36歲張韋怡入行12年未能上位  奉子成婚做少奶千呎豪宅曝光

36歲張韋怡入行12年未能上位 奉子成婚做少奶千呎豪宅曝光

戲如人生,有陣時又未必人生如戲。好似張韋怡咁,入行十二年一直做妹仔、師奶、sales 妹、護士仔等四線角色,演藝事業未有長進過,不過現實中晨早身家已經暴漲何止十倍!

撰文、圖片:東方新地

張韋怡奉子成婚做少奶

張韋怡由早年初入行住幾百呎旺角蝸居,到帶埋父母搬去九龍城千呎唐樓,至14年奉子成婚嫁畀經營家族生意嘅 Michael Poon 後,即刻飛上枝頭,由九龍城搬到九龍塘,講緊屋企已經有八千呎面積、五層樓連私家𨋢、養住五個工人加兩個司機加一個看護,生活豪過晒全台當家花旦!

2014年同闊少Michael Poon奉子成婚,飛上枝頭嘅張韋怡盡享少奶奶生活。
2014年同闊少Michael Poon奉子成婚,飛上枝頭嘅張韋怡盡享少奶奶生活。
做女嗰陣時已經養咗兩隻寶貝哥基,如今愛犬剩番一隻又年事已高,搬咗新屋都見張韋怡成日攬住愛犬。
做女嗰陣時已經養咗兩隻寶貝哥基,如今愛犬剩番一隻又年事已高,搬咗
新屋都見張韋怡成日攬住愛犬。
對住維港靚景再晒埋新手袋同兩大疊現金,潘太自稱呢個係旺財風水陣,又意有所指話錢係向世界搵,不是覬覦家財不是刻薄家人喎。
對住維港靚景再晒埋新手袋同兩大疊現金,潘太自稱呢個係旺財風水陣,又意有所指話錢係向世界搵,不是覬覦家財不是刻薄家人喎。
闊太一年拍兩劇賺錢買花戴,平時就畫吓畫洗滌吓心靈。
闊太一年拍兩劇賺錢買花戴,平時就畫吓畫洗滌吓心靈。

懶理姑仔陰毒 入住千呎豪宅

去年中同姑仔喺社交平台互相數臭,張韋怡鬧姑仔險毒又無聊,姑仔就話張韋怡貪錢心地差,好彩最後都有老公支持呵番,張韋怡繼續晒錶晒袋晒恩愛,住厭咗九龍塘八千呎巨宅最近仲搬埋屋轉吓新環境。今次冇私家𨋢冇幾層樓,實用空間睇落都細咗,不過又雲石又假天花又有貴價傢俬,酒店式裝修絕對落重本,重點係居高臨下落地玻璃對住個無敵維港靚海景,呢樣嘢又的確係八千呎九龍塘巨宅畀唔到佢!

廚房一角用料講究,不過重點都係老公下廚錫到燶,證明同姑仔一場口水罵戰自己至係贏家。
廚房一角用料講究,不過重點都係老公下廚錫到燶,證明同姑仔一場口水罵戰自己至係贏家。
十一月已經開始布置緊聖誕,個廳大到聖誕樹都要擺兩棵,不過再多布置都被無敵夜景搶晒focus。
十一月已經開始布置緊聖誕,個廳大到聖誕樹都要擺兩棵,不過再多布置都被無敵夜景搶晒focus。
大廳景致無敵,潘太仲好有心思整埋超大軟墊窗台,閒時孖囝囝一齊歎靚景。
大廳景致無敵,潘太仲好有心思整埋超大軟墊窗台,閒時孖囝囝一齊歎靚景。
超長餐枱夠氣派,可招呼十幾廿位朋友齊齊開餐。
超長餐枱夠氣派,可招呼十幾廿位朋友齊齊開餐。
囝囝 Ashton 剛剛喺新屋過其六歲生日,張韋怡好感慨,話囝囝五歲呢一年,媽媽被人攻擊、又血崩流產差點喪命。
囝囝 Ashton 剛剛喺新屋過其六歲生日,張韋怡好感慨,話囝囝五歲呢一年,媽媽被人攻擊、又血崩流產差點喪命。
睡房豪裝到好似五星級酒店一樣,兩母子由廳玩到入房,又由房玩到出廳。
睡房豪裝到好似五星級酒店一樣,兩母子由廳玩到入房,又由房玩到出廳。
雖然新屋唔夠舊宅面積大,不過女主人嘅專屬衣帽間當然唔少得。
雖然新屋唔夠舊宅面積大,不過女主人嘅專屬衣帽間當然唔少得。
財力雄厚屋企又夠大,無論舊宅定新屋,女主人經常呼朋喚友上嚟開 P,仲會喺屋企 high tea。
財力雄厚屋企又夠大,無論舊宅定新屋,女主人經常呼朋喚友上嚟開 P,仲會喺屋企 high tea。

更多精選內容