愛回家|龔水東京蜜月、香港穿崩cosplay變日本網民讚「愈膠愈過癮」!
《愛回家之開心速遞》快將邁向1,500集,作為收視保證,頻頻「暴走」的劇情果然唔會令觀眾失望。繼早前一連三集上演「龔水」和「蓮輝」的婚禮之後,日前播出兩對新人赴日度蜜月的劇情,疫情之下難唔到「日本取景」的任務,低端cosplay極多穿崩,不過誠意搭夠!
文:東方新地|《愛回家之開心速遞》截圖、「陽光廣告」截圖、YouTube留言截圖
度蜜月變換妻之旅
襲燁(張景淳 飾)與熊若水(呂慧儀 飾)以及宋瑞輝(許家傑 飾)與龍力蓮(林淑敏 飾)日前結完婚,當然唔少得度蜜月之旅!兩對CP都決定去日本度蜜月,而且出發嘅機票都係同一日添!豈料俏秘書阿May(趙希洛 飾)既然將兩對CP中女方的機票調轉咗,將大小姐送咗去會合龔燁,繼而將若水送咗去畀送水輝!劇情初頭都係講兩對CP如何在日本交換返個老婆嘅過程,豈料天時、地利、人和之下,龔燁晚上竟然與大小姐共浴兼同床,而送水輝同若水更加床上四目交投差啲咀嘴,畫面曖昧!