愛回家 炎明熹

炎明熹突襲《愛回家》做自己求根叔合照 熊家成員個個讚醒目乖女

娛樂

廣告

有心水清的《愛回家》粉絲記得,炎明熹(Gigi)早於去年4月的一集已被劇透會出現,周嘉洛飾演的金城安和阮政峰飾演的池子孝交談時,池子孝說:「阿壯話全部都係18歲群組,《青春本我》炎明熹咁樣吖嘛……」金城安即時激動說:「唔好攞炎明熹同佢哋比!」當時好多「Gi炎粉」已討論Gigi是否有機會客串?答案終於揭盅,明晚年初五Gigi將登場客串演出!

愛回家 炎明熹 炎明熹 愛回家 金城安即時激動說:「唔好攞炎明熹同佢哋比!」
金城安去年4月已神預言炎明熹會演出,他當時激動說:「唔好攞炎明熹同佢哋比!」(圖片來源:《愛回家之開心速遞》截圖)

炎明熹演返自己

繼After Class的姚焯菲Chantel昨晚已出發到新西蘭升學之後,同團另一成員炎明熹Gigi都透露有意於內地升學,不過Gi炎粉不用失望,Gigi在港大把工作在身,明晚她將客串演出《愛回家》,做返自己,又會引發連串事件。自言由小學開始已經係《愛回家》捧場客,對首度獲邀參與演出,坦言非常興奮:「我一路都有追開,佢哋嘅內容令我睇完之後好開心,每集又會帶出一啲信息,好生活化。呢個處境劇我由細睇到大,小學時係《八時入席》,後尾又有唔同系列。」

愛回家 炎明熹 炎明熹 Gigi演返自己,喺新威龍開粉絲見面會。
Gigi演返自己,喺新威龍開粉絲見面會。(圖片來源:TVB提供)
愛回家 炎明熹 炎明熹 Gigi指可以同劇中角色真正合作,感覺好夢幻。
Gigi指可以同劇中角色真正合作,感覺好夢幻。(圖片來源:TVB提供)

同「根叔」劉丹合照圓夢

Gigi指可以同劇中角色真正合作,感覺既榮幸又夢幻:「真係不可思議,冇諗過以前甚至依家仲一直睇緊嘅劇,會有機會遇到佢哋。」自言最尊敬角色「根叔」劉丹的Gigi,非常希望有機會同根叔合照:「我知佢做咗好耐,好開心可以加入呢個大家庭,因為我見到佢哋好似屋企人咁相處,又會互相叫對方阿爸、家姐或者阿妹,然後佢哋亦都好照顧我。」Gigi今次參與演出之後,仲大讚劇中道具相當逼真:「我一直以為新威龍廣場係一個真嘅廣場,然後Key個名落去,後來先知原來係一個廠景。」

愛回家 炎明熹 炎明熹 Gigi最鍾意劉丹,當然要合照啦!
Gigi最鍾意劉丹,當然要合照啦!(圖片來源:TVB提供)
愛回家 炎明熹 炎明熹 炎明熹以為新威龍廣場係一個真嘅廣場,然後Key個名落去,後來先知原來係一個廠景。
炎明熹以為新威龍廣場係一個真嘅廣場,然後Key個名落去,後來先知原來係一個廠景。(圖片來源:TVB提供)

炎明熹想多拍劇:好有趣

Gigi話希望日後可以再多點拍劇,因為非常鍾意同幕後工作人員相處,Gigi話:「我一直好想拍劇,我覺得拍劇好有趣,我好鍾意同工作人員相處,佢哋真係非常之好,好似屋企人咁,所以我希望儲多啲經驗同能力後再拍劇。」講說話充滿童真嘅Gigi,笑說拍攝當日遇到兩名相當可愛嘅小朋友,還送上兩粒朱古力氹小朋友開心,佢興奮咁話:「嗰日誤打誤撞帶咗兩粒朱古力,其實原本我係想試吓個味,因為冇食過,最後我就一人一粒請佢哋食,啱啱好,Yeah!」

愛回家 炎明熹 炎明熹 Gigi年初五「登陸」《愛回家》,眾人嚟張大合照。
Gigi年初五「登陸」《愛回家》,眾人嚟張大合照。(圖片來源:TVB提供)
愛回家 炎明熹 炎明熹 電梯佈景都令Gigi嘖嘖稱奇。
電梯佈景都令Gigi嘖嘖稱奇。(圖片來源:TVB)

炎明熹將會長駐《愛回家》?

炎明熹(Gigi)早於去年4月的一集已被劇透會出現,周嘉洛飾演的金城安和阮政峰飾演的池子孝交談時,池子孝說…詳情請看

炎明熹因一理由放棄參加《全民造星3》?

她小小年紀已身經百戰,初中已經參加過不少歌唱比賽, 曾在18年的…詳情請看:炎明熹學校開學前一日先請老師 17歲Gigi放學狂吸金 公開小天后5年奮鬥史

圖片來源:娛樂新聞台、TVB資料或影片來源:原文刊於東方新地