岑杏賢被朱千雪踢爆嫁金融才俊 32歲生日晒鑽戒
岑杏賢告別上一段戀情已經四年,前度袁偉豪同張寶兒已經訂婚,條件好到加零一嘅岑杏賢亦與加拿大籍香港人Kelvin拍拖,今日32歲生日的岑杏賢,被好姊妹朱千雪、湯洛雯等人踢爆將嫁人,仲在生日P上晒巨鑽戒,幸福無比!
撰文:東方新地 圖片:東方新地、岑杏賢、朱千雪、湯洛雯IG
岑杏賢唔想認 豬姊妹玩踢爆
岑杏賢其實昨日曾接受報章訪問,被問到婚期,她甜笑謂:「暫時未喎,順其自然啦」怎知轉個頭,被好姊妹朱千雪、湯洛雯等豬隊友「出賣」,其實岑杏賢和朱千雪、湯洛雯、蔣家旻和張嘉兒一直是圈中閨密,昨日為岑杏賢舉行生日P時,興奮爆出岑杏賢要嫁人了!

