撻出愛火花|張新悅中西區2,000呎豪宅曝光 四女之母:想關係好要日日見

撻出愛火花|張新悅中西區2,000呎豪宅曝光 四女之母:想關係好要日日見

張新悅1999年出道,畢業於香港大學法律系的她,曾出過唱片、拍過電影及電視劇。現年45歲的張新悅,曾與音樂人雷頌德拍拖,2004年分手。曾言覺得自己性格不適合娛樂圈的張新悅,2007年與前立法會議員,現任山頂區區議員楊哲安結婚,其後冠夫姓,改名為楊張新悅,並宣佈徹底告別幕前。張新悅現時育有四個女兒,一家六口好不熱鬧,四個女分別係11歲 Lucy、10歲 Lily、6歲 Leah 同2歲 Lola,婚後息影安心相夫教女。

撰文、圖片:東方新地、張新悅IG圖片

張新悅唯一一次做女一 無綫凌晨重播《撻出愛火花》

張新悅曾為前無綫藝人,唯一一次擔正做女一的劇集為《撻出愛火花》,近日翡翠台凌晨時段重播此劇。《撻出愛火花》以柔道為主題,男主角是當年只得18歲的謝霆鋒,而女主角就是張新悅。張新悅近日更在IG上載新穿柔道袍的影片,背影播放著《撻出愛火花》,她更重演當年經典場面,獲不少網民大讚她凍齡外表!

張新悅上載了一條身穿柔道袍的影片,重演《撻出愛火花》經典場面。(圖片來源:張新悅IG)
張新悅上載了一條身穿柔道袍的影片,重演《撻出愛火花》經典場面。(圖片來源:張新悅IG)
謝霆鋒唯一主演TVB劇、專出女神《四葉草》系列 盤點運動題材青春劇
當年是謝霆鋒指定要初入行不久的張新悅飾演《撻出愛火花》女主角,這也是她唯一一套擔正做女一的無綫劇。(圖片來源:新傳媒資料庫)

張新悅分享13年來保持恩愛秘訣:關係好要日日見

嫁作人妻、又係四個千金嘅媽媽,張新悅經常分享自己一個湊四個為人母心得,以及同丈夫結婚13年來保持恩愛嘅秘密。雖然一樣有讀書進修、一樣有社交生活又間中出席公開活動,張新悅都係話想關係好一定要日日見,所以工作、朋友排名永遠唔及老公、女兒同家人:「 我知道好多人成日擺低老公做自己嘢,我唔係,啲姊妹都話約我食飯起碼要約兩個月,因為我一定要同先生食飯、同小朋友食飯、同老爺奶奶食飯、仲要同自己屋企人食飯,因為維持好關係就係要成日見㗎嘛!」

07年結婚後就話老公楊哲安鍾意大家庭,所以一口氣生咗三個女,18年又因為意外第四個女 Lola 出世,一家六口年年實會在家中精心布置聖誕裝飾,然後影張大合照。
07年結婚後就話老公楊哲安鍾意大家庭,所以一口氣生咗三個女,18年又因為意外第四個女 Lola 出世,一家六口年年實會在家中精心布置聖誕裝飾,然後影張大合照。(圖片來源:新傳媒資料庫)
老公同老爺都係政商界名人實力雄厚,張新悅位於中西區嘅大宅亦屬於老牌豪宅間隔,隨意取景影張靚相,都見到陳設氣派地方又闊落。
老公同老爺都係政商界名人實力雄厚,張新悅位於中西區嘅大宅亦屬於老牌豪宅間隔,隨意取景影張靚相,都見到陳設氣派地方又闊落。(圖片來源:新傳媒資料庫)
楊太雖然淡出幕前,不過不時仍以名媛身份出席活動、分享時裝心得,一身裝束同家中呢個古色古香嘅偏廳都襯到十足。
楊太雖然淡出幕前,不過不時仍以名媛身份出席活動、分享時裝心得,一身裝束同家中呢個古色古香嘅偏廳都襯到十足。(圖片來源:新傳媒資料庫)
四姊妹感情要好經常一齊玩,背後的書架井井有條,放滿兒童書籍。
四姊妹感情要好經常一齊玩,背後的書架井井有條,放滿兒童書籍。(圖片來源:新傳媒資料庫)
婚後相夫教女忙得幸福,張新悅亦經常分享教女點滴,指冇嘢比陪伴更重要。母女四人一齊包雲吞,可見老式豪宅的標準廚房又大又四正。
婚後相夫教女忙得幸福,張新悅亦經常分享教女點滴,指冇嘢比陪伴更重要。母女四人一齊包雲吞,可見老式豪宅的標準廚房又大又四正。(圖片來源:新傳媒資料庫)

張新悅中西區2,000呎老式豪宅曝光 一家六口溫馨綠色家居

唔係得把口,睇楊太個人 IG 的確係九成內容都係四個女同一家六口家庭樂,好多相仲係喺自家大宅內拍攝。老爺楊孝華係自由黨成員、做過國泰高層亦有經商,家境富裕,老公楊哲安亦同樣係自由黨成員、英國牛津大學畢業,又係倫敦政治經濟學院理學碩士,身為中西區山頂選區區議員,屋企當然都係位於老牌豪宅林立嘅中西區,家中間隔四正闊落、面對南區優美景致,又有老式豪宅必備超大露台,目測起碼二千呎,就算有四個女都一定夠住有餘!

經常上鏡的楊家大廳,布置簡潔中見氣派,全屋色調以白色為主,配合木製傢俬,有品味又顯貴氣。
經常上鏡的楊家大廳,布置簡潔中見氣派,全屋色調以白色為主,配合木製傢俬,有品味又顯貴氣。(圖片來源:新傳媒資料庫)
母女不時喺大露台野餐,享受親子時間。
母女不時喺大露台野餐,享受親子時間。(圖片來源:新傳媒資料庫)
楊太在家中每個角落都放置了不少盆栽點綴,綠化家居。
楊太在家中每個角落都放置了不少盆栽點綴,綠化家居。(圖片來源:新傳媒資料庫)
11歲大女同10歲二女人仔細細,已經一人一部蘋果電腦仲有專屬學習區,令人羨慕。
11歲大女同10歲二女人仔細細,已經一人一部蘋果電腦仲有專屬學習區,令人羨慕。(圖片來源:新傳媒資料庫)
地方多多,不過兩個大女都係瞓碌架床分享一間房,有姊妹就會懂呢種一齊成長嘅感情,最穩固最友愛。
地方多多,不過兩個大女都係瞓碌架床分享一間房,有姊妹就會懂呢種一齊成長嘅感情,最穩固最友愛。(圖片來源:新傳媒資料庫)
老牌豪宅必備巨型露台,望出去係南區恬靜優美山景,配套同氣派唔係近年所謂「豪宅」可比。
老牌豪宅必備巨型露台,望出去係南區恬靜優美山景,配套同氣派唔係近年所謂「豪宅」可比。(圖片來源:新傳媒資料庫)

你又點睇?

更多精選內容