戴耀明 姜濤

50歲戴耀明被指撞樣姜濤表示驚驚 首度公開未婚妻靚樣似熊黛林

娛樂

廣告

早前有網民翻出戴耀明後生的相片,更直指年青時的他與男團MIRROR人氣王姜濤撞樣,戴輝明接受訪問時笑言請求姜糖不要怪責他,不過他亦承認自己頭髮濃密時都叫做「官仔骨骨」⋯⋯

下月將踏入50歲的戴耀明月前爆婚訊,未婚妻是前女友,二人復合數個月便決定結婚,戴耀明接受無綫娛樂新聞台訪問,將未婚妻Anna靚樣首度公開,在訪問揭復合經過如韓劇一樣充滿戲劇性,戴耀明冧爆大數未婚妻優點,及大談年尾婚禮安排﹗

戴耀明 姜濤 360秒人生課堂 戴耀明曾多次在街上被途人認出,但就只會叫他「茄哩啡」三個字﹗
戴耀明曾多次在街上被途人認出,但就只會叫他「茄哩啡」三個字﹗(圖片來源:TVB)

戴耀明宣布脫單兼結婚 翻撻因為一個誤會﹗

戴耀明月前忽爆脫單兼婚訊,入行接近三十年,感情生活向來低調,之前曾自爆暗戀佘詩曼,更開口想娶對方入門﹗戴耀明忽然宣布婚訊,另一半並非暗戀多年的佘詩曼,而是前女友Anna,是圈外人並從事投資金融行業,2011年二人拍拖約六年,因小事經常嗌交加上自己當時不懂遷就人,最後導致分手收場﹗

戴耀明 姜濤 戴耀明 戴耀明接受無綫娛樂新聞台許文軒訪問,開心報喜﹗
戴耀明接受無綫娛樂新聞台許文軒訪問,開心報喜﹗(圖片來源:無綫娛樂新聞台截圖)

戴耀明誤以為患骨癌 學懂珍惜眼前人

戴耀明爆婚訊後接受無綫娛樂新聞台訪問,他指之前手前臂腫痛兩星期一直未有好轉,前往作詳細檢查,等待報告時相當憂慮,戴耀明話:「醫生話都係嗰啲啦,一係良性,一係惡性,當時心諗:『唔係就咁玩完呀?以後做唔到演員,乜都要放棄。』等緊報告時,嗰時覺得自己七、八成有骨癌,第一時間打畀阿媽,第二個就係打畀佢(前女友)﹗大家傾到好灰,仲交低叫佢幫我睇吓阿媽,佢安慰我吉人自有天相,但都好擔心,傾吓傾吓講笑話要去沖喜吓,真正嘅意義係大家有個伴行落去﹗」檢驗報告一出,只是腫傷沒有重症,虛驚一場卻令戴耀明更珍惜眼前人,與前女友復合,並決定結婚﹗

戴耀明 姜濤 戴耀明
「等緊報告時,嗰時覺得自己七、八成有骨癌,第一時間打畀阿媽,第二個就係打畀佢!」(圖片來源:無綫娛樂新聞台截圖)

戴耀明年青舊樣被指似撞樣姜濤

早前有網民翻出戴耀明後生的相片,更直指年青時的他與男團MIRROR人氣王姜濤撞樣,戴輝明接受訪問時笑言請求姜糖不要怪責他,不過他亦承認自己頭髮濃密時都叫做「官仔骨骨」。另一方面,戴耀明亦表示在娛樂團要講際遇,即使靚仔有才華亦需要一位伯樂在背後支持,才能成功!

戴耀明 姜濤 360秒人生課堂
戴耀明年青舊樣被指似撞樣姜濤(圖片來源:網上截圖)

對於被指撞樣,有網民留言「係似樣…..不過咁樣真係有啲危險」,亦有網友讚賞二十出頭的他唇紅齒白,不過戴耀明就回應表示:

Sorry sorry 無意冒犯 小弟純粹笑下自己,
喂大佬 你咁講法 有冇諗過我嘅人生安危,
以後出街都要提心吊膽喎!
真嘅嘢 唔可以 下下都隨便講架!

戴耀明 姜濤 360秒人生課堂 當年廿歲出道的戴耀明,曾參加新秀歌唱大賽。
當年廿歲出道的戴耀明,曾參加新秀歌唱大賽。(圖片來源:TVB)

戴耀明讚未婚妻為人樂觀 與自己性格相近一拍即合

戴耀明和前度Anna復合幾個月,已決定結婚,他在訪問中首度公開未婚妻Anna的相片,長頭髮眼大大,皮膚白滑,被網民讚靚女仲話好似熊黛林﹗戴耀明冧爆講準太太優點,指Anna為人樂觀正面,「佢不時有啲烏龍嘢,同我差唔多,好簡單,好容易開心同笑﹗」戴耀明透露Anna平時愛畫漫畫,不時把畫作送給戴耀明,他把畫作公開並講笑話:「我收到嗰時覺得點解畫到小弟我咁醜樣?可以畫我靚仔啲﹗佢個世界好漫畫好卡通好簡單。」戴耀明坦言對方跟自己性格想法相近,所以一拍即合﹗

