家族榮耀之繼承者｜Apple劉芷希勒索Dada兩集玩完
《家族榮耀之繼承者》「500萬Apple」 是誰？
在本周佔戲頗重的 Apple，由馬來西亞籍女演員、主持兼模特兒劉芷希飾演，曾為無綫合約藝人的 劉芷希，曾演出劇集《逆天奇案》、《黃金有罪》、《降魔的 2.0》等。擁有一雙大眼睛的 劉芷希 更是「選美強人」，曾獲《馬來西亞國際模特兒大賽》冠軍、在《中華小姐環球大賽》連擸亞軍（東南亞賽區）、「完美體態小姐」及「最高貴氣質小姐」三個殊榮，同時亦是《香港珠寶小姐 2017》冠軍。
劉芷希與 Dada 對戲感到壓力
近年已返回馬拉的 劉芷希，除繼承父親中藥批發生意，還有兼任營養師及模特兒導師，但由於對演戲有濃厚興趣，偶爾還有參與劇集及網劇拍攝。問到今次為何接演《繼承者》，劉芷希 透露由於自己是曾於香港發展演藝事業的馬來西亞人，碰巧今次是香港劇集在馬來西亞取景拍攝，對她來說別具意義。她續指由於返回馬來西亞後對演藝事業發展感到迷失，一度因情緒問題增磅不少，故對於要與體態甚弗的 Dada 演對手戲倍感壓力，她說：「因為自己都好耐冇拍劇，所以一來要好努力咁做功課，不斷錄低自己練習時嘅表情加以 fine tune，另外都有好努力減肥。第一、兩集都覺得自己塊臉好圓，後尾拍拍吓漸入佳境，都好開心。」
- （圖片來源：TVB）
陳靜感激劇組為演員貼心安排健康餐
談到與安安姐「激戰」連場，Dada 坦言會緊張：「會擔心影響到對手，但安安姐好專業，我哋事前有充足溝通，佢同我分享咗好多經驗，同埋叫我要放心，話最緊要出嚟效果好。」除了過足戲癮，Dada 劇中亦過足靚衫癮，單是昨晚一集已先後以可愛公主露腰 Look、泳裝、及瑜伽褲居家服等不同造型亮相，將美好身段展露無遺，尤其蛇腰更是吸睛。問到 Keep 弗心得，Dada 即大讚劇集提供的健康餐大有幫助：「我盡量希望有好嘅狀態拍攝，雖然喺馬拉拍嘢好多好嘢食，但我每日、就算開工都 Keep 住做運動，Keep 住體力同體能，同埋盡量戒油鹽糖。劇組好好，佢哋有健康餐（提供），都係我平時食開嘅嘢嚟，有菜有雞蛋同好好嘅澱粉，唔會有油鹽，伙食好好，都幫到我唔少去保持個狀態。」
（圖片來源：TVB）
