李佳芯低調返港登台獻唱搣甩「魔音」獲嗌Encore 大爆唱功躍進原因！

Ali背心短裙上陣大曬長腿

以一身粉紅色背心短裙上陣的Ali，大曬長腿仙氣十足，甫出場已掌聲如雷。對於離巢後選擇自組工作室，Ali在台上分享走入人生新階段的心情：「每一次踏入新階段，都會有自己打擊自己嘅聲音，呢啲時間我會不斷鞭策同認識自己，努力計劃下一步點做；以前只係演員身份，淨係演戲，好幸福，但而家要兼顧好多嘢，大至將來計劃，小至工作室Logo都要自己設計。」

Ali學會打機減壓

除了大談近況，Ali也分享健康心得，提到她最近素顏出Post被網民激讚狀態極佳似中學生一事，Ali聽聞即哈哈大笑，她直言：「我都係盡量Keep，因為每次開工都要不停化妝，又冇得休息，壓力好大，皮膚會出現敏感，所以只可以喺冇嘢做嘅時候盡量做運動。加上飲食清淡啲，食啲營養補充品，同埋迫自己多飲水排毒。」Ali認為保持好心情亦很重要，以往一開工拍戲便會全程投入、腦海不停思考角色，導致壓力很大，而從來不打機的Ali近來學會打機放鬆、平衡情緒。

Ali又現場獻唱歌曲《終身美麗》，見她表現淡定，唱功大躍進，現場觀眾聽後更紛紛大叫Encore。問到Ali最近是否苦練歌藝？Ali坦言一直有在唱歌方面下苦功：「我會唱K練習，再要身邊人畀評論，收集唔同意見令自己進步。」Ali大方笑稱被網民冠上「魔音」稱號之後，專誠找了唱歌老師指導，「我覺得自己嘅天賦未必係唱歌，咁不如學下，睇吓自己學唔學得識。頭先喺台上感受到最大進步係個人淡定咗好多，因為以前上到台會驚到聲都震。」

重溫10年前 Ali出活動唱《終身美麗》

思捷自爆記性差

至於另一嘉賓李思捷，在活動中發揮扮嘢天王本色，完美模仿張國榮，譚詠麟、李克勤等獻唱串燒扮嘢歌，令氣氛High爆！李思捷直言享受在舞台表演，說到健康心得，李思捷認為飲食均衡很重要，「我之前一段時間冇胃口，食得好少，導致營養不良，好彩Check咗冇事。」另外，李思捷亦會勤力護膚，保持嫩滑肌膚。

李思捷又透露近十多年記性變差，「呢十幾年記性開始麻麻哋，尤其係記歌詞，但好彩唱嘅歌都係八、九十年代，當時我只得十幾歲，係最好記性嘅時候，如果而家先記呢啲歌詞，可能未必記到。」

李思捷醜化Ali「智能雪人」：李佳芯得體回應公司開明咗

去年李佳芯還未離巢時，李思捷在《福祿壽訓練學院》中扮演「智能雪人」一角，又諷刺Ali 被掟入雪櫃，問到是否介意被醜化，對此她表示：「我有聽佢哋啱啱講，不過我自己冇睇。咁我覺得如果公司攞返呢樣嘢嚟開玩笑，證明我哋公司開明咗開通咗。」對於李思捷節目中的一句「如解凍，請講解凍」，這句話被網民解讀為對李佳芯的戲謔，她則回應：「呢樣嘢近呢幾年都聽過，我每一次出嚟每一次都問，都係答同樣嘅嘢，但其實都見到我。」她重申，觀眾們最重要的是能再次見到她的演出，事隔一年，想不到Ali 竟帶挈李思捷一齊登台搵真銀。

李佳芯高EQ回應：都OK

提到李思捷在節目中的換衫場面，李佳芯笑言：「劇情上我都有打格仔，佢食返呢樣嘢都OK！」她表示不會因此而對李思捷有任何不悅，並透露了一段小插曲：

「唔知佢嗰日係咪拍攝，佢嗰日見到我就即刻有口難言，話有啲嘢好想同我講，但係又唔講得，咁我終於明白點解佢會咁樣，原來佢係想玩一個咁樣嘅主題。」