換命真相|40歲張頴康否認向TVB發「最後通牒」要做男主角:2010已經離開過一次

換命真相|40歲張頴康否認向TVB發「最後通牒」要做男主角:2010已經離開過一次

娛樂

有說男人四十而不惑,對於12月就踏入40歲的張頴康來說,是個很大的關口,因他對自己的期望很大,一直為入行多年都未能做到男一而耿耿於懷。早前接受商台節目訪問時透露渴望做「男一」,並且為目標設時限,不過對於媒體形容他向TVB發「最後通牒」,張頴康並不認同,更在劇集結局播放前撰寫長文作出澄清⋯⋯

撰文:東方新地 圖片:無綫影片截圖、無綫新聞娛樂台影片截圖、[email protected]

《換命真相》張頴康演技再獲肯定 等得唔耐煩

加入無綫已15年的張頴康,由配角捱到做第二男主角,等了多年都上唔到男一,早前他上商台節目時已透露渴望做男一,並為自己設了時限,當時他更敢言「再等不到就會離開」。

張頴康對入行多年未能做男一有微言。(圖片來源:無綫新聞娛樂台影片截圖)
張頴康對入行多年未能做男一有微言。(圖片來源:無綫新聞娛樂台影片截圖)
張頴康上月上商台節目接受訪問不諱言會離巢外闖。(圖片來源:商台1圈圈影片截圖)
張頴康上月上商台節目接受訪問不諱言會離巢外闖。(圖片來源:商台1圈圈影片截圖)

張頴康:「可能會出去行個圈」

近年張頴康機會不少,但始終都是男二角色,未能突破自己更上一層樓,下月便踏入40歲的張頴康,現身無綫台慶劇《換命真相》宣傳造勢活動時,再次表示壓力愈來愈大,他認為一個男演員,40至50歲這段時間是黃金時期,所以他曾對公司講,如果一線演員唔得閒,可以搵他頂上,但如果去到某個時刻都等唔到,他就會選擇離開。張頴康不諱言到時可能會「出去行個圈」。

張頴康出席新劇《換命真相》宣傳活動,表示唔怕得罪無綫。(圖片來源:無綫新聞娛樂台影片截圖)
張頴康出席新劇《換命真相》宣傳活動,表示唔怕得罪無綫。(圖片來源:無綫新聞娛樂台影片截圖)
張頴康在新劇《換命真相》中表現未能有突破。(圖片來源:《換命真相》劇照)
張頴康在新劇《換命真相》中表現未能有突破。(圖片來源:《換命真相》劇照)

心態正面 唔驚得罪無綫

張頴康這番「做唔到男一就走」的言論,被媒體演繹成給TVB的「最後通牒」,對於有沒有擔心因此得罪無綫,張頴康接受傳媒方問時直言冇有怕,仲話如果到最後都係做唔到男一,就唔怕得罪,他覺得成件事係好正面:「唔係話你唔畀我做男一,我就走咁嘅意思,我係話我想有咁嘅希望啫!」張頴康表示當年加入無綫目標已經是男一,可惜事與願違。

張頴康上月再添丁,一家五口非常幸福,他與老婆麥雅緻不時在社交網放閃。(圖片來源:IG@cheungwinghong)
張頴康上月再添丁,一家五口非常幸福,他與老婆麥雅緻不時在社交網放閃。(圖片來源:[email protected]

撰文澄清 唔係想打尖

對於媒體形容也要向公司發出「最後通牒」,張穎康表示不認同,更透過自己的平台撰文作出澄清:

最近喺訪問中講咗關於自己仍然排緊隊等機會做男一,但係「被解讀」為,用離開TVB嚟威脅公司俾男一我做!我真真正正感受到,就算幾正面去回答問題,只要一個「標題」,就可以將一件正面嘅事,立即變成負面,而且仲要繼續發酵!

老實講,問到我嘅志願,我作為一個鐘意演戲嘅演員,當然係話做男一啦!唔通話做男七咩?我想做男一呢個志願,一直以來無變過!當日我老婆亦因為我有呢個上進心,信任我,先嫁俾我!如果我當時同佢講,我想繼續安份守己咁去做男十七,今日,都唔會有3個小朋友出現!亦等於你問一個文員,你目標想做乜嘢?如果佢答你,我想一世做文員。試問你係老闆,你會唔會想升佢呢?

一直以來,我為自己嘅目標安分守己去排隊,從來冇做過任何打尖嘅行為,對得住天地良心!
講到我要離開公司咁⋯ 但其實2010年我已經離開過一次,真係有必要小題大做嗎? 更何況,如果話離開公司就即刻有男一做,之前就唔會有咁多演員離開啦!

其實我只係想做一個好演員!我真係好想憑我嘅演出去感染每一個人!我只係好想做到呢一點!簡單講出追夢嘅心願,但被斷章取義地曲解!

