肅上司的KK角色,對住心愛的田田,黃德斌由表情到肢體動作都變可愛,由man爆的黃德斌演繹,反差特別大,效果令人好驚喜﹗

黃德斌叫下屬Edan加油﹗(圖片來源:《大叔的愛》截圖)
黃德斌叫下屬Edan加油﹗(圖片來源:《大叔的愛》截圖)

大叔黃德斌一秒變少女

黃德斌首集對Edan的噴射式表白,相當出位,黃德斌私下約了Edan到中環摩天輪下等,Edan向上司黃德斌匯報工作詳情,點知手拿著百朶紅玫瑰花的黃德斌突然向他示愛,擘大喉喉可愛大叫:「田田I love You﹗」然後少女心大爆發捉實Edan話:「本來我知我哋冇可能,你睇晒我啲相,我偷影你嗰啲呢,所以我唔想再呃自己,我要同你講清楚﹗對唔住,我一路瞞住你,我有一個結咗婚廿年嘅老婆,我會同佢離婚﹗」然後黃德斌好可愛咁走咗去﹗被告白、飾演田田的Edan呆企原地﹗

黃德斌突然示愛﹗(圖片來源:《大叔的愛》截圖)
黃德斌突然示愛﹗(圖片來源:《大叔的愛》截圖)
黃德斌瞇起眼嘟咀大叫:「田田﹗I Love You﹗」表情勁搞笑﹗(圖片來源:《大叔的愛》截圖)
黃德斌瞇起眼嘟嘴大叫:「田田﹗I Love You﹗」表情勁搞笑﹗(圖片來源:《大叔的愛》截圖)
嚇到Edan措手不及,完全畀唔到反應﹗(圖片來源:《大叔的愛》截圖)
嚇到Edan措手不及,完全畀唔到反應﹗(圖片來源:《大叔的愛》截圖)

《大叔的愛》播出首集,黃德斌與太太Joyce及好友們,食住飯撐場,大家邊收看邊「笑到噴飯」,被黃德斌的喜感大嚇一跳,飯後更爭住同「大叔KK」合照,太太Joyce更為老公宣傳新劇,一班好友留言大讚大叔黃德斌可愛又搞笑,跟本人性格完全不同,反差大到令大家笑到停唔到,留言未見過黃德斌呢啲可愛到暈的表情,連太太Joyce回覆朋友時表示:「連我都未見過呀﹗」一班男性好友更笑言想得到「大叔之吻」,好搞笑﹗

大叔的愛|黃德斌友人:要重新認識佢嘅真面目﹗

大叔的愛|黃德斌反差萌大叔好搶fo 老婆Joyce有嘢講 朋友爭同大叔合照
友人留言(圖片來源:黃德斌太太Joyce社交網)
大叔的愛|黃德斌反差萌大叔好搶fo 老婆Joyce有嘢講 朋友爭同大叔合照
友人留言(圖片來源:黃德斌太太Joyce社交網)
大叔的愛|黃德斌反差萌大叔好搶fo 老婆Joyce有嘢講 朋友爭同大叔合照
友人留言(圖片來源:黃德斌太太Joyce社交網)

大叔的愛|黃德斌 太太Joyce:朋友笑到噴飯

大叔的愛|黃德斌反差萌大叔好搶fo 太太Joyce有嘢講 朋友爭同大叔合照
太大Joyce分享《大叔的愛》首播當晚,兩公婆與友人邊食飯邊睇劇,好友們更爭住同「大叔KK」合照。(圖片來源:黃德斌太太Joyce社交網)
黃德斌和圈外女友Joyce拍拖十六年,18年結婚﹗(圖片來源:Joyce社交網)
黃德斌和圈外女友Joyce拍拖十六年,18年結婚﹗(圖片來源:Joyce社交網)
大叔的愛|黃德斌反差萌大叔好搶fo 太太Joyce有嘢講 朋友爭同大叔合照
太太Joyce回覆友人表示未見過黃德斌呢一面﹗(圖片來源:黃德斌太太Joyce社交網)
大叔的愛|黃德斌反差萌大叔好搶fo 太太Joyce有嘢講 朋友爭同大叔合照
(圖片來源:黃德斌太太Joyce社交網)
(圖片來源:黃德斌太太Joyce社交網)
(圖片來源:黃德斌太太Joyce社交網)

大叔的愛|黃德斌簡慕華再合作 加拿大返港隔離完出關

除了三位男主角外,演出還有陳子豐、徐㴓喬、楊偉倫、練美娟等,而女主角是黃德斌的無綫舊拍檔簡慕華,劇中二人飾演一對夫婦,日版嘅部長夫人黑澤蝶子由大塚寧寧飾演。為了拍攝《大叔的愛》,特意由加拿大返港,並進行廿一日隔離才加入劇組。

大叔的愛 黃德斌 呂爵安
簡慕華17年約滿無綫,嫁人離巢,亦冇再拍劇,相隔三年幾,為了接拍《大叔的愛》,特意由加拿大飛返港開工,與舊拍檔黃德斌再合作當敍舊。(圖片來源:ViuTV截圖)
大叔的愛 黃德斌 呂爵安
簡慕華在劇中因老公黃德斌愛上Edan而提出離婚,打擊好大,接受唔到。(圖片來源:ViuTV截圖)

大叔的愛|簡慕華2017年4月嫁中學同學

港姐出身的簡慕華拍過好多劇集,雖然做閒角,但演出機會不斷,更加是金牌監製戚其義愛將,二人傳緋聞傳足多年,外間一直認定二人係一對。不過原來簡慕華早喺2017年4月做咗人妻,不過老公唔係緋聞男友阿戚,而係圈外人,據知老公係佢嘅中學同學,二人早年在敍會碰頭撻著!

大叔的愛|與呂爵安盧瀚霆大玩三角HeHe戀 黃德斌與簡慕華再做夫妻
簡慕華與她丈夫。(圖片來源:簡慕華微博)
大叔的愛|與呂爵安盧瀚霆大玩三角HeHe戀 黃德斌與簡慕華再做夫妻
簡慕華2017年結婚。(圖片來源:簡慕華微博)

大叔的愛|簡慕華科大畢業 選港姐入行

在科技大學物理系畢業的簡慕華,當時投考空姐做咗一年地勤,於2000年參加港姐,但決賽止步,當年的冠軍是劉慧蘊、亞軍是簡佩堅、季軍是劉嘉慧,拍過好多劇集,多做閒角,直至演出《金枝慾孽貳》同《心戰》等劇做女配角,演技備受讚賞。而去年2月佢拍完無綫劇《超時空男臣》後決定離巢外闖。

大叔的愛|與呂爵安盧瀚霆大玩三角HeHe戀 黃德斌與簡慕華再做夫妻
簡慕華參選香港小姐後入行。(圖片來源:新傅媒資料庫)
大叔的愛|與呂爵安盧瀚霆大玩三角HeHe戀 黃德斌與簡慕華再做夫妻
簡慕華2017年離巢無綫。(圖片來源:新傅媒資料庫)

即聽《大叔的愛》主題曲:

你又點睇?

更多精選內容