戴耀明 姜濤 戴耀明 準戴太首度曝光,被網民讚好靚女,激似名模熊黛林。
準戴太首度曝光,被網民讚好靚女,激似名模熊黛林。(圖片來源:無綫娛樂新聞台截圖)
戴耀明 姜濤 戴耀明 熊黛林
熊黛林(圖片來源:[email protected]
戴耀明 姜濤 戴耀明 戴耀明公開Anna送給他的畫作,漫畫中二人在床上,好寫實,不過戴耀明搞笑話希望可以畫自己靚仔啲﹗
戴耀明公開Anna送給他的畫作,漫畫中二人在床上夠晒寫實,不過戴耀明搞笑話希望可以畫自己靚仔啲﹗(圖片來源:無綫娛樂新聞台截圖)
戴耀明 姜濤 戴耀明 還公開二人一狗的公仔擺設
還公開二人一狗的公仔擺設。(圖片來源:無綫娛樂新聞台截圖)

計劃年尾結婚 對生B有憂慮

戴耀明透露計劃年尾結婚,「想大家最friend最親嘅人一齊食餐飯,好似party咁﹗」身為獨子的他被問到生B計劃,戴耀明指「癌病疑雲」後令他體會健康才最重要,「希望佢可以健健康康,大家都健康,因為自從呢單嘢之後,我發覺若然不幸瀨咗嘢,就算依家即刻畀兩億我都笑唔出,依家覺得同到最想一齊嘅人,做到最想做嘅嘢,就已經心滿意足﹗」至於問到會否趕生B,讓戴媽媽可以早點抱孫,戴耀明直言感憂慮:「呢單嘢有啲難搞,小朋友10歲,我都60,佢啱啱學識打籃球,我仲有冇精力同佢玩呢?佢啱啱出身20歲,我已經70歲,所以隨緣啦﹗」並指同太太有共識對生B都是隨緣,不會強求﹗

戴耀明 姜濤 戴耀明 49歲戴耀明宣布結婚,最開心相信是戴母﹗
49歲戴耀明宣布結婚,最開心相信是戴母﹗(圖片來源:[email protected]_yiu_ming)
戴耀明 姜濤 戴耀明 佘詩曼 復合 結婚
戴耀明是家中獨子,是圈中出名孝順仔,在社交網除了自己的工作照,佔大部分都是母子及家人合照﹗(圖片來源:[email protected]_yiu_ming)

戴耀明 姜濤 戴耀明 佘詩曼 復合 結婚
戴耀明之前剛忙完拍攝新劇《新十二章經》,現在正好有時間可以籌備婚事﹗(圖片來源:[email protected]_yiu_ming)
戴耀明 姜濤 戴耀明 佘詩曼 復合 結婚
提到之前自爆暗戀佘詩曼,戴耀明就話當笑料睇便可,不用認真,佢話同阿佘是比較熟的圈中朋友,亦好欣賞對方,對她沒有任何幻想﹗(圖片來源:[email protected]_yiu_ming)

360秒人生課堂|戴耀明誓要抹走茄哩啡之名 被母催婚背後藏感人故事

《360秒人生課堂》戴耀明生動演繹自己的人生高低起跌,但背後原來藏有一個又一個的感人故事﹗戴耀明自小被懷疑過度活躍,入行做演員只因「怕悶」,認為當演員可以扮演不同職業的角色,戴耀明話:「今日做飛機師,聽日可以做律師,後日可以打劫阿婆,諗起都開心﹗」滿足其坐唔定的性格﹗

戴耀明 姜濤 戴耀明 佘詩曼 復合 結婚
戴耀明指做演員因為為人坐唔定﹗(圖片來源:TVB)
戴耀明 姜濤 360秒人生課堂 當年廿歲出道的戴耀明,曾參加新秀歌唱大賽。
當年廿歲出道的戴耀明,曾參加新秀歌唱大賽。(圖片來源:TVB)

被叫死茄哩啡灑下男兒淚 重申:我個名叫戴耀明

戴耀明加入無綫後,演過不少角色,參演過無數古裝、時裝及民初劇,以及不同劇種溫情、搞笑至勵志都有,演過的角色有記者、綁匪及日本軍官等等,但觀眾都記唔到其名字,他透露最難過一次是在蘭桂坊遭醉酒男子大叫「死茄哩啡」,戴耀明坦言當時帶點醉意,忍不住流下男兒淚:「原來我做咗十年,畀人感覺都係一個茄哩啡,仲要加個死,當然死茄哩啡呢四個字並冇打沉我意志。」之後戴耀明再於吃飯期間遭親切的婆婆以「茄哩啡」問候,不過這次送上的卻是窩心的鼓勵:「黎耀祥都做咗好多年茄哩啡先捱出頭,你畀心機呀,阿婆支持你呀。」直認綠葉生涯艱難的戴耀明,重申只有一個心願:「眨吓眼做咗廿幾年,我呢團火冇熄到。各位街坊,如果第時見到我,我唔係邊個邊個,我亦唔係茄哩啡,我個名叫做戴耀明,我係一個演員。」

