中年好聲音2｜安雅希高分晉級技驚全場 新評判張家誠將劉可踢入危險區
劉可唱張學友金曲被踢入危險區 疑不滿張家誠14分栽決即場駁嘴
今個回合最低嘅兩位將被淘汰！劉可選唱張學友原唱嘅《一千個傷心的理由》，呢首紀念昔日「初戀」嘅歌曲，竟然令一路表現出色嘅佢大熱倒灶，直插危險區？！ 五位評判分數最高只有肥媽的17分，新來的「嘉賓評審」張家誠創新低只給予14分，直指劉可有兩個致命傷，其一是「唱歌時諗太多」，說到這裡劉可即時反駁「我無諗嘢呀」，結果評判直指他「有太多計算」，而且表達不到故事感，肥媽雖然給予17分但也認同劉可的初戀沒有慘的感覺，最後於上半場劉可以78分低分留在危險區，賽果出人意料！
張家誠曾為星夢娛樂的御用作曲人，2010年代為TVB創作了不少劇集歌曲。他的著名作品包括鄭融的《紅綠燈》、薛凱琪的《下次下次》，今年就為李克勤創作了《法言人》主題曲。
安雅希獲評判歡心首奪20分滿分 ！
「嘉賓評審」張家誠對另一選手安雅希的演出就大表滿意，甚至給多滿分20分！安雅希在平安夜一晚節目選唱李宗盛原唱嘅《給自己的歌》，歌曲中對家人嘅深情，加上出色嘅唱功，斬獲95分高分，多位評判都讚不絕口！
危險區鄭梓浩自封「被遺忘的歌手」
危險區另一焦點，係現年55歲的鄭梓浩，報稱是營養品直銷商，身為前歌手的他曾在台上說：「我喺四大天王最紅時出道，係一個被遺忘咗嘅歌手。」鄭梓浩雖然年過半百，但靚仔樣和身形保養得宜，現場還有觀眾舉燈牌支持他，張佳添曾大讚：「你嘅音色好靚，同埋你用共鳴唱歌，已經贏咗一半。」
鄭梓浩 1991年簽約新藝寶 欲轉投亞視失敗
曾出道做歌手的鄭梓浩獻唱《特別的愛給特別的你》送給媽媽，他透露1991年簽約新藝寶出道前曾遭爸爸極力反對，幸獲媽媽拍心口幫忙簽約，可惜最終卻因敵不過翻版潮選擇退出：「出道時20歲，正當想出第三隻碟時，翻版嚟得好突然，資源變少咗，加上屋企要移民，惟有硬住頭皮跟住去。」但原來鄭梓浩決定移居紐西蘭前，他與江美儀和袁文傑曾在1996年年底應電視劇監製蕭笙邀請接受試鏡，不過最終只有袁、江二人通過試鏡加入亞洲電視。
鄭梓浩移民紐西蘭21年放下身段菜檔打工 回流重拾夢想
鄭梓浩坦言，28歲時移民紐西蘭後將所有身段都放下：
「第一份工就係喺菜檔打工，開始時係困難，但同屋企人一齊係最開心嘅、一切都係值得，當中都有失落，就係冇得唱歌！」
鄭梓浩不但與家人一同經營西餐、甜品與中菜生意，還因為自己喜歡設計髮型而開設髮廊。同時又會為香港歌手於奧克蘭舉辦的演唱會擔任演唱嘉賓。此前他曾經營清潔公司與任職照片沖曬員。
鄭梓浩為兩個兒子參賽冀望身教追夢
身為兩子之父的梓浩續指希望為兒子做身教，他說：「想話畀佢哋聽，好多人覺得人到中年有好多框框，其實唔係，爸爸呢個年紀仍然堅持自己夢想，希望佢哋都會有自己嘅夢想。」
陳燕娜唱《傷痕》透露媽媽失敗婚姻
獻唱《傷痕》的陳燕娜透露媽媽經歷了兩段失敗婚姻，間接令她不敢投放太多感情在愛情當中，她說：
「雖然我好似好硬朗，但內心其實好脆弱，上年我同老公結咗婚，一齊咗8年半，佢令我相信可以依靠男人，但我覺得有少少對佢唔住，因為到今時今日我都未敢100％投入呢段感情。」
燕娜看到到場支持她的老公後忍不住淚崩，肥媽說：「你雖然表演時想喊想喊咁，但係你Deliver得好好，唱歌時完全投入大家係Feel到嘅。」曾經歷婚姻失敗的肥媽還大拋金句勉勵她：「男人靠得住，豬乸會上樹，但有啲係靠譜嘅。」
《中年好聲音2》第七部曲《十八強故事之歌 年終淘汰賽！》上半場
《中年好聲音2》18強 ｜第七部曲出場名單如下：
-
《特別的愛給特別的你》鄭梓浩
-
《幸運是我》陳蒨葶
-
《傷痕》陳燕娜
-
《一千個傷心的理由》劉可
-
《完全因你》古淖文
-
《至少還有你》王玥
-
《追》梁浩賢
-
《給自己的歌》安雅希
-
《傷追人》朱博文
古淖文唱《完全因你》回憶人生低潮搣甩「撈味」
參加歌唱比賽入行的古淖文獻唱《完全因你》，他自認過去十分自大狂妄：「嗰時參加比賽冇諗過咁多嘢，點知突然紅咗就覺得自己掂喇，自大嘅性格喺嗰時嚴重咗，當時覺得自己好勁，覺得自己係天王巨星，有個心態係覺得點解人哋會紅過我，明明我都可以上到一線或二線，點解我仲喺度徘徊緊？」
去到2019年，淖文直言是他人生最低潮一年，幸好有一位好友將他從谷底拉出來，他說：
「人未去到絕望時唔會反思，好開心有呢段挫敗令我有機會去反思，只要今日嘅我好過尋日嘅我少少，我就滿足喇！」
感性的淖文獻唱完畢後失聲痛哭，相當感觸，伍仲衡說：
「你今日搣甩咗撈嘢味，開始有一種真摯出嚟，繼續努力，你係我睇到其中一位進步緊嘅。」