張穎康透過自己的平台撰文澄清,唔係要打尖做男一,只是想強調做男一的志願無變過。(圖片來源:FB@張頴康 麥雅緻)
張穎康透過自己的平台撰文澄清,唔係要打尖做男一,只是想強調做男一的志願無變過。(圖片來源:[email protected]張頴康 麥雅緻)
張頴康在無綫算是多產小生,單是今年已有4套劇出街,早前拍完《痞子殿下》,即將開拍的《法言人》,男一是馬國明,張穎康依然是男二。(圖片來源:IG@cheungwinghong)
張頴康在無綫算是多產小生,單是今年已有4套劇出街,早前拍完《痞子殿下》,即將開拍的《法言人》,男一是馬國明,張頴康依然是男二。(圖片來源:[email protected]

2016年馬國奪獎 淚眼多謝太太

16年舉行的《TVB馬來西亞星光薈萃頒獎典禮2016》,張頴康勇奪飛躍進步男藝員獎,從未獲獎受認同的張穎康在台上激動爆喊,對太太麥雅緻的愛的宣言更是賺人熱淚!更難得的是,張頴康是個飲水思源的人,對於有今日的成績,他向本刊記者說:「冇華哥就冇我!真係好感激佢。」所指的華哥,就係當年發掘佢的劉德華!當晚張頴康上到台眼淚已經奪眶而出,致辭時更多次哽咽:「十六年啦!我咁多年都有得睇冇得去頒獎禮,今年係第一年嚟!多謝無綫高層同馬國嘅觀眾。」

張頴康發最後通牒 唔怕得罪無綫 預告做唔到男一選擇離巢
5年前張頴康第一次獲獎!(圖片來源:無綫影片截圖)
張頴康發最後通牒 唔怕得罪無綫 預告做唔到男一選擇離巢
張頴康的感言感動了全場人。(圖片來源:無綫影片截圖)

為養家曾一度轉行

之後張頴康開始講自己的故事,他稱自己多年前需要錢成家立室,所以轉行做一個中港兩邊走的文員,點知一天發生車禍,佢就回想自己多年連配角都未做過,好唔甘心,於是決心重返無綫!太太麥雅緻知道後,只是簡單講了一句︰「你繼續發你嘅夢啦,錢唔好再諗,屋企由我嚟頂!」太太咁支持自己,張頴康在台上高呼「多謝老婆!老婆我愛你!我永遠愛你!」不單台下的呂慧儀及滕麗名感動落淚,唔少觀眾都睇到眼濕濕!

張頴康發最後通牒 唔怕得罪無綫 預告做唔到男一選擇離巢

劉德華帶入行 2006年入無綫

除了太太麥雅緻精神與經濟上的支持,當年一手帶張頴康入行的劉華功不可沒!01年的復活節,準備升讀中六的張頴康機緣際會下認識了劉華,適逢其經理人公司天中娛樂成立,想發掘一些新人,對跳舞打功夫甚有興趣的張穎康因而被劉華賞識,加入公司成為新人,被安排受訓兩年才正式出道。

張頴康發最後通牒 唔怕得罪無綫 預告做唔到男一選擇離巢

張頴康雖毫無演藝工作經驗,不過受訓期間一樣有糧出,而且獲劉華安排拍攝第一部電影《給他們一個機會》。後來劉華安排張頴康入讀無綫訓練班,當時訓練班每個月人工得幾千蚊,於是劉華每月為張頴康提供五位數字生活費,咁好的老闆去邊度搵?

張頴康發最後通牒 唔怕得罪無綫 預告做唔到男一選擇離巢

「冇華哥就冇我」

所以張頴康接受本刊記者訪問時,直言感激劉華︰

「冇華哥就冇我!真係好感激佢。係佢帶我入行,冇佢我唔會入到無綫,亦唔會識到我老婆。」

張頴康發最後通牒 唔怕得罪無綫 預告做唔到男一選擇離巢

不忘多謝珍姐

除了當年伯樂劉華,張頴康亦不忘多謝一直眷顧自己的無綫高層曾勵珍,因為對方自訓練班期間,十年來一直很照顧自己,給予自己很多機會;另外對太太麥雅緻亦是照顧有加︰「所以我一定要親口同佢講聲多謝。」娛樂圈中懂得飲水思源的人實在不多,張穎康得到認同,可算實至名歸!

張頴康發最後通牒 唔怕得罪無綫 預告做唔到男一選擇離巢
張頴康表示珍姐也是他的伯樂。(圖片來源:東方新地圖片庫)
張頴康發最後通牒 唔怕得罪無綫 預告做唔到男一選擇離巢
張頴康加入無綫15年,一直為做男一而努力。(圖片來源:東方新地圖片庫)

你又點睇?

更多精選內容