林子博自爆英國染疫需家居隔離 疑子女學校中招傳播

娛樂

廣告

近日新Omicron變種病毒殺入香港,為防爆發第五波疫情,政府日前宣布新一輪限聚令,禁堂食及大型活動至1月20日。另一邊廂,去年移居去英國嘅林子博近日公開表示不幸確診,現需留在家中隔離。

林子博英國新居曝光 月租000全屋多處甩漏
林子博與16歲長女及12歲細仔一家三口移居英國。(圖片來源:Facebook@林子博-我們這一家)

林子博疑染Omicron

林子博在個人YouTube頻道「子博在英國」上以短片形式表示剛剛發現自己不幸確診,不過就唔知係Omicron還是covid-19。影片中,子溥分享了自己的感染病情:「呢幾日我係Keep住發燒,連續三日都燒到39度;Keep住發冷啦,意思係我食咗藥,我可以頂到6個鐘頭,6個鐘之後就會發冷,開晒暖爐都唔掂;咁我都仲有味覺嘅,希望中嘅係輕少少嘅Omicron啦!」

子溥仲話佢Keep住頭痛。(圖片來源:YouTube@子博在英國截圖)
子溥仲話佢Keep住頭痛。(圖片來源:YouTube@子博在英國截圖)

英國嘅隔離措施

子博表示,英國的防疫措施與香港有很大分別,例如在香港染疫就必需要到特定地方隔離,而在英國則先上報政府,繼而進行自我隔離:「如果喺香港就慘喇,喺呢度就變相我都可以喺屋企睇住我對仔女,但某程度上我都擔心佢哋會中招。」子博又稱慶幸家中有一間「套房」,可以與子女都完全分開使用洗手間以降低同屋感染的風險。

相關閱讀:林子博英國新居曝光 月租$12000全屋多處甩漏

林子博英國新居曝光 月租000全屋多處甩漏
林子博英國新居。(圖片來源:YouTube@子博在英國截圖)

疑在囝女學校被傳染

提到感染的途徑,子博話百思不得其解,他反思在過去十日,唯一一次「聚會」已經是1月1日到伯明翰與朋友聚餐,惟朋友都沒有中招,從而令他懷疑是駕車去接兒子放學時受感染:「群體聚集係得學校啫,佢哋一上車,我冇戴口罩,我覺得好大機會。」另一方面,兒子亦曾透露自己班上28個人,僅他自己會戴口罩,加上午飯時大家都會脫口罩兼聚集,危機重重,促使子博決定一家三口打疫苗,可惜在疫苗生效之前,子博就不幸染疫了。

子溥大女16歲,兒子12歲。(圖片來源:)
子溥大女16歲,兒子12歲。(圖片來源:YouTube@子博在英國截圖)

唔適應病毒共存政策

不過林子博受訪時表示「唔識應啲人唔戴口罩」的說法卻惹來爭議,有網民認為他將病況視為洪水猛獸是過慮,建議他不應抱守香港防疫法、將標準搬去英國,更有網民表示「西安清咗零,你去嗰度啦」⋯⋯

睇返子博點講:

美國網友回應:

「子博唔使擔心㗎!呢個Omicron嚟得快走得快,我住LA,我屋企有三個中咗招,身邊有好多朋友都中招,個個都自我隔離10之後,二日前個個返番工,真係好似感冒咁,好快冇事,唔使擔心,只要你哋打哂針就得喇!避唔到,梗有一個喺左緊,支持你,努力 加油 祝你快啲好返」

英國網友分享:

「祝你早日康復!我亞女在英國的同學們,很多也感染了,只能回家隔離,他們也康復了,你也一定很快康復的,多吸收不同的益生菌以增強抵抗力,你還要照顧小朋友們,加油,努力!」

過來人經驗分享:

「不要太擔心及不要怪責自己疏忽,我身邊大部份同事及其家人也中招。好彩你哋打了針可減輕中了的反應。正常體溫37.2所以至少你也逐漸康復,大約五至七日應該會好啲。」

撰文:東方新地 圖片來源:YouTube@子博在英國截圖、Facebook@林子博-我們這一家