廉政狙擊｜55歲黃智賢演反派獲讚好戲夫婦恩愛30年西貢愛巢曝光

Mar 7 2023

55歲黃智賢（Ben）捱足34年電視台生涯，由兒童節目組主持《閃電傳真機》做起，近日在《廉政狙擊》擔正做冷血貪污大奸角，演出有迫力，獲觀眾讚好，事業穩打穩紮的黃智賢，感情方面亦都一樣細水長流，他與任職OL嘅太太，拍拖14年，結婚19年，恩愛超過足30年，常被影到就係陪太太拍拖行⋯⋯

黃智賢《廉政狙擊》演卓廷光每日花兩小時造型

黃智賢今次在《廉政狙擊》飾演胡定欣的死對頭，更是所有案件的終極黑手，今次角色比之前《潛行狙擊》的「辣薑」更沉穩、戲份更重，單以簡單數句對白及別具張力的眼神，已將氣氛推向緊張，網民讚愈來愈有戲之餘，又指難得奸險的 Ben「奸得嚟有型有款」。

刻意減肥增添霸氣對羅霖態度親切有伏線

談到角色入屋，Ben 謙稱要多謝導演 KK 與阿水的信任：「造型時已經同佢哋溝通定，傾吓點塑造角色，可以邊度加啲減啲，都傾咗好多計。」阿 Ben 又透露為了配合角色髮型刻意減肥：「初初試造型時，樂小姐同造型師想我有啲白頭髮，但就想我長頭髮。當時我就諗既然係咁不如剪短晒佢，但咁樣塊臉一肥就好覺，所以要減吓。造型出咗嚟大家都鍾意，感謝造型師每次開工都花兩小時幫我整頭同化妝。」

廉政狙擊黃智賢「⋯⋯我對羅霖一個態度，對兩個仔態度又唔同，咁會令到角色立體啲。反派人物要畀到壓力出嚟，場戲先至成立。」 — 「⋯⋯我對羅霖一個態度，對兩個仔態度又唔同，咁會令到角色立體啲。反派人物要畀到壓力出嚟，場戲先至成立。」（圖片來源：廉政狙擊）

設計角色沒刻意定忠奸角色下場受關注

Ben 續指沒有刻意為角色定忠奸，最重要是有血有肉：「所以我對羅霖一個態度，對兩個仔態度又唔同，咁會令到角色立體啲。反派人物要畀到壓力出嚟，場戲先至成立，所以呢方面我有去思考點做。」全劇27集的《廉政狙擊》，黃智賢將於第26集與胡定欣飾演的屠敏對峙，最終在爆炸塌樓中重傷；然後於第27集在監獄裏逝世，不過臨死前始終毫無悔意。

廉政狙擊黃智賢《雷霆掃毒》潘學禮的經典對白。 — 《雷霆掃毒》潘學禮的經典對白。（圖片來源：《雷霆掃毒》劇照）

廉政狙擊黃智賢 2011年《潛行狙擊》在法庭作供的對白。 — 2011年《潛行狙擊》在法庭作供的對白。（圖片來源：《潛行狙擊》）

廉政狙擊黃智賢 43歲的吳卓羲有個55歲的黃智賢做養父，Ben為角色造型下了不少苦工。 — 43歲的吳卓羲有個55歲的黃智賢做養父，Ben為角色造型下了不少苦工。（圖片來源：廉政狙擊）

《廉政狙擊》第12集是阿 Ben 的「晒冷之夜」，除與傅嘉莉緊張對峙，他被扣查後在盤問室與韋 Sir（王浩信飾）的「互拋浪頭」亦相當精彩；為了掩飾罪行，Ben 飾演的卓廷光全程否認指控，但其間幾個微表情卻能清楚看到其暗藏內心的動搖及不安，演技有層次；為貫徹驕傲人設，黃智賢強辯同時亦不忘表達對韋 Sir 的藐視及玩弄，令簡單一個盤問場口煞是緊湊。

與羅霖相隔27年再合作

除了演技，Ben 與羅霖繼《真情》後相隔 27 年再度合作亦是焦點所在。今次二人升呢飾演默契十足上流社會夫妻，表面看似一軟一硬，但實質羅霖角色的內心並不是表面中的簡單，在今個星期尾更會展現驚人「賢內助」功力，協助 Ben「斬除禍根」，萬勿錯過。

廉政狙擊黃智賢 1999年拍攝《真情》，飾演容向海阿海）一角，深入民心，「阿海」一名亦成為其暱稱；但「雙雙」羅霖婚後，因其當時丈夫壓力逼於退出劇組，《真情》劇情變得虎頭蛇尾，就連結局也不讓她「埋尾」 — 1999年拍攝《真情》，飾演容向海（阿海）一角，深入民心，「阿海」一名亦成為其暱稱；但「雙雙」羅霖婚後，因其當時丈夫壓力逼於退出劇組，《真情》劇情變得虎頭蛇尾，就連結局也不讓她「埋尾」（圖片來源：TVB）

廉政狙擊黃智賢黃智賢今次並不是首次做奸角，但戲份絕對比之前吃重，極有代表性。 — 黃智賢今次並不是首次做奸角，但戲份絕對比之前吃重，極有代表性。（圖片來源：廉政狙擊）

黃智賢夫婦恩愛30年

兩公婆有共識唔生 B，不過就養咗三隻寶貝狗狗當正親生仔女一樣錫到燶，早前就見黃智賢拖住太太現身寵物店林立嘅勝利道玩吓狗 B 又睇吓用品，幫狗寶寶添置玩具零食之餘又順手二人世界拍吓拖。同黃智賢年紀相若，年近半百太太化行妝、身穿黑色緊身短裙，樣靚身材又惹火，原來都係美魔女嚟喎！

廉政狙擊黃智賢拍拖加結婚同行將近三十年，黃智賢與太太恩愛如昔，十指緊扣拖到實，黃太愛打扮又保養得宜，點睇都唔似年近半百。 — 拍拖加結婚同行將近三十年，黃智賢與太太恩愛如昔，十指緊扣拖到實，黃太愛打扮又保養得宜，點睇都唔似年近半百。

廉政狙擊黃智賢兩公婆都係愛狗之人，間間舖頭都唔放過，見到貓狗輪流抱上身。 — 兩公婆都係愛狗之人，間間舖頭都唔放過，見到貓狗輪流抱上身。

廉政狙擊黃智賢勝利道寵物店林立，玩吓BB 狗、睇吓新款玩具零食，話咁快打發咗半日時間。 — 勝利道寵物店林立，玩吓BB 狗、睇吓新款玩具零食，話咁快打發咗半日時間。

為愛妻將村屋打造成度假屋

雖知生 B 責任重大，自稱性格唔啱做父母，但睇黃智賢同太太日日攬住三隻狗狗樂也融融其實又照顧得毛孩子妥妥貼貼，屋企冇小朋友雜物少又易打理，所以西貢大屋睇落都特別乾淨特別闊落！講起呢間屋，係黃智賢去年為太太豪擲895萬購入，現市值近千萬！由於兩夫婦崇尚簡約，加上老婆 Maggie 又係畫家，憑佢嘅藝術觸覺，將村屋打造成度假屋，令全屋充滿歐陸風情！