童星出身配音員張預東爆離TVB原因:太多口號講起都反胃

童星出身配音員張預東爆離TVB原因:太多口號講起都反胃

曾做過TVB童星兼配音員的「東東」張預東(前名張裕東)早前忽然裸辭離開TVB,日前他在其個人YouTube頻道上自爆其離巢原因,指TVB不肯聽取觀眾意見,甚至要同觀眾對抗,令好多觀眾只要見到TVB個LOGO都會想嘔,甚至想熄電視、轉台等,又大呻這幾年間他講了很多不想講出口的口號,譬如「全港第一」、「領先全球」等,仲有最難聽的一句,令他講起都覺得反胃!

文:東方新地|圖:新傳媒圖片庫、張預東FB圖片及YouTube影片截圖

張預東:我同TVB嘅目標觀眾係兩批人

現年32歲的「東東」張預東(前名張裕東)曾在90年代TVB兒童節目《閃電傳真機》及2000年兒童節目《至NET小人類》做過小主持,又曾在1998年TVB劇集《烈火雄心》中扮演消防總隊目兒子,以及在1999年劇集《雙面伊人》中飾演曹永廉角色的童年版。

「東東」張預東小時候曾在TVB兒童節目《閃電傳真機》及《至NET小人類》擔任小主持。
「東東」張預東小時候曾在TVB兒童節目《閃電傳真機》及《至NET小人類》擔任小主持。

小時候的張預東更參演過《賭神3之少年賭神》及《風雲雄霸天下》等電影,飾演過主角黎明及郭富城的童年版。

東東曾飾演過1998年電影《風雲雄霸天下》中郭富城角色「步驚雲」的童年版。
東東曾飾演過1998年電影《風雲雄霸天下》中郭富城角色「步驚雲」的童年版。
網友都對東東在電影中的演出記憶猶新。
網友都對東東在電影中的演出記憶猶新。

1995年張預東開始兼任自由身配音員,到2004年他曾離開TVB,2008年1月又重返無綫並正式轉往配音組,直至2021年1月7日他決定裸辭再次離開TVB。

近年東東主要為日本動畫及日、韓、內地劇的粵語版配音。
近年東東主要為日本動畫及日、韓、內地劇的粵語版配音。

張預東直言自己5、6歲時第一次跟TVB簽約,斷斷續續已合作22年,他表示離開原因係「死心」,他說:「呢間公司好多想法同做法,同我好唔一致,咁我一個人係改變唔到咁大間公司,但TVB亦改變唔到我。我想同TVB入面嘅人講,我想同舊同事講,你哋冇錯,係啲高層錯。我想同啲高層講,你哋好錯,做好多嘢都係好錯!」

東東曾聲演過韓劇《來自星星的你》粵語版「都敏俊」一角,及電影《反斗奇兵》玩具主人「Andy」。
東東曾聲演過韓劇《來自星星的你》粵語版「都敏俊」一角,及電影《反斗奇兵》玩具主人「Andy」。

張預東日前在其個人YouTube頻道上述說自己離巢原因,他表示:「離開工作咗22年嘅公司,係好難下決定。朋友問我會唔會後悔? 我話唔會,試吓掉番轉諗吖,就係已經做咗22年,仲唔走等幾時?係咪?」

東東直言離開工作咗22年嘅公司,係好難下決定。
東東直言離開工作咗22年嘅公司,係好難下決定。

張預東在影片中直指TVB不肯聽取觀眾意見,甚至要同觀眾對抗,因此無論個表演有幾高質素、「揼」幾多製作費,也令觀眾只要見到TVB個LOGO都會想嘔,甚至想熄電視、轉台等,因此浪費了好多演出者的心機。

東東直指有觀眾只要見到TVB個LOGO都會想嘔,甚至想熄電視、轉台。
東東直指有觀眾只要見到TVB個LOGO都會想嘔,甚至想熄電視、轉台。

張預東表示公道些講TVB係有觀眾,但其目標觀眾和他自己的目標觀眾係兩批人,他說:「我根本就唔想為呢批人表演,我做咩要表演畀佢哋睇呢!咁辛苦,所以我咪走囉!但如果你仍然咁鍾意睇TVB,我尊重你,你覺得佢好睇你咪繼續睇佢囉。」

東東表示佢同TVB嘅目標觀眾係兩批人。
東東表示佢同TVB嘅目標觀眾係兩批人。

最難聽嘅口號係「帶領樂壇」

張預東又大呻:「呢幾年我講咗好多唔想講嘅對白,譬如『全港第一』、『領先全球』,仲有最難聽呢句、我真係覺得嘔心嘅係『帶領樂壇』,講起我都覺得想反胃!」

東東話自己喺TVB講過最難聽嘅口號係「帶領樂壇」。
東東話自己喺TVB講過最難聽嘅口號係「帶領樂壇」。

張預東憶述以前做TVB好威風,個個朋友都求他帶入電視城參觀和影相留念,最多是問他攞《獎門人》和《勁歌金曲》等節目的門票。

東東話以前做TVB係有過威風嘅時候。
東東話以前做TVB係有過威風嘅時候。

張預東直言在他走之前那幾年,TVB好多人都在考慮轉工,包括高層,他說:「以前的高層會同前線嘅演員、配音員、導演、製作組等打成一片,譬如以前喺清水灣電視城嘅Canteen,我哋稱呼為『舊Can』嘅一個邵氏中餐廳,可以飲啤酒,5、6點去食飯時會見到一班人喺嗰度飲酒、食煙、吹水,當中都有啲『大佬』喺度,佢哋都願意落嚟同啲員工一齊玩、一齊吹水。」

又話以前TVB嘅高層係會同低層嘅員工打成一片,但依家已經冇呢支歌仔唱。
又話以前TVB嘅高層係會同低層嘅員工打成一片,但依家已經冇呢支歌仔唱。

張預東續說:「本來我嘅配音事業都發展得幾唔錯,我隸屬嘅department最大粒嗰個應該都知道有我呢個人,但佢從來冇話同我哋溝通吓,呢樣嘢好緊要,做管理要知道下面前線嘅人面對緊咩情況、有咩唔開心、有咩可以改善。」

有網民對東東以後嘅發展給予意見,東東話會努力堅持,唔介意由零開始。
有網民對東東以後嘅發展給予意見,東東話會努力堅持,唔介意由零開始。
東東又回覆網民話因為版權問題,暫時唔會有新配音作品。
東東又回覆網民話因為版權問題,暫時唔會有新配音作品。

張預東又在另一段影片中透露他當年成為小童星的經過,他說:「本來想參加電視台兒童節目其中一個遊戲環節,點知一做就做咗咁多年。好彩~當年做童星收入算幾好,可以幫補吓家計。你地會唔會都諗過做童星或者俾自己小朋友做童星?」

東東(右二)話當年在兒童節目做小主持收入算幾好,可以幫補吓家計。
東東(右二)話當年在兒童節目做小主持收入算幾好,可以幫補吓家計。

另外張預東在社交網提到搵曾志偉、王祖藍做高層一事,他笑言:「TVB真係換咗高層。但係曾志偉王祖藍升做高層有咩好睇?李寶安余詠珊樂易玲下凡做藝人就好睇好笑喇~我笑定先,thx。」

東東指升曾志偉同王祖藍做TVB高層冇咩好睇。
東東指升曾志偉同王祖藍做TVB高層冇咩好睇。
仲建議TVB搵李寶安、余詠珊同樂易玲三位高層下凡做藝人!
仲建議TVB搵李寶安、余詠珊同樂易玲三位高層下凡做藝人!

你又點睇?

更多精選內容