戴耀明 姜濤 戴耀明 佘詩曼 復合 結婚
戴耀明曾多次在街上被途人認出,但就只會叫他「茄哩啡」三個字﹗(圖片來源:TVB)

戴耀明談及亡父、年邁母親的簡單心願勁催淚

《360秒人生課堂》分享過程中,戴耀明除了大談當演員的辛酸,也談及家人,出身草根家庭的戴耀明,大多數「做番自己」飾演基,尤其擅長飾演小人物或小古惑。直到 2010 年,戴耀明抓緊了演藝生涯中首個良機,憑《鐵馬尋橋》「義氣排長」一角突圍。在劇中以真摯眼淚感動無數觀眾的戴耀明,眼淚背後卻另藏心酸故事:「11年前我爸過咗身,當時我都懷疑自己情緒有問題,咁啱搵我做《鐵馬》,劇入面有大量喊戲,嗰時話喊就喊…添哥(《鐵馬》監製李添勝)嗰時都讚我:『你個衰仔估唔到平時做開騎騎呢呢,做起呢啲嘢都OK啦,流馬尿幾好﹗』嗰時我開始諗,原來做演員係需要有經歷,但好坦白講,我爸過身呢種經歷,如果可以畀我重頭揀,我寧願冇。」

戴耀明 姜濤 戴耀明 佘詩曼 復合 結婚
現實生活中的戴耀明是個孝順仔,為了照顧年老母親,曾放棄北上發展。(圖片來源:FB@戴耀明)

戴耀明被媽媽催婚

戴耀明還大談已年逾80歲的母親,在戴耀明眼中「戇居居+天真無邪」的戴媽媽,近年起勢向阿仔催婚,為的是怕自己死後阿仔沒有伴,戴耀明引述戴媽媽當時言談:「第時唔覺意你媽兩腳一伸,你又唔覺意喺 TVB攞咗個咩獎,咁你返到屋企拎住個獎戇居居,咪冇人同你分享。你阿媽頂晒櫳變隻飛蛾對你笑一笑,到時你都唔鬼知啦。」樂天又敢言的戴媽媽更心懷希冀阿仔有天能吐氣揚眉,戴耀明坦言相當慚愧,竟連媽媽「電視城一日遊」的心願仍尚未實踐:「我撈咗幾廿年,連帶我媽返電視城參觀都未試過。」 原來戴耀明錄影當日,其好友譚俊彥悄悄地帶戴媽媽參觀電視城,更於古裝街向戴媽媽大談戴耀明拍劇點滴,過程中還不忘表達對好友的感激,譚俊彥說:「我嗰時啱啱嚟 TVB,個個都唔識,小明成日照顧我。有時我有啲戲唔明白,我都會打畀佢。」之後譚俊彥將戴媽媽帶上台並向戴耀明送上擁抱,場面感人。

戴耀明 姜濤 戴耀明 佘詩曼 復合 結婚
節目組及好友譚俊彥為戴耀明送驚喜,場面感人﹗(圖片來源:TVB)
戴耀明 姜濤 戴耀明 佘詩曼 復合 結婚
母子同台,好溫馨﹗(圖片來源:TVB)

戴耀明對佘詩曼心存幻想

入行近30年的無綫綠葉王戴耀明,早前他接受無綫娛樂新聞台訪問,重提當年暗戀佘詩曼,仲開口話要娶阿佘為妻,事隔多年原來戴耀明初心未變!戴耀明因為與佘詩曼在04年合作拍《金枝慾孽》而認識,在戲外「小禮子」一直仰慕「主子」佘詩曼,早年戴耀明接受訪問時曾自爆:「我經常同阿佘講,我賺到錢會娶你做老婆。」在節目《星光路上》內,戴耀明被主持人追問當年話要娶佘詩曼一事,他表示當然記得,更笑說這是不負責任的說話。

戴耀明 姜濤 戴耀明 佘詩曼 復合 結婚
(圖片來源:無綫娛樂台新聞電視載圖)

戴耀明借醉向阿佘示愛

原來當年戴耀明冇實際行動追求佘詩曼,只借醉向阿佘示愛,傳了短訊跟女方說:「我好掛住你。」當然是食檸檬得不到回應啦!戴耀明在訪問中毫不掩飾對佘詩曼愛慕之情,即使得不到亦讚不絕口:「佢係一個好正嘅女人,我相信好多人跟我一樣,有娶佢嘅想法。講出嚟就有五十五十機會,唔開聲嘅話永遠都係零。」

戴耀明 姜濤 戴耀明 佘詩曼 復合 結婚
一提起佘詩曼,戴耀明笑得好開心。(圖片來源:無綫娛樂台新聞電視載圖)

關鍵詞
戴耀明
撰文:東方新地圖片來源:無綫娛樂新聞台截圖資料或影片來源:無綫娛樂新聞台

你又點睇?

更多精選內容